مشاركة: ما الفرق بين جاري الشركاء وراس المال ؟
اقتباس:
المشاركة الأصلية كتبت بواسطة waled mohamed
بص يا ريس حازم
اولا اعرفك بنفسي انا اخوك وليد
رأس المال دة اللى بيبدأ بيه المشروع وهو اللى بيتكتب فى السجل التجارى و هو نفسة اللى بتكتب فى الميزانية لما بتتقفل تمام
و دة اللى المستثمر بيبدأ بيه شغلة و القيود بتاعتة كالتالى
ح/ النقدية او البنك (حسب مايكون مكان رأس المال دة)
الى ح/ رأس المال
لان راس المال معروف انة دائن
ــــــــــــــــــــــــــــــــــــــــــــــــــ ــــــــــــــــــــــــــــــــــــ
اما جارى الشريك فا دة الجارى بتاعة اللى فى البنك وعلى حسب معلوماتى ان بيدخل فيه المتمم الحسابى بمعنى اية
بمعنى انى بقف الميزانية بتاعتى تمام و اكتب راس المال وكدة والخصوم بتاعتى وباجى بلاقى فرق فى الاصل والخصوم طبيعي لازم تكون متساوية الفرق دة بيبقى جارى الشريك بيبقى بالمعنى المحاسبي المتمم الحسابي
تمام كدة يا حازم
وربنا يعنى ويعينك ويعين المسلمين ويعز الاسلام
|
اخي الكريم
شرح راس المال صحيح
اما ح / جاري الشريك فاول مرة اسمع الكلام ده
واسمع ان في متمم في الميزانية
علي العموم ح /جاري الشريك ياتي طرف مدين في القيد
في حالة سحب فلوس خاصة بالنشاط فتسجل عليه كمديونية
او سحب بضاعة
القيود
من ح / جاري الشريك محمد
الي ح / البنك
الي ح / الصندوق
الي ح / المبيعات ( سحب بضاعة بسعر البع )
الي ح / المشتريات ( سحب بضاعة بسعر التكلفة / الشراء )
----------
وياتي ح / جاري الشريك طرف دائن
في حالة ايداع مال شخصي لصاحب العمل بالحساب البنكي الخاص بالنشاط
( علشان سيادته مش عاوز يفتح حساب بنكي شخصي خاص به بعيدا عن العمل
او ممكن حطه دعم للمنشاة للمشتريات وفيما بعد يقوم بسحبه علي دفعات )
وممكن يتم ترحيل صافي ربح الفترة علي هذا الحساب ايضا
---------
من ح / البنك او الصندوق
الي ح / جاري الشريك محمد
ايداع مال خاص بالشريك محمد في بنك النشاط
------
من ح / صافي ربح الفترة
الي ح / توزيع الارباح
من ح / توزيع الارباح
الي ح / جاري الشريك محمد
الي ح / جاري الشريك احمد
توزيع جزء من ارباح عام 2007 وترحيل الي الحساب الخاص بالشركاء
-----
اما انه متمم فاول مرة اسمع هذا و الله اعلم