شاب من المنصورة

السلام عليكم انا محاسب دفعة 2009 وسافرت للامارات وكنت فى الشارقة بس للاسف كنسلت لانى للاسف وقعت فى ايد ناس ميعرفوش ربنا والمشكلة الى ودانى ليهم ابن عمى وسلمنى ليهم تسليم الاهالى مكتب تاجير سيارات بالشارقة وكانوا عملنلى المهنة عامل محل وسكت مع انى محاسب ومعايا تقدير وكويس فى الكمبيوتر والانجلش بس للاسف انى سمعت كلام ابن عمى وقالى روح دى شركة كبيرة ولما جيت الامارات اتفاجات ورضيت بالامر الواقع 3 شهور لحد مكفرونى وفى الاخر اخدو منى كل مليم اشتغلت بية وتمن الاقامة علشان يطلعونى من السجن لانهم اتبلوا عليا وكانت هتبقى قضية وفضايح كل دة علشان مرضتش ادفع الاقامة وانا اخدت حرمان 6 شهور وحاليا بقالى 3 شهور فى مصر وحالتى تصعب على الكافر لا شغل ولا سفر وكل مكاتب السفريات بتنصب عليا ومش عارف اعمل اية غير انى اقول حسبى الله ونعم الوكيل ويمكن قصتى دى لو اتعملت فيلم كان كسر الدنيا ونجح بس كان مش هيبقى زى الحقيقة والمرار الى شفتة فى اسوء 3شهور فى حياتى وعلى فكرة الى كنت شغال عندة دة احمد بكر اخو الموسيقار حلمى بكر ناس كافرة ومتعرفش ربنا والمكتب اسمة الموسيقار