ارجو المساعده من كل اصحاب الخبرة ؟
 

انا شغال محاسب فى مكتب محاسبه بقالى سنتين وجايلى شغل امسك شركه استيراد وتصدير لسه هتبدا النشاط ومش عارف ابدا ازاى واعمل ايه والدورة المستنديه ايه ؟ ارجوكم افيدونى انا اشتغلت حسابات كتير بس معملتش حسابات مكان جديد

على قد ما اعرف
 

على فكرة انا لسة خريج 2007 وانا باخد دورة محاسبة فى مكتب محاسبة
بس الطبيعى اللى انتا لازم تعملة انك الاول تعمل سند القيد (انك ماتعملش قيد الا اذا وجدت المستندات امامك واكيد انتا عارف دا زى المشتريات 1- تشوف الفاتورة 2- تشوف اذن اضافة المخزون 3- ممكن كدا تعمل اذن الصرف 4- كدا انتا تعمل القيد المحاسبي ومعاك المستدات) وبعدين ترحل لليومية العامة وبعدها دفتر الاستاذ العام وبعدها ميزان المراجعة والارباح والخسائر والميزانية
((((على فكرة دا اللى انا اعرفه بس اتاكد من كلامى الاول من حد فاهم وربنا يوفقك))))

مشاركة: ارجو المساعده من كل اصحاب الخبرة ؟
 

الابن العزيز
مبروك الشغل الجديد وربنا يوفقك
طبعا الدورة الدفتريه والمستنديه ترجع الي المكان / حجم التعاملات / نوع النشاط ... الخ وطبعا أفضل من يضع هذه الدورة هو المدير المالي .... ولكنك بما أنك ( حسب فهمي لما تقول ) انت المسئول الاول عن ذلك اي المدير المالي للمكان
فأنصحك بالجلوس مع مراقب حسابات الشركه ( المحاسب القانوني ) ليساعدك في ذلك ... أما في حالة أنه لايوجد محاسب قانوني !!!!! فأرجو الاتصال بي وربنا يسهل وأستطيع المساعدة
محمد سلطان
محاسب قانوني