جمعية المحاسبين والمراجعين و ifrs
 

جمعية المحاسبين والمراجعين وifrs

السلام عليكم

دى اول مشاركة لى فى المنتدى ويسعدنى ان اطرح موضوع للمناقشة والاستفادة
كنت عايزة من اعضاء المنتدى والى عندهم خبرة فى الشهادات المهنية يقولولى رايهم فى :
انا بشتغل فى مكتب محاسبة وكنت عايزة اخذ شهادة او دبلوة من الشهادات المهنية تطورنى فى شغلى وببحثت عن الشهادات ولقيت ان
جمعية المحاسبين والمراجعين _ ودبلومة ifrs افضل شء لى لانهم فى حدود الامكانيات لان باقى الشهادات التانية بتكون غالية
انا قرات عن دبلومة ifrs وعرفت اهميتها
ولكن انا ملاحظة ان كل الى فى المنتدى بيتكلموا عن الشهادات المهنية cma- cpa- acca ولكن ما حدش اتكلم عن جمعية المحاسبين والمراجعين باستفاضة -ومزايا التى تمنحها للحاصلين عليها
فياريت تشاركوا الاراء وتقولولى ايهما الافضل من حيث الترقى فى الوظيفة ومرتب بعد الحصول عليها وجمع المزايا والعيوب الاخرى
يعنى انا مثلا فكرت فى ifrs لانى شفتها بداية اى مهنة سواء اشتغلت بعد كده فى اى شركة مراجعة او محاسبة فكونى حاصلو على هذه الشهادة فده يميزنى لانى مش ضمنة انى اقعد 3 سنين مثلا فى المكتب المحاسبة ولكنى شايفة الجمعية اقيم وخايفة بعد لما يعدى سنة فى حصولى على ifrs يتضح ان الاحسن لى انى كنت ادخل الجمعية لانى استمريت فى مكتب المحاسبة....دى حاجة
الحاجة التانية انى سمعت ان الجمعية مالهاش اى اهمية غير فى مصر وفى المكاتب المحاسبة المعروفة ولكنها مش معترف بيها اوى فى الخارج يعنى ما ينفعشش اخذها واشتغل بيها فى شكرة مالتيناشونال فى مصر او اشتغل خارج مصر فى مكتب محاسبة والشهادات التانية الى باللغة الانجليزية مطلوبة فى الدول العربية وايضا فى الشركات الاخرى داخل مصر....فدى حاجة محيارانى بردوا

----وايضا سمعت ان بعد الحصول على العضوية . فالجمعية بتعقد ندوات كل سنة يجب على اعضاء الجمعية حضورها ب500 ولو العضو لم يحضر لمدة سنتين متتاليتين فيسقط من عليه العضوية ويضطر يدخل امتحان المتوسط من البداية . فدى حاجة مخوفانى لانه افرض حصل ظروف خارج الشخص لم يستطيع حضور الجمعية لمدة سنتين متتاليتين فخسارة انه يخرج من الجمعية ومجهوده الى قبل كده يضيع

فياريت تشاركونى تفكيركم ايضا


وشكرا

مشاركة: جمعية المحاسبين والمراجعين و ifrs
 

موضوع جميل

مشاركة: جمعية المحاسبين والمراجعين و ifrs
 

السلام عليكم و رحمة الله و بركاته
مبدئياً و كرأى شخصى عضوية جمعية المحاسبين و المراجعين المصرية كنز لا يعوض داخل مصر و خارجه و على الاقل داخل مصر اقوى شهادة مهنية و تجعلك مباشرة مراقب عام شركات مساهمة و ربما فى المستقبل مراقب عام شركات هيئة سوق المال قريباً اذا تم الموافقة على طلب الجمعية يعنى بتوفر سنين و شروط صعبة و خارجياً و كمثال فى دولة قطر لان بها فرع لمكتبنا ان اقول علشان تتسجل هناك فى قطر مدقق حسابات و تاخد رفم لازم تكون محاسب قانونى فى مصر و عضو جمعية مهنية و مر عليك عدد معين من السنوات بعد العضوية و فى مصر معترف بجمعية المحاسبين و المراجعين المصرية و بخصوص حضور عدد معين من الساعات كتدريب مستمر فعدد الساعات فى السنة الواحدة مش كتير و ممكن يتجاب و يتعدى فى كام ندوة او كورس واحد فقط , و اصلاً لما بتكون محاسب قانونى و عضو جمعية خاصة بتبقى عندك طموح أكبر و لازم تدور على الجديد و تقابل الاعضاء و تعيش فى كل جديد فى المحاسبة و المطلوب عدد 120 ساعة خلال 3 سنوات بحد ادنى 25 ساعة سنوياً
و دبلومة ال ifrs جيدة و بداية لشهادة مهنية لان الشهادات المهنية هى الافضل على الاطلاق

مشاركة: جمعية المحاسبين والمراجعين و ifrs
 

مشكككككككككككككككككككككككككككككور