منتدى المحاسبين المصريين - بالنسبه لشهاده ال pfa

منتدى المحاسبين المصريين (https://www.aliahmedali.com/forum/index.php)

- قسم الشهادات والتأهيل المهنى للمحاسب (https://www.aliahmedali.com/forum/forumdisplay.php?f=7)

- - بالنسبه لشهاده ال pfa (https://www.aliahmedali.com/forum/showthread.php?t=4202)

بالنسبه لشهاده ال pfa

ياجماعه رجوكم انا خريخ تجاره وبعيد تماما عن المحاسبه وفكرت أبدأ وسمعت عن شهادة ال pfa ياجماعه عاوز اعرف هل الدوره دي كويسه لواحد لايعلم شيء عن المحاسبه وخصوصا انها مكلفه شويه يعني الكورس هيتكلف حوالي 2000 جنيه فياريت لو حد أخد الكورس ده يرد عليا ويفيدني ياجماعه ودي ياجماعه الحاجات اللي هتدرس فيه
1-النظرية الأساسية و المفاهيم.
2- المخزون.
3-الأصول الثابتةوإهلاكتها ، و انخفاض قيمة الأصول.
4-النقدية والمدينون والالتزامات قصيرة الأجل.
5-استخدام القيمة الحالية في التطبيقات المحاسبية.
6-الأستثمار.
7-حقوق الملكية
8-القوائم المالية المجمعة
9-المشتقات المالية
10-العملات الأجنبية
11-عرض القوائم المالية
12-الضرائب المؤجلة

مشاركة: بالنسبه لشهاده ال pfa اللي في مركز ال ipa

السلام علي كل أعضاء هذا المنتدي الضخم ؟ ياجماعه والله انا مستغرف منتدي بكل هذه التقدم والمعلومات الرائعه والكم الهائل من الاعضاء وللأسف بعد كل هذا لا أحد يرد علي طلبي وبل في عدة طلبات رأيتها لبعض الاعضاء أرجو الاهتمام بعض الشيء من ذوي الخبره والاساتذه الكبار وانا في قمة الاسف لتحدثي بهذه اللهجه.

مشاركة: بالنسبه لشهاده ال pfa اللي في مركز ال ipa

الشهادة دة حتفيدك بس الافضل انك تنزل تدرب في مكتب محاسبة

مشاركة: بالنسبه لشهاده ال pfa اللي في مركز ال ipa

السلام عليكم ورحمة الله وبركاته

انا شايف انك تبدا تتدرب فى مكتب افضل من انك تاخذ كورس فى ipa لابد انك يكون عندك الاساس العلمى الجيدة لكى تتمكن من اخذ اى كورس ما . اما بالنسبه الى pfa انا اخذتها فى ipa ومستفدتش كتير وانا اعتقد ان هناك مراكز افضل من ipa والله المستعان ان شاء الله . السلام عليكم ورحمة الله

مشاركة: بالنسبه لشهاده ال pfa

أعتقد إن شهادة ال PFA أفضل من مكاتب المحاسبة اللي الزملاء بيتكلموا عنها
لأن المكاتب بصراحة مش هتفيدك لو اشتغلت في أي شركة - أنا كلامي هنا عن أي مكتب بخلاف Big Four
والمكاتب Big Four أساس شغلهم مراجعة القوائم المالية بالشركات ؛ أنا بتكلم عن الشغل العادي في المكاتب الصغيرة
وال big Four هما :
1- حازم حسن وشركاه
2- مصطفى شوقي
3- Price water house coopers
4- وأخيرا : Ernest & Young
وده طبعا للأسباب التالية :
* أولا : الإمتحان والأنترفيو مش هيسألك إنت بتعمل إقرار ضريبي إزاي وما شابه ذلك ؛ لكن هيسألك في مواضيع محاسبية المفروض إنها تكون أساسية عند أي محاسب
* ثانيا : دورك في الشركة نفسها عمره ما هيكون زي دورك في مكاتب المحاسبة ؛ دي سكة تانية خالص و خصوصا إن المعايير المصرية والدولية أكدت على ضرورة إن القوائم المالية اللي هيعملها المحاسب المالي بالشركة لازم يراجعها مكتب محاسبة معتمد
يعني بمعنى أصح PFA لو انت هتستوعب منها 50% من شغل القوائم المالية .. يبقى أنت كده أحسن بكتيييير لو دفنت نفسك في مكتب محاسبة صغير يمشورك هنا وهناك ع الفاضي.
ومن باب الخبرة الشخصية : كان بيدرس معايا في IPA زملاء ليا في CMA Part 2 وكانوا درسوا هناك PFA وماشاء الله عليهم كانوا سابقين مستوانا بكتييييييير

وأعتذر عن الإطالة

مشاركة: بالنسبه لشهاده ال pfa

اقتباس:

المشاركة الأصلية كتبت بواسطة Leopard (المشاركة 24475)

يا جماعة مين بس قال ان المركز ده كويس 00000000 المركز ده اثبت عدم كفاءته مع مرور الوقت لأن انا كنت بدرس فيه زمان وطبعا ما كملتش لمستواه السئ جدا في التدريس وتوصيل المعلومة لتدني مستوي المحاضرين
اما بالنسبة لشهادات Pfa , وباقي الشهادات التي تبدأ بحرف ال P في هذا المركز هي مت تأليف أ/ طارق عزب وهي عبارة عن اجزاء مجمعة من جميع الشهادات الدولية فبالتالي ليس لها اي اهمية , ويا ريتني كنت شفت الموضوعات ده من زمان كنت اديتكوا نصيحتي لكن للاسف انا لسه عضو جديد في المنتدي
وارجو من اي شخص يريد دراسة اي من الشهادات المهنية ان يبحث جيدا في المنتديات المحاسبيةعلي النت عن مثل هذه المراكز وسمعتها في الوسط المحاسبي وسمعتها ايضا لدي الدارسين فيها حتي يستفيدوا بخبرات من سبقوهم قبل ان يدفع مبالغ لن يستفيد منها