مشاركة: سؤال محاسبة مقاولات
يا أخي الكريم عملية بيع الأصل
تعاله نحللها واحده واحده
الاصل ( السيارة ) مدين صح ... لما نبيعة يعنى هيقل لما يقل يصبح طرف دائن مش كدا
تمام
ندخل على طرف القيد التاني احنا بعنا يعنى دخلنا فلوس يعنى البنك ( أصل ) زاد يبقى ايه .. مدين طبعا
وخد مثال اهه هيوضحلك كل الأمور
بص يل سيدي عندنا سيارة اشترناه طبقا للعقد ب 70000 ريال سعودي أوك
تمام وقدرنا عمرها الإنتاجي ب 5 سنين
يعنى قسط إهلالكها كام ...................... = 70000/5 = 14000 الف ريال ( قسط الهلاك السنوي )
اوك
بعدين فى السنة التالته جتلنا بيعتين ليها واحد عايز يدفع 25000ريال والتاني عايز يدفع 30000ريال
بص يا سيدي احنا لو بعنا للراجل الاول بسعر 25000ريال يعنى
القيمة الدفترية للعربية بتاعتنا = 70000- ( 14000*3 ) = 28000 ريال
اوك في الحالة دي القيد يبقا ازاى
من مذكورين
25000 حـ/ البنك
3000 حـ/ خسائر رأسمالية
28000 إلي حـ / السيارة
( بيع السيارة بخسارة قدرها 3000 ريال )
شفت خسرنا كدا 3000 ريال
طب خلينا كدا نبيعا للراجل التاني
القيد يبقا كدا
30000 من حـ / البنك
إلي مذكورين
28000 حـ / السيارة
2000 حـ / أرباح رأسمالية
( بيع السيارة بمكسب قدره 2000ريال )
كدا نكسب 2000 ريال
انت أية رايك بقا نبيع للأول ولا للتاني
شكرا .. وعذرنا على الإطالة بس أنا كنت بحاول اني أوضح الأمر ببساطة ووضوح عالي