عاوز اخرج من حكاية محاسب ب800 جنية بقى
 

لسلام عليكوا
من الاخر انا طهقت وعاوز اطلع برة شريحة محاسب ب 800 ولا ب1000 جنية انا مبقتش صغير ولا لسة حديث التخرج بس كل اللى الاقى هو كدة وان كان عجبك ولو مش عجبنى يرجع الشركة اللى انا فيها ياقعد فى البيت انا بقيت 31 سنة خبر 6 سنين من امين خزنة لمحاسبة موردين ومرتبات ومدفوعات عموما لمحاسب مبيعات وعملا ومراقبة مخازن ورحت اخدت كورس فى مكتب الفتح وقعدت اذاكر محاسبة من اول وجديد ونزلت والله اشتريت كتب بتاعة تجارة وبقيت تمام فى البرامج الجاهزة اشتغلت على برامج كبيرة ومشهورة ,advanced excel يعنى المفروض ادور عىل شغلانة مشرف حسابات مش لسة عاوز محاسب بمرتب محترم اعرف عيش منة بصراحة قلت اخد رايكم هل دة المعدل الطبيعى للمرتبات عندنا ولا انا اللى غلطان طب غلطان فى اية......

مشاركة: عاوز اخرج من حكاية محاسب ب800 جنية بقى
 

اللهم صل على محمد وعلى آله وصحبه أجمعين
أخى العزيز
السلام عليكم ورحمة الله وبركاته
أولاً يا أخى أنا لا أريدك أن تزهق أو تمل فأنت فى بداية عمرك المهنى وأحب أن أؤكد لك أن الفرصة ستأتى لك حتماً إن شاء الله ولكن كل شيء بالصير والمثابرة ورأى أن المحاسب مثل زجاجة العطر كلما مر عليه الزمن إزداد خبرة ونضج فلا تتعجل
النصيحة التى أنصحك بها هو دوام الجهد والمثابرة وإكتساب الخبرات والأمانة المهنية والأمانة المادية ، أيضاً من العوامل المهمة فى نضوجك هى شخصيتك أمام الغير سواء أصحاب العمل أو العملاء أو الزملاء لأن الشخص هو الذى يصنع المكانة وليست المكانة هى التى تصنع الشخص ، وحينما تتأكد أن أصحاب العمل متمسكين بوجودك نتيجة إلتزامك و إخلاصك ومجهودك وحرصك على مصلحة العمل ، فأعلم أنك قد بدأت الطريق الصحيح لأن هذا ترمومتر هام جداً ، ووسيلة من وسائل تفهمهم لضرورة ترقيتك وزيادة دخلك من العمل لديهم حتى لا تبحث عن عمل آخر بعد أن أستثمروا فيك نعم إستثمروا فيك ، لأنك فى البداية بدأت عملك بلا خبرة وكنت تأخذ أجراً والآن عندما
تنضج فثق تماماً أنهم لن يفرطوا فيك وهذا معنى مهم للإستثمار فى الأفراد .
أدعوا الله لك بالتوفيق
وشكراً للقائمين على الموقع الذى يفتح أبواب الأمل والمعرفة والتطوير لجميع المحاسبين المصريين فهو بجد فخر لنا جميعاً
مع خالص تحياتى
سعيد سلطان

مشاركة: عاوز اخرج من حكاية محاسب ب800 جنية بقى
 

اولا الف شكر لاهتمامك وردك يا ا/سعيد انا معرفش انت من مصر ولا لا بس لو من مصر عندنا مافيش حاجة اسمها استثمار فى الموظف عندنا حاجة اسمها يغور ويحى الف غيرة انا مكنتش عاوز ارد عشان ماصيبكش بالاحباط او الاخوة اللى هايقروا الرد بس من غير نفاق لنفسى ولله الحمد كل واحد كان فى الشركة كان يعرف شغلى عامل ازاى ودقتى وامانتى فى الشغل لدرجة تزهق بس انا معرفش اعك او اكبر دماغى لدرجة انى فى خلال اول شهر من استلامى الشغل فى اخر شركة رجعتلهم فواتير باكتر من 5000 جنية كانت ولا حد يعرف عنها حاجة وعملتلهم حسابات عملا حقيقة وخلتلهم المخازن تمشى بالشعرة بس كل دة جميل لاكن تيجى عند زيادة المرتب لا كدا نبتدى نزعل من بعض ولو يعنى خلاص يبقى انة الفراق وربنا يوفقك دة بقى النظام عندنا ولا يمكن انا اللى حظى فقرى واشتغلت فى شركة عرة بس معظم الشركات اللى اشتغلت فيها مافيهاش حاجة اسمها ترقية ولا زيادة مرتب الا لو هايضاعف عليك الشغل

مشاركة: عاوز اخرج من حكاية محاسب ب800 جنية بقى
 

اما بالنسبة لحكاية زجاجاة العطر فهو عامل زى الجبنة الرومى كل مابتقدم طعمها بيحلو

مشاركة: عاوز اخرج من حكاية محاسب ب800 جنية بقى
 

وعليكم السلام ورحمة الله وبركاته

أخي الكريم

مفيش غير طريق واحد ، ذاكر سي ام ايه وخد الروابط دي وكلها أكل ، هيا مواد لدراسة ومذاكرة السي ام ايه ومحاضرات شرح بالعربي وحل أسئلة باحتصار مواد كاملة لن تحتاج منك الا عزيمة معقولة وقدرة علي المذاكرة 3 ساعات يوميا لمدة تقريبا 4 شهور وبعدها تدخل الامتحان في الجزء الأول - حتي لو استلفت رسوم دخول الامتحان ، كل ده هيرجع لك بعدين من أول مرتب ليك بعد حصولك علي شهادة سي ام ايه
هذه هي الروابط وبالتوفيق وانا تحت أمرك في أي استفسار

http://www.gmiza.com/eg/forumdisplay.php?f=86

http://www.gmiza.com/eg/forumdisplay.php?f=75

وفقك الله

مشاركة: عاوز اخرج من حكاية محاسب ب800 جنية بقى
 

ربنا يبارك فيك وعلى ردك بس انت عارف تكاليف دخول امتحان cma كام وهانقول هاستلفهم وفى الاخر كلة لمصلحتى طب ناا عاوز توضيح بس معلش لو فعلا ربنا كرمنى وقدرت اخدها هاسوق نفسى ازاى والاقى شغل بمرتب كبير ومحترم انا بصراحة دائرة معارفى صغيرة جدا وكل اعتمادى بعد الله سبحانة وتعالى على مواقع التوظيف وانت عارف من الاخر ان الشركات النص كم هى اللى بتعلن عليها ام 1000 ولا 1200 لاكن الشركات المالتى ناشيونال بصراحة معرفش سكتها ازاى

مشاركة: عاوز اخرج من حكاية محاسب ب800 جنية بقى
 

ممكن نبقى نتكلم على الياهو استفسر منك على شوية حاجات يمكن يكون الخير على ايديك

مشاركة: عاوز اخرج من حكاية محاسب ب800 جنية بقى
 

مشاركة: عاوز اخرج من حكاية محاسب ب800 جنية بقى
 

والله ربنا يوفقك انت وجعت بطنى ههههههههه ربنا معاك
وفعلا انا اول ما قرات كلامك قلت يبقى انت لازم تزاكر السى ام ايه او تعلى من نفسك اكتر
انا لسه فى بداية الطريق وكلامك يطمن اووووووووووووى
ربنا معاك

مشاركة: عاوز اخرج من حكاية محاسب ب800 جنية بقى
 

السلام عليكم
واله ياجماعة انا مكنتش اقصد اجبلكم احباط او ياس انا بس كنت بحاول افكر معاكوا بصوت عالى ازاى نخرج من المشكلة دى لانها مش مشكلتى لوحدى انا معظم اصحابى اللى شغالين فى الحسابات نفس المعاناة دى لانة حصلت طفرة فى نظام التعليم الكام سنة اللى فاتوا فبقى فية ناس متعلمة تعليم كويس جدا وفى اللى زى حالاتنا بتوع التعليم المجانى فحاولت الاقى حل ازاى نطور من نفسنا ونبقى لينا قيمة لان للاسف اى شركة بتعين محاسب كانها بتشغلة صدقة جارية اقل مرتب واقل اهتمام مع ان المحاسب دة هو اللى بيبقى شايل الهم كلة ومقضى طول اليوم فى الشركة وبالنسبة لموضوع السى ام اية هو اقتراح تمام وممكن يبقى الحل بس انا حسبت مصاريف الامتحان بس من غير اى حاجة فى حدود 7000 تقريبا ولو هاتاخدوا فى مكان محترم مع الشرح بتتكلم فى حدود 12000 طبعا دى ارقام تخض جدا وخصوصا اللى زى حالاتى وموضع الدورات والكورسات التانية انا جربت وسالت معظمها كلام فاضى لانها شهادات اصلا مش معترف بيها ....هى يمكن تعتبروها نصيحة للى لسة بيدرس او لسة متخرج من الكليات الحكومية لازم تلحق نفسك وتروح تتدرب فى مكتب محاسبة وتشترك فى النقابة وتتعلم اكسيل متقدم على شوية انجليزى محترم وتحط رجلك على اول الطريق وربنا يوفقنا كلنا