انا فحصت ضريبه مبيعات مقاولات
 

انا كان عندى فحص الضريبه العامه على المبيعات يوم الاربعاء الماضى

والمامور وهو بيفحص معاياااااااا قالى بالنسبه للبنود اللى موجوده فى المستخلص التى يكون فيها

1-(توريد وتركيب) الوميتال او كريتال
2- (توريد) الوميتال او كريتال

قالى لو مجبتليش فواتير بالالوميتال ده والكريتال هحاسبك عليهم 71% *10%

فهل يوجد فرق بين كلمة توريد وتركيب فقط وكلمة توريد فقط

توضيح بمثال

قيمة المستخلص 40000 شاملة الضريبه على المبيعات

ضريبة المبيعات = 40000*2.9/102.9= 1127.31

والضريبه طالع بيها شيك من الجهه التى تم عمل مقاوله ليها ويوجد ورقه مختومه بختم النصر بالضريبه

نيجى للمشكله مع المامور

يوجد ضمن بيانات اعمال المستخلص

(بند توريد وتركيب الوميتال) 7500

(بند توريد كريتال) 990

المامور قالى لو مجبتليش فواتير بالبنود دى ان انت شاريها هحاسبك عليها ضريبة تصنيع

قالى هنحسبها كده
7500*71%*10% =532.5
990*71%*10%= 70.29
فارجو الافاده لان انا معايا ميعاد الاسبوع ده ومش عارف اعمل اه

جزاك الله خيرااااااااااااااااااااااا

مشاركة: انا فحصت ضريبه مبيعات مقاولات
 

العبرة بالعقد الموقع مع جهة الاسناد وليس المستخلص
اذا كان العقد الصفة الغالبة عليه توريد وتركيب تصبح النسبة 2% فقط

مشاركة: انا فحصت ضريبه مبيعات مقاولات
 

هاتلوا فواتير واخلص

مشاركة: انا فحصت ضريبه مبيعات مقاولات
 

كلام المامور صحيح تماما فالمقاولة توريد وتركيب ولكن ما يتم توريده هل تم شراءه جاهز للتركيب ام خامات وقامت شركتك بعملية التصنيع او بمعني تغير الشكل وهناتفرض ضريبة التصنيع وهي النسبة المكملة فمن كلامك تمت المحاسبة علي 2.9% فاذا كانت مشترياتك خامات فتحاسب علي ضريبة 10% علي المكمل 71% وكان ينبغي هنا ما دمت انك مقاول رئيسي ان تفرض ضريبة 10%

مشاركة: انا فحصت ضريبه مبيعات مقاولات
 

الأستاذ الفاضل abou_abou555
انا بشكر حضرتك شكرا جزيلا لان انا تابعت حضرتك فى موضع التصنيع فى قطاع المقاولات المثبت على المنتدى وانا سعيد ان حضرتك تواصلت معى فى هذا الموضوع

على قدر معرفتى وسؤالى لبعض الزملاء فى جزئية التصنيع

قالولى
1- طالما يوجد فى بيان الاعمال توريد وتركيب شبابيك من الكريتال وتم الاتيان بفواتير مشتريات بالخامات وليست شبابيك جاهزه لايستطيع المامور ان يحسب ضريبة التصنبع 10%

2-بينما اذا ذكر كلمة توريد شبابيك من الكريتال فقط فى بيان الاعمال وتم الاتيان بفواتير مشتريات بالخامات الاعمال الخاص يستطيع المامور ان يحسب ضريبة التصنبع 10%
ولكن لا يوجد دليل
فارجو من حضرتك ان تفهمنى موضوع التصنيع ده بالتفصيل لان انا لسى بحبو وليس عندى الخبره الكافيه
وجزاك الله خيرا

مشاركة: انا فحصت ضريبه مبيعات مقاولات
 

السلام عليكم
ارجو ان اوضح ان ردي بناء علي حالات عملية فعلية
توريد وتركيب اذا كانت فواتير مشترياتك خامات فمعني ذلك انك قمت بالتصنيع اي غيرت شكل الخامة من قطاعات الومونيوم الي شبابيك فهذا هو التصنيع فلا توضح للمامور هذه الفواتير لان معناها انك صنعت لكن لو احضرت فواتير شبابيك فمعني ذلك انك لم تغير شكل الخامة بل تم شراءها وتركيبها وهنا تطبق عليك منشور المقاولات 2.9% فالعبرة هو قيام تغيير الشكل للخامة
وعامة رقمي 01002165460 لاي سؤال وفقنا الله واياكم

مشاركة: انا فحصت ضريبه مبيعات مقاولات
 

انا مش عارف اشكر حضرتك ازاى ياستاذنا العظيم

جزاك الله خيرا على رد حضرتك المبسط

مشاركة: انا فحصت ضريبه مبيعات مقاولات
 

وفقنا الله واياكم والشكر لله والقائمين علي المنتدي لاتاحتهم هذا المنتدي جزاهم الله عنا خيرا

مشاركة: انا فحصت ضريبه مبيعات مقاولات
 

كل التقدير لك انت انسان جميل

مشاركة: انا فحصت ضريبه مبيعات مقاولات
 

ربنا يبارك فيك وده من حسن اخلاقك