منتدى المحاسبين المصريين - عاوز تعمل خير ..........أدخل هنا

السلام عليكم

انا احدي المتطوعين بالجمعية المشهورة جمعية رساله للاعمال الخيرية

وانا من مكاني هنا بدعوكم للمشاركه في الجمعية انا هنزل موقعها عشان تعرفو كل التفاصيل عن الجمعية

www.resala.org

الجمعية دي لما تقرأو عنها هتعرفو انها فيها انشطه كتير جدا مجانيه بتساعد كافه المجتمع وبجد تاريخها مشرف جدا جدا والي بيكون واحد من مجموعه المتطوعين بيكون بجد ليه الشرف لانه بجد مكان يشرف بشباب الخير

ياريت تدخلو علي موقعهم والقسم اللي تقدرو تشاركو فيه شاركو ، مع العلم ان فروع رسالة ماليه كل المحافظات

عموما هي فيها اقسام كتير بس بصراحه انا في قسم انا مهتمه بيه خاصه وهو مركز رسالة التدريبي

المركز ده بيقدم دورات لغه وكمبيوتر وتنمية بشريه مجانا والاحسن من كده كمان الي بيقوم بالتدريب بيكون متطوع ، طب يعني ايه متطوع ؟؟ يعني شخص عنده حب الخير والعطاء بدون مقابل سواء بجهده او علمه او وقته وطبعا يكون قادر يدي العلم بشكل صحيح ( في مجال المركز )

وماشاء الله انا شايفه هنا محاسبين كلهم خبره ياريت لو اي حد يقدر يروح ويدي كورسات المحاسبه مجانا في المراكز دي بجد الشباب محتاجين للخبرات والكورسات دي بتعرفو قد ايه غاليه بره وكمان في نقص في مدربين المحاسبه بالمراكز دي

بجد العلم صدقه جاريه للانسان والحمد لله يارب اني بقدر ادي علمي لغيري

ياله كل واحد يتصل من دلوقتي ويشارك 19450 ده رقم ارضي اتصل من تليفون البيت بيحولك لاقرب فرع ليك واطلب مركز الكمبيوتر وقلهم عاوز اشارك معاكم في اعطاء الدورات المجانيه

ولو عاوز كمان تاخد دورات مش تدي سجل بسرعه عندهم وان شاء الله ربنا هيكرمكم

وده لينك لمراكز رساله التدريبية

http://resala.org/activities.php?cat_id=8

وعموما في كورسات هتبتدي الايام الجاية تنمية بشريه الي عاوز يسجل يدخل ويشوف الموضوع هنا
http://www.aliahmedali.com/forum/showthread.php?t=2474

الدال علي الخير كفاعله

امل في الله كبير اني الاقي متطوعين من هذا المنتدي للتدريب

شعار الجمعية

تطوع ... اعمل خير ... خذ ثواب