من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

محتاجة اعرف بعض الانتقادات للمعيار العاشر فى معايير المحاسبة المصرية من وجهه نظركم المحاسبية

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

السلام عليكم ولو انى مش فاهم انتقادات اية بس انا هاشرحلك كل الحاجات المتعلقة بامعيار دا
بص هوا فى اختلافات بين المعايير المصرية والدولية لانهم فى البداية اخدوا المعايير الدولية وترجموها وسموها المعايير المصرية بس طبعا كان فية شوية اختلافات مش متماشية مع القوانين اللى فى مصر مش كتير اربع اختلافات راحوا مكيفين المعيار طبقا للفانون المصرى والممارسات المصرية فى بيئة الاعمال المصرية
وطبعا كان المعيار بتاع الاصول الثابتة رقم 10 دا من ضمن المعايير اللى حطيت بتعديل وزارة الاستثمار شغ
على السريع نلقى نظرة على المعيار الدولى بيقول اية
اولا يتم تسجيل الاصل بالتكلفة طبعا عارفين الكلام دا( التسجيل الاولى )
الاضافات التالية يتم رسملتها اذ كانت بتتوافر فيها شروط معينة زى زيادة القدرة الانتاجية وتكون بصفة غير دورية ومبلغها ذات قيمة نسبية
ماعدا هذة الشروط تعتبر نفقات ايرادية تحمل على قائمة الدخل

ثانيا المعيار بتطلب تقييم للاصول كل فترة دورية سنة يعنى
بمعنى تحديد لو فى impairment يعنى اضمحلال لقيمة الاصل يتم تخفيض الاصل بقيمة الاضمحلال
ويسجل الاصل بقيمتة المتوقعة ويحمل الاضمحلال على قائمة الدخل

ثالثا تقييم الاصول
المعيار حدد طريقيتين لتقييم الاصول كل سنة
اما بالتكلفة
او اعادة التقييم


طبعا لو بالتكلفة زى ما شرحنا مفيش مشكلة
لو اعادة تقييم
اهم حاجة يكون فى ثبات فى السياسة المتبعة تكلفة او اعادة تقييم
نتكلم شوية عن اعادة التقييم
لو اصل لزم اعادة تقيمة يبقى اقيم كل المجموعة ولو فى زيادة بتروح حقوق الملكية فى بند فائض اعادة تقييم
مثال عملى
عندى اصل مثلا قيمتة الدفترية بعد مجمع الاهلاك 40000 دولار وعملتلة اعادة تقييم لقيتة 60000 دولار
يبقى القيد هايبقى
20000 دولار من حـ الاصل الثابت
20000 دولار الى حـ فائض اعادة تقييم ( حقوق ملكية )

يبقى كدا الاصل دفتريا ب 40000 دولار وضيفنا ليه ال 20000 دولار الزيادة بتوع اعادة تقييم يبقة هايظهر عندى فى القوائم بـ60000 دولار

كدا اعتبر وضحنا نسبة كبيرة من المعالجات المتعلقة بالمعيار

نبجى لنقطة الاختلاف الوحيدو بين المعيار المصرى والدولى
نقطة الاختلاف الوحيدة هيا ان المعيار المصرى لا يسمح باعادة تقييم يسمح بالتكلفة فقط
دى نقطة الاختلاف الوحيدة
ارجوا انا اكون قد وفقت فى شرح مبسط وسريع

-------------------------

كان معكم
بوجى
دبلومة المحاسبة الدولية - لندن 2009

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

ميرسى جدا لشرح حضرتك واستفدت منه جدا بس انا بعمل دبلومة فى المحاسبة المالية ومطلوب منى بحث وانا عملته الحمدلله بس ناقصلى فيه حاجات بسيطة منها الانتقادات يعنى ايه الحاجات اللى انا شايفاها غلط فى المعيار او انها معطلة بالنسبة للمعيار العاشر بس انا مش قادرة اوصلها

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

سورى سورى بئا
ازاى حاجات غلط فى المعيار
اولا اللى بيوضع المعايير الدولية دى اساسا مش ناس اكاديميين يعنى و بيطلبوا ابحاث من الطلبة وخلاص
لا طبعا اللى بيوضع المعايير ناس برفيشنال واكاديميين يعنى اقل ال اقل واحد فيهم معاه دكتوراة و cpa كمان
عموما مطولش عليكى
عموما انا شايف المعيار زى الفل بس بالنسبة للمعيار الدولى المصرى ناقص حتة زى ما قولنا بسس حضرتك ممكن تتكلمى على حتة الانتقادات وتدخليها فى الحتة بتاع الاختلاف مع المعيار الدولى بحيث انك بتنتقدى المعيار المصرى اللى هوا مخالف للدولى فى النقاط الى اتكلمنا فيها وتضربى مثال عملى زى ما قولنا تبقى زى الفل
ودى وجهه نظرك عادى محدش يقدر يقولك لا
بالتوفيق
نشوفك دكتورة قريبا

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

شكرا جدا ياباشا وتسلم ايدك :
ممكن اعرف نقد للمعيار التاني المصري (المخزون ) من فضلك

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

اية موضوع النقد بتاع المعايير دا
هوا حضراتكم بتعملوا دكتوراة فى النقد بس ولا اية
عموما قولى يعنى طلبك اية علشان غريب عليا شوية
موضوع النقد دا

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

لا دكتورها ولا حاجة : دبلومة صغيرة في المحاسبة المالية والمراجعة
المطلوب بحت في احد المعايير المصرية ونقد البحث من حيث تطبيقة وعيوبة وكده يعني
بس

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

والله هو ده اللى انا بقولة هو اصلا المعايير المصرية هى المعايير الدولية بس اترجمت واتظبتت على حسب القوانين المصرية يعنى اكيد مافيهاش اى حاجة غلط واحنا مش بروفيشنال عشان نقدر نقول ان فيه عيوب فى تطبيقة بس هو الدكتور عايز كده ولو البحث مفهوش النقد من حيث التطبيق مش هيعترف بالبحث وكأنة لم يكن

شكرا لحضرتك جدا انك ساعدتنى وانا استفدت من حضرتك جدا

استاذ ميدو اليكس واضح ان الدكتور اللى مغلبك هو الدكتور اللى مغلبنى

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

تحياتي ليكي واتمنالك التوفيق هو نفس الدكتور بس انا غيرت المعيار من باب التغيير
يارب حد ينقد المعيار ده
وتحياتي ليك ياستاذ بوجي وهمتك معانا

مشاركة: من فضلكم محتاجة اعرف بعض الانتقادات للمعيار رقم 10 للمعايير المحاسبة المصرية
 

السلام عليكم ورحمة الله وبركاته
السادة الزملاء
حد وصل لحاجة في موضوع الانتقادات الخاصة بمعيار المارجعه