|
سؤال مهم لخبراء الضرائب
انا اشتريت جهاز معين بسعر 1000 جنيه من تاجر كبير ثمن الشراء 900 والضريبه 100 هابيعه لتاجر تانى صغير ب 1500 ثمن البيع 1350 والضريبه 150 فى الحاله دى بيكون رصيد المصلحه دائن ب 50 جنيه يعنى لازم اورد لها هذا المبلغ كلام جميل طيب لو طلع رصيدها مدين نعمل ايه دا اولا ثانيا هل نفس السلعه يستحق عليها ضريبه مبيعات اكثر من مره بمعنى التاجر اللى انا اشتريت منه ورد للمصلحه مبلغ 100 جنيه بعدين انا بعتها ووردت مبلغ 50 جنيه وممكن التاجر اللى انا بعتله يبعها لتاجر تانى ويورد لها مبلغ 25 جنيه مثلا هل هذا جائز او وارد الحدوث اصلا ؟؟؟؟ |
مشاركة: سؤال مهم لخبراء الضرائب
السلام عليكم و رحمه الله و بركاته
فى البدايه الرصيد هيطلع مدييييين لو انتا اشتريت بضاعه و بعتها كلها وعلشان سعر بيع البضاعه اكيد هيكون اكتر من سعر شراها ( علشان تكسب طبعا ) بس ممكن يطلع الرصيد دائن لما انتا تشترى 2 جهاز و تبيع واحد بس ضريبه المبيعات على الشراء قيمه الجهاز 1000* 2 عدد الاجهزة = 2000 جنيه وضريبه المبيعات هتكون 2000*10% = 200 جيه لو انتا بعت جهاز واحد بسعر 1500 جنيه و الضريبه = 1500*10% = 150 جنيه كدة هيكون فى رصيد ليك ( رصيد دائن ) عند المصلحه بقيمه = 50 جنيه 150 جنيه ضريبه المبيعات على الشراء - 200 جنيه ضريبه المبيعات على البيع = -50 جنيه لو بعت الجهاز فى شهر التالى هتدفع ضريبه اساسى 1500 * 10% = 150 جنيه و علشان ليك رصيد من الشهر السابق 50 جنيه هتدفع = 150 - 50 = هدفع 100 جنيه بس ( طبعا بفرض عدم وجود مشتريات اخرى ) اكيد لو التاجر الى انتا بعتله الجهاز باعه هيضيف ضريبه مبيعات تانى و هكذ و افتكر اصلا انك لما اشتريت الجهاز اشتريته من تاجر مش مصنع ( يعنى التاجر اشتراة من مستورد او تاجر جمله و دفع عليه ضريبه مبيعات ) و يستمر نقل عبء ضريبه المبيعات الى ان يصل الى المستهلك او الى المشترى الاخير |
مشاركة: سؤال مهم لخبراء الضرائب
شكرا وجزاك الله خيرا
|
| الساعة الآن 08:32 AM |
Powered by Nile-Tech® Copyright ©2000 - 2025