الماموريات وحجة ضريبة الايراد العام
 

السيد الفاضل / الاستاذ على احمد على
السادة الافاضل / اعضاء المنتدى الكرام
تحية حب تقدير واحترام
انظروا الى تعقيدات الماموريات واريد رايكم حول هذا الموضوع وياريت الراى يكون مؤيد بنص من القانون او بتعليمات تنفيذية
احد الممولين كان مدين طرف مصلحة الضرائب وبعد تقديم طلب باحتساب المبالغ المسددة تحت حساب الضريبة وخصمها من الضريبة المستحقة عليه حتى عام 2004 "لان بعد كده لسه مفيش فيه فحص" وعمل التسوية اصبح رصيده دائن لكن الكلام ده طبعا لم يعجب المامور المختص بالملف اللى طلع روحى اصلا علشان يعمل التسوية ويخصم الضرائب المسددة عند المنبع وقال سيادة مامور الحجز بيقول ان الممول لم يتم ربط الايراد العام عليه وما ينفعش تستلم التسوية الا بعد ربط الايراد العام عليه طيب ازاى يتربط على ايراد عام وهو اتلغى طبقا لحكم المحكمة الدستورية العليا لعدم الدستورية يعنى انه ضريبة غير قانونية اسمعوا بقى الكلام اللى جاى ده من جانب المامور قال بيقول ان التعليمات بتقول ان حكم المحكمة الغى الايراد العام الغير مسدد وبما انك انت دائن وليك رصيد بالزيادة من الضريبة المسددة عند المنبع تحت حساب الضريبة يبقى انت كده لازم تسدد ضريبة الايراد العام حبيت طبعا افهم المامور التعليمات اللى جاية قلتله انها بتنص على انه يجب ان تلغى ضريبة الايراد العام الغير مسددة بايصالات سداد وان المسدد تحت حساب الضريبة ده مسدد تحت حساب ضريبة الارباح التجارية مش ضريبة الايراد العام ولكن لا حياة لمن تنادى طيب اقنعونى انتم ينفع الكلام ده وحتى لو كان ينفع ده اصلا ما اتربطش عليه ايراد عام يعنى لو افترضنا ان حكم المحكمة ماالغاش الايراد العام كانت الضريبة حتسقط بالتقادم لان اخر الايراد العام 1993 وبعد كده اتلغى يعنى فى جميع الاحوال تعقيد غير مبرر ولا حرام الممول يطلع داين ياريت تفيدونى بارائكم ولو فى تعليمات يبقى تمام
واسف جدا على الاطالة

مشاركة: الماموريات وحجة ضريبة الايراد العام
 

انا بصراحة مش قادر اقولك حاجة كل كلامك سليم والمفروض التعليمات الى جاية المصلحة تتفذ وابسط شىء حضرتك قلتة انة حتة لو ربط ضريبة الإيراد العام حضرتك ممكن تدفع بالتقادم بس بردة اوعى تسيب حق الممول بتاعك اشتكى الموظف لرئيس المنطقة ولو وصل الأمر اشتكية الى الوزير بس اوعى تسيب حق الممول بتاعك وربنا معانا لغاية ما يغيروا مامورى الضرائب المعقدين زى ما غيروا القانون