لكل المهتمين ب Cma
 

اولا ياجماعه انا اسمى احمد خريج تجاره اسكندريه 2006 وبدرس cma فى الاكاديميه العربيه للعلوم والتكنولوجيا



CERTFIED MANAGEMENT ACCUNTANT(CMA)
CERTFIED FINANCIAL MANAGEMENT(CFM)
الموضوع كله كالاتي واحد في امريكا خريج كلية تجارة و بقاله مثلا 3 او 4 سنين شغال في مجال المحاسبة في امريكا وهم طبعا لازم يطوروا من نفسهم كل فترة فيقوم الراجل ابن الحلال ده رايح علي المعهد اللي بيدي الشهادة دي اللي هو اسمه
INSTITUTE OF MANAGMENT ACCOUNTANT
اللي موجود في نيوجرسي

و هناك بقي يدوله كتاب اسمه (GLEIM) ده واحد بروفيسور في المحاسبة الراجل ابن الحلال ده بقي طبعا عارف كل حاجة موجودة في الكتاب فهو مجرد يقرا الكتاب كده و يشوف شكل الاسئلة عامل ازاي (كل ده ممكن يقراه في 4 او 5 ساعات) و و يروح داخل الامتحان في المعهد و ينجح و ياخد الشهادة و بالتالي يبقي محاسب معتمد من المعهد ده اللي هو معتمد من كل الشركات العالمية و اللي بتعترف بالشهادة دي


اما بالنسبة لينا احنا كمصريين او كعرب فنحن لا نفقه شيء عن اللي موجود في الكتاب ده حتي لو خريجي تجارة انجليزي اينعم عارفين المصطلحات و معناها بس نستخدمها في ايه و ازاي هو ده المطلوب اثباته و بالتالي هنحتاج يتشرحلنا الكتاب ده هتروح اي حته بتشرح الشهادة دي و اللي انا ملاحظ انها كترت اوي سواء هتروح الجامعة الامريكية او اسكادا او ارادو او اي حته اعمل حسابك انك هتعمل مجهود جامد جدا جدا ولازم تعمله مادام هتدفع فلوس و عاوز تاخد الشهادة يبقي لازم تذاكر جامد بس مذاكرة الشهادة دي مش هتبقي حفظ زي ماتعودنا لازم تبقي فاهم كويس جدا الدنيا ماشية ازاي عشان الشهادة دي داخل فيها اقتصاد و محاسبة و رياضة و حاجات كتير اوي والامتحان مابيجيش مباشر بييقي الممتحن عاوز يعرف انت فاهم ولا لأ مش وي عندنا خش دش و ارمي الكلمتين و بعدين مالكشي علاقة باللي انت ذاكرته ده لأ اعمل حسابك ان ده هيبقي شغلك بعد كده وانت كده المفروض بتستثمر فلوسك في نفسك مش في مشروع. (الجزى السابق منقول وذالك للامانه اما ما سياتى فهو من واقع دراستى للcma)
لندخل على التفاصيل
1:مكان الدراسه حتى لا نقع ضحيه لاى عمليه نصب خاصه مع زياده عدد المراكز التى تدرس الشهادات المحاسبيه
لابد من اختيار مكان ذو ثقه عاليه جدا جدا لان الموضوع مكلف جدا
وحتى لايتلاعب احد باحلامك وطموحاتك لان دى النقطه الحساسه عند اى خريج تجاره
2:الاinstructor او الشخص اللى هيدرسلك الشهاده يفضل ان يكون شخص واحد لان اجزاء الشهاده مرتبطه ببعضها
ولابد ان يكون الا instructor على الاقل حاصل على cma&cpa يعنى مش اى حد عارف كلمتين وخلاص
لانها مش زى الجامعه .الشهاده بتعلمك تكون professional يعنى مش دراسه اكاديميه
وللموضوع بقيه قريبا.............................

Cma نهاية 2007
 

الله ينور عليك يا زميل ويوفقك

لكن لي سؤال هل صحيح ان مواد الشهادة دي بتتغير كل فترة علشان انا سمعت ان سي ام ايه التي تدرس حاليا سوف تتغير مع نهاية 2007 فهل عندك معلومات اكتر عن تغيير المواد ده
وياريت تقلي عنوان الأكاديمية العربية للعلوم والتكنولوجيا وتكاليف دراسةCMA فيها كام
وشكرا يا اخ احمد

شكرا لك اخى العزيز على ردك
بالنسبه لتغيير مناهج الcmaفانى اعتقد انها معدله قريبا وليس عندى علم فى هذا الشان وعلى العموم سوف اسال فى هذا الموضوع
اما بالنسبه للاكاديميه فانا اعرف عنوانها بالاسكندريه فقط وهو ميامى شارع جمال عبد الناصر
وبالنسبه للتكاليف بتكون حوالى 2000 جنيه للبارت

لكل المهتمين ب cma
 

يسلم مجهودك :) :)

إخواني الكرام


المنهج الحالي لـ Cma يعتبر هو الموجود حاليا يعني مافيه تغيير لأنه لسه متغير من يوليو 2004 و هناك ما زال بعض الناس يمتحنون على المنهج القديم و هؤلاء الناس هم اللى سجلوا قبل تغيير المنهج أما اللى سجل بعد التغيير فيمتحن على المنهج الجديد زي حالاتي كده . أنا امتحنت الجزء الأول و نجحت الحمدلله و باذاكر الجزء الثاني .

المنهج الجديد يختلف عن القديم في الأتي :

الجديد تم دمج بعض الموضوعات من الأجزاء الأربعة في المنهج القديم و تغيير وضعها مثلا كانت في الجزء الأول في القديم أصبحت في الجزء الثاني في الجديد و هكذا

تم استحداث نوعية جديدة من الأسئلة في الجزء الرابع و هي أسئلة نصية و ليس النظام الأمريكي سؤال و أربع إجابات

في النظام الجديد علشان تدخل امتحان الجزء الرابع لازم تكون نجحت في الثلاثة الأولى لأن الجزء الرابع اختباره يتضمن أسئلة من الأجزاء الثلاثة الأولى

ممكن تزرورا موقع معهد Ima و هو الذي يمنح هذه الشهادة و عليه كل التفاصيل و الفروقات بين النظامين

لكن الخلاصة مفيش تغيير في المنهج الحالي على الأقل في الفترة القادمة .. رئيس المعهد كان في الرياض من شهرين و قال كده .


بالتوفيق للجميع


خالد العمري

السلام عليكم اخى العزيز انا طالب فى تجارة اسكندرية الفرقة الرابعة اية المطلوب علشان يبقى معايا شهادة زى cpa&cma ,وايهما احسن لو انا عايز اشتغل محاسب فى شركة بترول او شركة دولية ارجو الافادة يعنى الانجليزى لابد من اجاتدة اجادة تامة بنسبة كام وهل يجوز انى اخل وانا طالب ولا لازم اخد الشهادة الاول
[email protected]

مشاركة: لكل المهتمين ب Cma
 

شكرااااااااااااااا

مشاركة: لكل المهتمين ب Cma
 

انا شايف انك مكبر المسألة قوى
مفيش حد يقدر يذاكر مناهج الcma فى أربع أو خمس ساعات حتى ولو كان عبقرينو
فمن خلال مراسلتى لبعض أصدقائى الامريكان وجدت انهم يلاقوا ايضا صعوبة فى الدراسة وان كانت ليس بالدرجة التى نلقاها هنا فى البلدان العربية
مع العلم ان تكاليف الدراسة بالولايات المتحدة تتراوح مابين 3 الى 4 الاف دولار
اى ربما اغلى مننا
كما قال لى احدهم انه رسب اكثر من مرة وفى اكثر من جزء
مشكلة الcma وعن تجربة مش فى درجة اجادتك للانجليزى بس ولكن المشكلة الحقيقية فى الcma
نفسها فمن يمتلك ثقافة ادارية اقتصادية تفاوضية محاسبية قوية ربما قد لايلاقى صعوبة فى اجتياز تلك الشهادة العريقة
ومساهمة منى لهذا المنتدى اعلن عن استعدادى لمساعدة اى طالب علم يسعى للحصول على هذه الشهادة
وهذا ايميلى
[email protected]

مشاركة: لكل المهتمين ب Cma
 

مشكور يااخي

مشاركة: لكل المهتمين ب Cma
 

السلام عليكم
السادة الافاضل
انا بدراس cma الان فى part one وقربت انتهى من الدراسة

مشكلتى انى فاهم المحاضرات كويس بس مش عارف اجوب على الاسئلة

ماهو الحل ؟؟؟؟

لو احد عندة طريقة مفيدة لى
هذا هو الاميل
[email protected]
ولكم جزيل الشكر