مشاركة: هل انت مستريح بعملك؟؟؟( الذي تقضي به وقت اكثر من بيتك)
أسئلة جميلة والله بس المشكلة ان اجاباتها فعلا وحشة دة بالنسبة لي انا
هل المكان الذي تعمل به( شركة ، مؤسسة ، شخص فردي) يوجد به نظام عادل غير قائم على المحسوبية؟
طبعا الاسم انهم ملهمش دعوة بالمحسوبية لكن لو قريب حد عايز يشتغل هيشتغل حتى لو شغله غلط او ملهوش في الشغل
هل تاخذ حقوقك بميعادها؟ ام تغتصب منك؟او تتاخر في الحصول عليها؟
مرة خرجت انا والمدير بتاعي لندوة تدريبية من الساعة 7 الصبح لغاية الساعة 6 مساء وفوجئت ان اليوم دة اتسجل لي غياب يعني خصم 3 ايام حسب لائحة العمل في المصنعحاولت اتكلم مع حد لكن دون جدوى
كيف يعاملك مدرائك؟باضطهاد وتكبر و...الخ ام باحترام؟
أكيد المعاملة باحترام بس الموضوع موضوع تسخير يعني بيحرج الواحد بالذوق عشان يقوم بشغل مش بتاعه
كيف يتعامل الموظفون مع بعضهم البعض؟ بثقة ومعاملة اخوية ؟ ام بوشايات ونميمة وحسد و ضرب من تحت الحزام ونفاق؟؟
مع ان كلنا من سن بعض الا اننا بسبب الشغل كرهنا بعض
هل هناك مهام معينة مسئول انت عنها ام مهام عملك مبهمة ومفتوحة وكل يوم مهام جديدة ؟
مرة محاسب ومرة سكرتير ومرة علاقات عامة ومرةاعمل الشاي واجيب فطار وفي الاخر مش عاجب
هل المدير يصدر قرارات عشوائية ام مدروسة ؟ يعني نجد المدير اذا تشاجر مع موظف يفصلة بثانية( بعد خدمة 10 سنوات مثلا)
دي حصلت فعلا لواحد كان شغال في المصنع بقاله 3 سنين وقاله رش السقف فقاله المية مش بتطلع (ضعيفة يعني) فبلغ نايب المدير قاله المية لو طلعت فوق مشي الاستاذ دة
هل تشعر بالامان ؟ ام خوف وقلق وعدم ثقة من المدراء والموظفين والعملاء ؟ هل في وقت عملك يكون ضغطك مرتفع ؟ ام مرتاح البال؟
على فكة مش مستاهلة الواحد يجيله سكر و ضغط انا سبت الشغل وسبت مرتبي بالكامل وفي داهية اهم حاجة راحة البال مع ان الناس غلطتني عشان سبت حقي
وبعد ما مشيت مشي بعدي 6 في نفس الاسبوع اتنين مهندسين واربعة عمال
تفتكر انا غلط ولا صح ؟؟؟؟