رجاء المساعدة
 

ارجو مساعدتى لاننى احيانا اخطا فى معرفة ما هو الحساب الدائن من المدين عندما اقوم بإ ثبات قيود اليومية فهل من منهج معين حتى لااخطأ واقوم بالتبديل

مشاركة: رجاء المساعدة
 

شوف حضرتك القاعدة حسب طبيعة الحساب
لوطبيعة الحساب مدين يبقى لوزاد يكون مدين ولونقص يكون دائن مثل النقدية
لو طبيعة الحساب دائن يبقى لوزاد يبقى دائن ولو نقص يبقى مدين مثل الدائنون او اوراق الدفع 0

طيب لو حضرتك مش عارف طبيعة الحساب مدين أو دائن
اى مصروف دفعته يبقى مدين وتشوف دفعته عشان ايه
لودفعته اجوريبقى الاجور مدينة
لودفعته لمشتريات يبقى المشتريات مدينة
لودفعته لشراء اصول سيارة مثلا يبقى الاصول (السيارات ) مدينة
لودفعته لسداد دين لمورد اودائن او مصلحة الضرائب يبقى اى حساب من دول مدين حسب اسمه

وطبعا المبلغ اللى دفعته من الصندوق او البنك فى كل الاحوال السابقة حيبقى البنك او الصندوق دائن 0
طيب العكس لو حاجة دخلت لك كنقدية يعنى قبضتها فلوس نشوف قبضتها منين
لومن عملية بيع بضاعة يبقى المبيعات دائنة
لو سداد مدين اوعميل ماعليه يبقى العميل دائن
لو من بيع اصل سيارة مثلا يبقى الاصل دائن

وطبعا المبلغ الذى قبضته يبقى الصندوق او البنك مدين

مشاركة: رجاء المساعدة
 

اصل المحاسبة احفظوها عن ظهر قلب واستخدم عقلك عند التطبيق
(اصل وزاد=مدين/// اصل ونقص = دائن)
(خصم وزاد=دائن///خصم ونقص=مدين)
وعلى فكرة انا شغال بانظرية دى من 10 سنين والحمد لله لم تخيب معى ابدا
والله الموفق