مشاركة: دورة في الأسهم من الإلف إلى أليا
لماذا الشركة الفلانيه عرضت اسهمها للبيع ؟؟؟؟
عندما يتم انشاء شركة معينه على اساس كونها مساهم ياتي رجال الاعمال المعنيين للمشروع ويفترضون راس مال بمبلغ 200 ريال مثلاً
رجال الاعمال يملكون مبلغ 100 ريال فقط .. وش يسوون؟؟؟
يقسمون ال200 ريال بشكل اسهم كل سهم قيمته ريال واحد مثلا ياخذون رجال الاعمال نصها ويدفعون 100 ريال ويبيعون الاسهم اللي تبقى للعامه بحيث
يملك العامه نصف الشركه والنصف الاخر لرجال الاعمال والرجل الذي يملك الاغلبيه من الاسهم بالنسبه للمساهمين
يحق له بادارة الشركة وهكذا.
تنزل اسهم الشركة بقيمة اسميه ريال واحد ويشتري الناس ويرتفع سعرها وينخفض بحسب الارباح او الخسائر ولا يفيد ذلك الشركه كون السهم ارتفع او انخفض ....
اقل مبلغ للدخول في سوق الاسهم 10.000 ولا يسمح باقل من ذلك .
لنفترض عندك 1000 وامامك شركتين احدهما ب50 ريال السهم والاخرى ب ريال واحد السهم فأي منهما تشتري؟؟؟
اذا اشتريت في الشركه الاولى راح تعطيك 20 سهم بينما الثانيه راح تعطيك 1000 سهم
بعد دقيقه ارتفعوا الثنتين ربع ريال
الشركة الاولى راح تعطيك ربح 5 ريالات
بينما الشركة الثانيه راح تعطيك 250 ريال
فكلما كان سعر السهم قليل كلما كثرت الكميه اللي راح تكون قادر على شرائها وكلما زادت كمية الاسهم المملوكه كلما كان النص والربع مهم لك كربح.
فاذا اشتريت 3000 سهم من شركه وارتفعت ربع ريال ... نكوت كسبت 750 ريال
ففيه ناس تملك مئات الالوف ولكن لا تستطيع ان تشتري الا بضع مئات في بنك الراجحي مثلا بينما تقدر تسوي فرق كبير جداً لو اشترت في المواشي.
وفيه حركة تصير دائما في سوق الاسهم .......
(((((((((((مهم جدااااااااااااااا))))))))))))
محد سأل نفسه وشلون تبدء المضاربه على السهم ؟؟؟؟؟؟؟؟؟؟؟؟؟؟؟؟؟؟؟؟
احيانا بالصدفه ولكن احيانا ثانيه تكون مدبره ........
مثلا .... مضارب مليونير او مجموعه من المضاربين بالاتفاق فيما بينهم يدخلون السوق ويشترون كل الكمية المعروضه مثلاً
شركة معينه كمثال:-
افضل سعر طلب = 20 وافضل كمية 2000
افضل سعر عرض 20.25 بكمية 5000
يشتري المضاربون كل كمية العرض فينتقل للربع اللي بعده فيصير الوضع كالتالي
افضل سعر طلب = 20.25 بكمية 50
افضل سعر عرض 20.5 بكمية 10.000
ويشترون المضاربين كل كمية العرض فينتقل السعر للربع اللي بعده
وهكذا يستمر المضاربون فيرفعون السهم ريالين او 3 ريالات ويتنبه المضاربون للي يحصل ويبدئون الناس في الشراء.
عندها يتوقف المضاربون ( سبب المشكله ) عن الشراء ويصيروا الناس يشترون فيرفعون السعر الى 10%.
عندها يبدء المضاربون (سبب المشكله) في بيع اسهمهم وغالبا ما تكون كثيره جداً فيبيعون بسعر الطلب حتي ينزل السهم ربع ريال وبعدها يبيعون
للربع اللي تحته وهم طبعا كسبانين بكذا
ولما يشوفون الناس ان سعر السهم بدء ينزل يبدئون هم بعد في البيع ويستمر البيع حتى يرجع سعر السهم لمستواه الاصلي.
وهذا اللي يصير في ما سميته انا سابقا بفقاعة الصابون .
ونصيحتي ان تتابع اسعار الاسهم من موقع البنك اللي تتعامل معه وشريط الاسعار.
انا ما شرحت لكم ايش يكون شريط الاسعار .......... تلقونه بموقع تداول اول ما تفتح الصفحه في اخر الشاشه بالاسفل ناحية اليمين بالشريط الاصفر
وعند النقر عليه يظهر شريط الاسعار ..
ويوضح شريط الاسعار من الاعلى للاسفل:-
اسم الشركه
كمية الاسهم التي تم شرائها
السعر الذي تم الشراء به ونسبة التغير
وفايدته في ملاحظة الشركات الاكثر رواجاً بين المضاربين وايضاً لملاحظة ما اذا كانت هناك مضاربه على سهم معين ام لا ونسبة التغير حتى تلحقون
تشترون قبل انتهاء نسبة العشره بالمئه
وحتى شريط الاسعار للاسف متاخر شوي لكن مع كذا يعتبر جداً مفيد..
بعد ما تتأكد من ان الشركه عليها مضاربه من متابعة شريط الاسعار والتأكد من حجم التنفيذ بحيث يكون عالي بالنسبه للشركات الاخرى اذهب الى
حسابك على الانترنت وتابع اسعار الاسهم من خلال احصائيات الشركات .
وميزة اخذ السعر من البنك انه البنك يعطيك السعر كما هو موجود في نفس اللحظه بالسوق ولكن عيبه انك ما تقدر تتابع الا شركه واحده
واذا اردت ان تتابع غيرها يجب عليك ان تغير اسم الشركه وتطلب احصائياتها .......
ونصيحه :::: لا تشتري ابداً عند اقفال سهم شركه عند 10% بمعنى
مثلا شركة وصلت لحاجز ال10% سعر سهمها 200 ريال راح يظهر الآتي
افضل طلب 200 بكمية مثلا 100.000
افضل عرض 0 بكمية 00