شادى الترجمان

الاستاذ/هشام حلمى مشرف المنتدى

أولا اسمح لي ان اشكر حضرتك للمجهود الرائع الذى تبذله لافادة أعضاء المنتدى جعله الله فى ميزان حسناتك
اعمل فى شركة سياحة كبيرة
وواجهتنى مشكلة صغيرة
فى احد العملاء كان بيدفع بشيكات أجلة
وكان الشيكات تدخل الخزينة
ويكون القيد كلاتى
من حساب الخزينة
إلى حساب العملاء
وبهذا يكون العميل سدد
وعند تقديم هذه الشيكات إلى البنك
تم رفضها وقد سافر العميل الى اسبانيا وفض الشركة
ولا نستطيع العثور عليه
وقد رفعنا قضايا للعمل على هذه القضية
ولكن المدير المالى قال لى اعمل اذون صرف بهذه الشيكات
واكتب انها ديون معدومة
لأن هذه الشيكات كانت معلقة برصيد الخزينة
مع العلم بانه لم يتم اصدار اذن صرف او توريد عند ايداع الشيكات فى البنك
لأنها كانت شيكات مفتوحة وبأسم صاحب الشركة
فبالتالى هى رصيد فى الخزينة وتعتبر اموال معلقة برصيد الخزينة يظهر بالجرد كل مرة
وانا عارف طبعا ان المعالجة المحاسبية اللى قالها لى المدير المالى خطأ
علشان الديون المعدومة ليها اجراءات قانونية كتير اوى
بس خلاص انا عملت اذن الصرف وطلعتها من الخزينة مع العلم بان الشيكات مع المحامى
وذلك امتثال لأوامر المدير المالى
بس لما جيت اعمل الميزان مكنتش مقتنع بأنى اعمل بند اسمه ديون معدومة بدون مستندات
وبدون انشاء مخصص اصلا
يا ترى الحل ايه دلوقتى
القيد امامى دلوقتى
من حساب ديون معدمة
الى حساب خزينة
مع العلم بانه لا يوجد لدينا مخصص ديون معدومة

انا هكون مشكور جدا اذا حضرتك رديت عليا
ولك خالص تحياتى