مشاركة: تكلفة البضاعة المباعة والمخزون
السلام عليكم
تحيه وبعد
بص يا اخى بالنسبه للمخزون
فى نوعين منه الاول مخزون بالجرد الدورى والتانى مخزون بالجرد المستمر خلينا نبدا اوضحلك الاتنين اولا المخزون بالجرد المستمر
انتا هنا بتعمل ايه مابتعتمدش على قيد المشتريات لانك بتتعامل مع المخزون مباشره ازاى بئا اقولك انا انتا لو دخل المخزن عندك بضاعه هتعمل ايه هتثبتها فى الدفاتر كدا
من ح/المخزون
الى ح/ الموردين (اجل)
الى ح/الصندوق (نقدا)
لما تيجى تصرف بضاعه تعمل قيد زى كدا
من ح/ تكلفه البضاعه المباعه
الى ح/المخزون
تمام كدا لان تكلفه البضاعه المباعه تصبح مدينه عند صرف اى بضاعه من المخزن بس ده بسعر تكلفه البضاعه على العكس من المبيعات بسعر البيع بس فى عمليه الجرد ده انتا بتستغنى عن قيد المشتريات
وتكلفه البضاعه المباعه= مخزون اول المده+صافى المشتريات_مخزون اخر المده
واما فى حاله رد البضاعه بتزود مديونه المخزون وتقلل مديونيه المورد لو كان اجل والله اعلم