مساعدة لطالب في كلية تجارة
 

في بداية الكلام احب ابدا يتحية الاسلام (السلام عليكم و رحمة الله و بركاتة)

في الاول احب اعرفكم بنفسي انا طالب في كلية تجارة جامعة المنصورة و في سنة تانية
انا عايز حد ينصحني و يرشدني لطريق النجاح في هذا المجال الا هو مجال المحاسبة طبعا انتوا عارفين ان كليات تجارة بيقولوا عليها كلية الشعب وانا صراحة بشوف الاعداد الي بتكون في المدرج الي بتوصل بس في دفعتي الي 5000 طالب وانا عارف انا كل سنة بيتخرج خوالي 65000طالب من كليات التجارة في مصر طبعا 99%مبيشتغلوش بالشهادة دي بس انا حابب اشتغل في المحال دة لانة مجال واسع و جميل انا كان امامي اخش كلية اعلي من حيث التنسيق ايام الثانوية بس انا فضلت التجارة
وانا عارف الي بيشتغل في مجال المحاسبة شهادة البكالوريوس مش خي الي بتشغلة ابدا انا عارف لازم ياخد كورسات و يطور من نفسة انا بقي عايز اخد كوسات دي بس مش عارف هي اية انا سمعت عن cma cpa mpiكلها شهادت عالمية بس مش عارف اخدها متي و لا ابدء بكوسات اية
الرجاء ساعدوني في المعضلة دي بعد اذن سيادتكم
و بالنسبة لموضوع الدراسات العليا في مجال المحاسبة هل هي بتفيد و لا لا
و لكم جزيل الشكر
اخوكم في الله

مشاركة: مساعدة لطالب في كلية تجارة
 

يا عم ريح دماغك دلوقتي لما تبقي تخلص الاول ربنا هيحلها ان شاء الله

مشاركة: مساعدة لطالب في كلية تجارة
 

طبعا اخى الفاضل لا يوجد دراسة لا تفيد او كورس لايفيد و انما اصبر حتى سنة رابعة وبعد التخصص لو كنت هتحصص ادارة ولا محاسبة وبعدها ابدا لكن ممكن تنمى نفسك فى الانجلش وبعد كده تشوف مثلا اى كورس على برامج الاوفيس وبعدها برامج حسابات جاهزة وبعد كده تشوف خبرة فى مكتب محاسبة او شركة وبعدها انت اللى هتحدد مستقبلك اذا كنت عاوز تعمل دبلومة فى ايه
بمعنى انك ممكن تشوف الكاريير اللى هتبقى فيه وتعمل دبلومتك فيه مثل دبلومة تكاليف او ضرائب اللللخ
والله الموفق

مشاركة: مساعدة لطالب في كلية تجارة
 

انا عاوز أعلق علي نقطة مهمة في كلامك

إحترم مهنتك علشان تحترمك ..

ومتقولش علي كليتك كلية الشعب حتي ولو كانت كدا

أنظر للجناب الإيجابي في الموضوع مهنة المحاسب من أجمل المهن اللى ممكن تمتهنها في حياتك

انت لا دكتور بتتعامل مع مرضي ودم وعمليات وأشياء مقززة

ولا انت مهندس بتتعامل مع رمل وظلط وطوب وعمال .. أفتخر فأنت محاسب

وأهم حاجة تركز فيها دلوقتي هيا المذاكرة ليس للأمتحان بل المذاكرة رغبة في العلم

متحفظش كلمتين تخش تكتبهم في الامتحان وتطلع ناسيهم

لا ذاكر علشان المعلومة اللى تدخل تفضل في دماغك مدي الحياة لأنك هتستخدمها في شغلك في يوم من الايام

مع تمنياتي بالتوفيق والتميز

مشاركة: مساعدة لطالب في كلية تجارة
 

السلام عليكم
انا عندي ليك نصيحة هتفيدك في الحاضر والمستقبل
لو تعرف مكتب محاسبة تنزل تدريب عنه ده هيفيدك كتير قوي

مشاركة: مساعدة لطالب في كلية تجارة
 

[frame="7 80"]
اخى العزيز / زياد المصرى
اولا يااخى ركز على مذاكرتك وانك تتخرج
ثانيا لو فى وقت فراغ ابدء بتعلم اللغة الانجليزية والكمبيوتر
ثالثا لو تعرف مكتب محاسبة تنزل فيه تدريب يكون جميل جدا لان ده هايفيدك كتير
رابعا لو فى دبلومة فى الضرائب يكون ممتاز جدا مع الخبرة المكتسبة ان شاء الله من مكتب المحاسبة
واخيرا ياخى ربنا يوفقك للاختيار الصحيح وسوف تجد النصائح واحدة ولم اضيف شىء من عندى
[/frame]