منتدى المحاسبين المصريين

منتدى المحاسبين المصريين (https://www.aliahmedali.com/forum/index.php)
-   قسم تأسيس الشركات بكافة أنواعها (https://www.aliahmedali.com/forum/forumdisplay.php?f=24)
-   -   نفسي أشتغل و مش عارف! هل من وسيلة؟ (https://www.aliahmedali.com/forum/showthread.php?t=16937)

a_tantawy7 10-25-2010 04:28 AM
نفسي أشتغل و مش عارف! هل من وسيلة؟
 
أخوتي في الله, أسست مكتب للدعاية و الاعلان وهو في صورة شركة توصية بسيطة وأستلمت كل أوراقي الرسمية من المحامي بما فيها البطاقة الضريبية.
وحتى اللحظة لم استلم السجل التجاري بسبب الموافقات الأمنية واللي عرفت أنها ممكن تمتد لفترة قد تصل ل4 شهور.
دلوقتي أنا في قدامي شغل كتيير, فيه ناس بتقولي أشتغل من غير السجل مافيهلش حاجة و أهم حاجة أن معاك البطاقة الضريبية, وناس تانية بتقولي أستنى السجل و مينفعش تشتغل من غيره,
وأنا عشمان في أخواني أن يفتوني بالرأي القاطع أشتغل ولا لأ؟؟

fery_ops 11-09-2010 10:40 AM
مشاركة: نفسي أشتغل و مش عارف! هل من وسيلة؟
 
بص يا استاذ اشتغل عادي بس روح الغرفه التجاريه الهم انا عاوز شهاده اروح بيها السجل علشان اكمل اجراءات التاسيس ويكون معاك دمغه بجنيه و ملف بجنيه ماشي (علي فكره هتدفع 2 جنيه رسوم استخراج شهاده)
هيدوك شهاده موجه الي السجل مدتها شهر وانت طبعا لسا الاستعلام الامني شغال خليها معاك وبعد شهر اعمل نفس القصه وي لو اي حد جالك قولو انا لسا بكمل اجراءات التاسيس وي وريلو الشهاده بتاعت الغرفه...............................وي عيش يامعلم كان معاك (المحاسب /احمد عطوه ) الشهير ب fery_ops

a_tantawy7 11-23-2010 12:41 PM
مشاركة: نفسي أشتغل و مش عارف! هل من وسيلة؟
 
اقتباس:
المشاركة الأصلية كتبت بواسطة fery_ops (المشاركة 133096)
بص يا استاذ اشتغل عادي بس روح الغرفه التجاريه الهم انا عاوز شهاده اروح بيها السجل علشان اكمل اجراءات التاسيس ويكون معاك دمغه بجنيه و ملف بجنيه ماشي (علي فكره هتدفع 2 جنيه رسوم استخراج شهاده)
هيدوك شهاده موجه الي السجل مدتها شهر وانت طبعا لسا الاستعلام الامني شغال خليها معاك وبعد شهر اعمل نفس القصه وي لو اي حد جالك قولو انا لسا بكمل اجراءات التاسيس وي وريلو الشهاده بتاعت الغرفه...............................وي عيش يامعلم كان معاك (المحاسب /احمد عطوه ) الشهير ب fery_ops
جزاك الله خيرا يا باشا و نردهالك في الأفراح ان شاء الله:sm14:

ياسمين حلمى شافع 11-23-2010 08:27 PM
مشاركة: نفسي أشتغل و مش عارف! هل من وسيلة؟
 
اقتباس:
المشاركة الأصلية كتبت بواسطة a_tantawy7 (المشاركة 121611)
أخوتي في الله, أسست مكتب للدعاية و الاعلان وهو في صورة شركة توصية بسيطة وأستلمت كل أوراقي الرسمية من المحامي بما فيها البطاقة الضريبية.
وحتى اللحظة لم استلم السجل التجاري بسبب الموافقات الأمنية واللي عرفت أنها ممكن تمتد لفترة قد تصل ل4 شهور.
دلوقتي أنا في قدامي شغل كتيير, فيه ناس بتقولي أشتغل من غير السجل مافيهلش حاجة و أهم حاجة أن معاك البطاقة الضريبية, وناس تانية بتقولي أستنى السجل و مينفعش تشتغل من غيره,
وأنا عشمان في أخواني أن يفتوني بالرأي القاطع أشتغل ولا لأ؟؟
طالما الاستاذ المحامى قال لحضرتك أن السجل التجارى محتاج موافقه أمنيه وده طبعا لطبيعه نشاطك فمعنى ذالك أنه قدم مستندات الشركه للغرفه التجاريه وقام باستخراج شهاده مزاوله للنشاط وقام بالتقديم على الموافقه الامنيه ومستنداتها هى :-
1- 4 صور ضوئيه من شهاده المزاوله المستخرجه من الغرفه التجاريه
2-4 صور ضوئيه من عقد الشركه
3- 4صور ضوئيه من بطاقات الرقم القومى للشركاء
يوضع كل ماسبق فى 4 ملفات بلاستيك ويتم تقديمها فى السجل التجارى التابع له عنوان النشاط ويتم أخذ رقم للموافقه الامنيه
مده الموافقه الامنيه تتراوح من 3 شهور الى 6 شهور
مع أعتقادى أن نشاطه يستلزم وجود سجل تجارى فلابد من الانتظار
وهذا على حد علمى

amrnasser 11-23-2010 09:50 PM
مشاركة: نفسي أشتغل و مش عارف! هل من وسيلة؟
 
هو اكيد محتاج لااستعلام امنى بس
لامانع من اصدار فواتير بالبطاقه الضريبه لاحين صدور السجل التجارى مع اثبات الفواتير فى الحسابات لانو كدا كدا لما هيتحاسب فى الضرائب هيتحاسب من تاريخ بدايه نشاطه فى البطاقه الضريبه وليس بتاريخ صدور السجل التجارى
وربنا يباركك فى المكتب


الساعة الآن 10:19 PM

Powered by Nile-Tech® Copyright ©2000 - 2025