|
اخواتي المحاسبين الي عاوزيين يسافروا السعودية او اي بلد عربي انا كنت عاوز اقولكم نصيح
اولا لازم تعرف ان المستوي العلمي للمحاسب المصري فعلا محاسب كويس جدا جدا جدا بالمقارنة بدول الخليج كلها حتي لو كنت جايب مقبول او طالع بمواد
ثانيا لو كنت ناوي تيجي السعودية لازم تاخد في اعتبارك حاجات كتير . اولها : هل انت مقرر انك عاوز تاخد فلوس وبس ولا عاوز تاخد خبرة وده اهم حاجة لانه ببساطة مفيش خبرة في السعودية خالص خالص خالص يبقي احسنلك اقعد في مصر علي الاقل سنتين خد خبرة كويسة وبعدين تعالي بكرامتك و حط صباعك في عين التخين بس لو كنت عاوز فلوس و بس يبقي لازم تاخد بالك المكان الي انت جاي عليه يعني محدش يجي علي اي مدينة موجودة في السعودية غير الرياض وجدة وممكن ابها وحائل و مكة و الدمام غير كدة لا لا لا لا لا متفكرش في اي مدينة تانية ثانيا : لازم تيجي علي عقد محترم واقل عقد تيجي عليه 4500 ريال علي الاقل ثالثا : لازم يكون عقدك موثق في القوي العاملة والهجرة ، والخارجية المصرية ، ويفضل جدا القنصلية السعودية وده تكلفتها تقريبا 100 جنية بس رابعا لازم يكون عقدك فيه الشروط دي : سكن اعزب موثث مع غرفة مستقلة ، طبعا مبلغ العقد ، ويكون ثمن التأشيرة والاقامة وتأشيرة الخروج والكشف الطبي علي المؤسسة الي انت رايحها عشان متفاجأش ان لو مرتبك 3500 هيخصم عليك كل شهر 250 ريال وبلاش تتفق بالكلام وبس لا لازم يكون مكتوب بالعقد عشان تكلفتهم تقريبا 4500 ريال خامسا : لازم يكون موفر سيارة تخدم السكن الي انت عايش فيه يعني مثلا لو تعبت لاقدر الله او عاوز تشتري حاجة يبقي فيه مواصلة توديك عشان مفيش تاكسيهات او مواصلات بالسعودية سادسا : لازم تعرف طبيعة الشغل الي انت رايحة سابعا : وده الاهم عدد ساعات العمل وتكون مكتوبة بالعقد وتكون حوالي 8 ساعات في الايام العادية و7 ساعات في رمضان ولو فكر الكفيل يشغلك ساعات زيادة لازم تكون متفق علي اوفرتايم ويكون مكتوب بالعقد ثامنا : لازم تتفق انت هتتفع كام في مصر لمكتب السفريات وبلاش تدفع مبلغ كبير و خلي الكفيل الي جايبك يكون متفق مع المكتب انت هتدفع كام تاسعا : واخر حاجة لازم الشرط ده موجود في العقد لازم لازم لازم " في حالة الاخلال بشروط العقد او عدم اتفاق الطرفين في الثلاثة شهور الاولي يدفع الكفيل ثمن تأشيرة الخروج ولا يكون علي المحاسب اي تكاليف عاشر: لو ليك حد في السعودية يا ريت يسألك علي المؤسسة الي انت رايح عليها يعني اية اخبار مرتبتها كويسة ولا لا هل في شكوي من اي حد لبها في مكتب العمل، عدد ساعات الدوام، معاملتها عاملة ازاي اخيرأ : ضيف على كل ده حاجة كمان,اتاكد ان الشركة مش بتاخر الراتب كل شهر و يريت تحط الشرط ده فى العقد. منقول من تجربة شخصية بالشكل دة طبعا كل الي شايفني بكتب بوست زي ده بيقول ده حذر جدا ومدقدق بس والله كل الشروط الي بقولها دي انا للاسف مكتبتهاش و لبست في الحيط وصابر اهوة بس انا قولت اقول نصيحة خالصة لوجه الله عسي ان الله يجعلني سبب في توعيتكم اللهم انك عفوا كريم تحب العفو فااعفو عنا يا الله :sm33: |
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
شكرا لك يا اخى الحبيب
و ربنا يعينك و يصبرك و كل عام و ات بخير و صحة |
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
جزاك الله خيراً
اوافقك الرأى كل الكلام ده مظبوط 100% ولازم الناس اخد بالها منه جداً |
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
بارك الله فيك طيب لو فيزا حره فى المدينة ودافع فيها مبلغ 1300الف جنية مصرى مايعادل 8000 ريال اللى جايبلى الفيزا حد موثوق فيه ومتكفل ان اول مانزل هناك انه هيجمعلى شغل فى شركه وعلى ماعتقد انه فى قدامه شركتين المهم الفيزا حره وسائق فلو حضرتك تدر تفيدنى برايك يبقى فيك بركه كبيره وشكرا ليك
|
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
الفيزا الحرة كويسة جدا لانها تعطيك الحرية في اختيار الوظيفة المناسبة وبالمبلغ الذى تريدة وان شاء الله ربنا يوفقك وتروح تلاقي شغل مناسب لحضرتك وثمن الفيزا انا مقدرش اتكلم فية لاان دى كل واحد وسعية ومقدرتة ع الحلول عليها
|
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
نصيحة
أنا سافرت الكويت اول ما تخرجت وللأسف فعلا نسيت كل اللى درسته ولم استفد أى خبرة هنا نهائى وحسيت انى خسرت كتير لانى استعجلت فى السفر |
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
نصيحة
أنا سافرت الكويت اول ما تخرجت وللأسف فعلا نسيت كل اللى درسته ولم استفد أى خبرة هنا نهائى وحسيت انى خسرت كتير لانى استعجلت فى السفر |
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
بسم الله الرحمن الرحيم
|
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
جزاك الله خير يا أخي الكريم وربنا ينفع بيك أن شاء الله والله أنا أستفد من كلامك هذا وعرفت حاجات مكننتش واخد بالي منها الحمد لله والله المستعان .
|
مشاركة: اخواتي المحاسبين الي عاوزيين يسافروا السعودية او اي بلد عربي انا كنت عاوز اقو
اقتباس:
جزاك الله كل خير ان شاء الله انا ممكن انصح كل السادة المحاسبين اولاا لازم يعد نفسة جيد جدا قبل السفر لاان في السفر لا احد يفيد احد حاول تتعلم في مصر كل حاجة هتحتاجها هناك قبل السفر ولا تسافر وانت حديث التخرج المعلومة هنا تقدر توصل ليها سهلة بالخارج صعبة جدا حتى لو هتاخد المعلومة من مصري زيك وشكرا لكل من دعى لى وشكرنى وجزانا الله وجزاكم كل خير ان شاء الله :sm33: |
| الساعة الآن 08:21 PM |
Powered by Nile-Tech® Copyright ©2000 - 2025