السلام عليكم ورحمة الله
تخيلوا ان ممكن واحد يتحرم من انه يشتغل في مكان محترم أو انه يشتغل محاسب او انه يشتغل أصلا لمجرد انه لم يسعده الحظ ( او أمه داعية عليه ) ولم يكن من سكان وقاطني قاهرة المعز عاصمة مصر المحروسة.!!!!!!!!!!
طب أنا اتولدت لقيت نفسي للأسف مش من سكان القاهرة الكبرى ... معنى ذلك اني اتحرم من كل فرص العمل اللي قابلتني !!!!!!!
فعلا حصل مرات كتيرة لما كنت اروح مقابلة ( بعد عناء مرير ) انه يبصلي من فوق لتحت ويقولي ان انا مش ساكن في القاهرة !!! طب انت مالك.. انت ليك اني آجي في معادي واشوف شغلي ,
حتى مكاتب المحاسبة اللي هشتغل فيها ببلاش ( بس عشان الخبرة العملية مش اكتر ) برضه مش عاجبهم.
مع العلم بان الوقت من بيتنا لغاية رمسيس ساعة وربع بس
ومرة اخترعت عنوان وكتبته في السي في ولقيت فعلا ان شركة اتصلت بيا عشان غيرت العنوان ولما رحت ومعرفتش اقنعهم مكلمونيش تاني.
طب يا اخونا مالكوش دعوة أنا راضي اتعب واتمرمط واكل مرة واحدة في اليوم بس اشتغل محااااااااسب..
أنا بشتغل أمين مخزن في العاشر من رمضان بقالي سنة وشوية لما طهقت ومش طايق نفسي بس للأسف مينفعش اقعد في البيت.
وفي النهاية نداء الى اصحاب القلوب القاسية.. مالكوش دعوة أنا ساكن فين..
والى اصحاب القلوب الرحيمة.. لو حد يعرف يشغلني محاسب يبقى كتر خيره