|
تحذير شديد اللهجه لحديثى التخرج الراغبين فى السفر
بسم الله الرحمن الرحيم
الساده الاعضاء وزوار منتدى المحاسبين المصريين تحيه طيبه وبعد انه ومن خلال اطلاعى المستمر على الوظائف المتاحه والمعلنه ومن كثره ما رأيت من عروض وظيفيه لا تليق اطلاقاء بالمحاسبين وبابناء مصر عموما وخاصه تلك المتعلقه للسفر للخارج حتى وقعت عينى على احدى هذه الاعلانات المليئه بالعيوب والمساوىء فقررت ارسال رساله الى ناشر الاعلان ارفقها لكم كما هى عسى الله ان ينفع بها ************************************************** ************************ نص الرساله ************************************************** ************************ بسم الله الرحمن الرحيم ************************************************** ****************************الساده المحترمين انا محاسب ولكن حزنت جدا لما رأيت هذا الاعلان وما يحزننى اكثر ان تجد من ابناء مصر الغاليه من تضطره الظروف ان يقبل بهذا العرض المهين لاصحاب مهنه هى الثالثه فى ترتيب الوظائف فى امريكا انا شخصيا عملت بالسعوديه فى الرياض وجده ومكه وبيشه واعرف ما هى الاسعار وكيف تكفل ال 1500 ريال لمواطن مصرى حياه تشبه الجحيم احد اصدقاءى كان يعمل نجارا فى السعوديه يتقاضى راتب 4000 ريال ولم يعجبه الامر وغير المؤسسه التى يعمل بها وازيدك من الشعر بيتا ليزداد الطين بله راتب الخادمه كنت اصرفه انا من الخزينه 2000 ريال خادمه فلبينيه راتبها 2000 ريال ومحاسب مصر راتبه 1500 ريال وكما قال الشاعر اذا اهان امروء نفسه فلا اكرم الله من يهن وقال اخر من هان على نفسه كان على غيره اهونا ان اعلم ان حديثى هذا لا يعجبك على الاطلاق اذا كنت صاحب مكتب سفريات فكل الذى يهمك هو العموله ولا مصر ولا كرامه المصريين ولا ظروف المعيشه ولا اللى ها يحصل للى يسافر ولا كل الكلام الفاضى ده وان كنت انت صاحب العمل فكل الذى يهمك هو محاسب يشتغل فى المبيعات والمخزن ويشتغل مع العمال ويناكف مع الزباين ويعملك كل حاجه وربما ان استطعت ان لا تعطيه اجرا فعلت وهذا كله بخلاف النظره التخوينيه لكل من يعمل فى وظيفه تختص بالمال فالمحاسب عندكم متهم حتى تثبت براءته هذا كله ولن نرجع العيب على الظروف او من يقبل هذا العرض مضطرا او جاهلا او مغرر به ولكن العيب على من يعلم حقيقه الامور وظروف المعيشه فى هذه البلاد وغلاء الاسعار ناهيك عن الغربه والتعامل مع اصناف من البشر لا تعرف لكرامه الانسان ولا لادميته اى معنى وحر النهار واذى صوت المكيف باليل ومن يعلم اشياء كالتى ذكرتها سابقا وانا اسال سؤال هل يجروء اى مكتب عمل او كفيل سعودى ان يطلب محاسب سورى مثلا بمثل هذا الراتب والله لايجروء حتى ولو على سبيل المزاح لماذا المصريين اصبحو ارخص شعب فى بلادهم وغيرها اتقو الله وليعلم كل مسؤل استرعاه الله رعيه انه مسؤل عنها اللهم بلغت اللهم فاشهد ما شاء الله الحقو يا شباب وظيفه مليئه بالمساوىء والعيوب ياترى مين اللى هايلحق ويحجز اول طائره ذاهبه لهذا الجحيم المسمى الوظيفي:مطلوب محاسب للسعوديةالراتب/الأجر:1500مكان العمل:الرياض, السعودية الناشر:هاني معوضالقسم:مال ومحاسبةتاريخ نشر:2010-09-03تاريخ الاغلاق:2010-10-03مشاهدات:439تفاصيل الوظيفة: مطلوب للعمل بالسعودية محاسب خبرة لا تقل عن عامين شرط الحصول علي تقدير جيد ع الاقل تاشيرة بمهنة عامل ترسل السيرة علي الايميل cveng81@yahoo. |
مشاركة: تحذير شديد اللهجه لحديثى التخرج الراغبين فى السفر
انت راجل محترم وفعلا كلامك صح الصح اسمعوا كلام الرجل ده والله كلامه صح 100%
|
مشاركة: تحذير شديد اللهجه لحديثى التخرج الراغبين فى السفر
أزيدك أنا من الشعر بيت
يشترط حديثي التخرج ومن لم يسبق له السفر للسعودية هذا الاعلان للمصريين المتواجدين في مصر فقط ايه رايك يا مان ؟ مش هما بيبقو كاتبين في اعلاناتهم كدة ؟ عموما أنا يا ما عملت مقابلات مع كفلاء سعوديين في مصر ويا ما اتفرضت عارف ليه طبعاً عشان البيه جي من السعودية والباشاوات بتوع مكتب السفريات هما اللي بيحددو المرتب دة 1500 ريال مش الراجل السعودي يعني احنا اللي بنهين بعض وفي الاخر بندفع فلوس عشان نشتغل هههههههه شكراً على الاعلان دة بس المشكلة فيه بدل الواحد اللي مش هيسافر مليون واحد |
مشاركة: تحذير شديد اللهجه لحديثى التخرج الراغبين فى السفر
اخى منياوى جزاك الله خيرا
انا اتمنى ان يصل صوتى الى كل مصرى وكل شاب قد يقع ضحيه لمثل هذه العروض حتى تعود لمصر كرامتها وريادتها ويقف مسلسل الاهانات المستمر للعاملين المصرين بالخارج هى ليست مسؤليه حكوميه فقط ولكن نحن لنا دور من خلال التوعيه والارشاد ونشر العلم |
مشاركة: تحذير شديد اللهجه لحديثى التخرج الراغبين فى السفر
اولا كل عام وانتم بخير..
.ما الذي يدفع الخريج لذلك....خصوصا من المحافظات الزراعية النائية التي لا يوجد بها عمل.؟؟؟؟؟ هو لما يسافر على 1.500ريال يعني 2.175 جنيه.لو قعد بمصر لن يجد عمل.وان وجده بـ بمصاريف لبسه فقط . فهي مجازفة وسنه صغير وربما يجد عمل احسن وينقل كفالة ...فظروفنا المادية في ظل النظام القائم ( اللهم اكشف الغمة) تجعل الشاب يسافر بهذه الطريقة..... |
مشاركة: تحذير شديد اللهجه لحديثى التخرج الراغبين فى السفر
استاذ اسماعيل زالله العظيم ماتتحسبش كدة مش معنى ان الريال يساوي جنيه ونصف يبقى بياخد في الشهر 2175 زي ما حضرتك فاكر دة كتيره اوي لو حوش اخر السنة 3000 ريال واشترى بيهم لعب وشخاليل وهو راجع
واسال اي حد سافر |
مشاركة: تحذير شديد اللهجه لحديثى التخرج الراغبين فى السفر
اخى توفيق اشكرك على هذه المعلومة ودى الحقيقة فعلا هنا باخد 2000ريال واعرف واحد سودانى معاه دبلوم وشغال سكرتير بياخد3000ريال حتى بغض النظر عن المحاسبين المصرين فقط بل كل المهن المصرية انا معاى اصحابى مهندسين بياخدوا 4500ريال والمهندس السورى والاردنى نفس الخبرة وسنة التخرج وياخد اكثر من12000ريال والله العظيم ده حقيقى
مش عارف ليه المصرى متهان بره وجوه حسبى الله ونعم الوكيل فى كل مسؤل فى مصر لا يقف ويلبى حاجاتنا |
مشاركة: تحذير شديد اللهجه لحديثى التخرج الراغبين فى السفر
مع احترامى الشديد لجميع الاخوة المشاركين انا شايف الموضوع ان احنا اللى بنعمل كده فى نفسنا يعنى اللى بنرخص نفسنا علشان بنرضى بالمرتبات الهزيله دى انا عملت مقابلات كتير مع سعودين وكان للاسف اعلى مرتب حصلت عليه كان 2500 ريال
وعايز اقول حاجة ان اصحاب مكاتب السفريات هم سبب اساسى فى اهانتنا وذللك بسب المصلحة الشخصية اولا واخير والله العظيم انا كنت فى مقابلة وبتكلم مع الكفيل السعودى وبقوله ان فى محاسبين فى السعوديه بياخدوا مرتب 4000 و5000 وبحلف وبدون كذب يكون رد صاحب المكتب المصرى امام الكفيل (انا مبصدقش المصريين) |
الحقو يا شباب فرصه لكل حديثى التخرج محاسب للسفر فورا للسعوديه
1 مرفق
يالله يا جماعه اللى يلحق استمرارا لمسلسل اهانه المصريين اقرأوا الاعلان والشاطر اللى يلحق بس اقول لكو حاجه انا بالامس فقط كنت اتناقش مع احد الاخوه عن المصروفات الثابته فى السعوديه فقال اولا 300 ريال اتصالات دا متوسط الانفاق الشهرى على الاتصالات 30 ريال يوميا مصاريف الطعام ودا برده متوسط يعنى كده 1200 ريال وافترضنا ان السكن على حسابهم ودى تبقى مصيبه لانه فى الغالب سكن جماعى يعنى ممكن معى الهنود او البنجالا وربنا ما يوريك البق عارف البق مش مشكله اسال عنه وانتا تعرف ان السعوديه هى مفرخه لانتاج هذه الحشره القذره وبخصوص السكن والبق وشكل الحمامات ان شاء الله ارفق لكم صوره حيه لمناظر سكن احد الاخوه فى الرياض حى بدر/ صناعيه الشفا/ بالقرب من محطه المدينه ودا طبعا بخلاف اذا دخل مستشفى لاقدر الله او راح الصيدليه ما علهش طولت عليكوا على العموم دا الاعلان كما جاء بالموقع المسمى الوظيفي:للسعودية فورا0 محاسب 2010 يحمل رخصة خاصة الراتب/الأجر:1400 ر يالمكان العمل:الرياض, السعودية الناشر:شركة الميرلاند القسم:مال ومحاسبة تاريخ نشر:2010-09-04تاريخ الاغلاق:2010-10-04 تفاصيل الوظيفة:مطلوب محاسب 2010 يحمل رخصة خاصة العمل محاسب بمكتب عقارات بالرياض ويقبل تغيير المهنه الي سائق خاص بمرتب شهري 1400 ريال وجاد بالسفر فورا0 وللتاكد من صحه الخبر والاعلان دا رابط الاعلان http://www.wzayef.com/ar/jobs/73630 [gdwl] يالله يا جماعه مستنين ايه الغربه بتناديكم اللى مستعد للسفر من اجل الغربه وفقط اللى مستعد يهين نفسه واهله وبلده اللى مستعد يرخص نفسه [/gdwl] ************************************************** ** ماتنساش تحمل المرفقات علشان تتشجع اكثر ************************************************** ** |
مشاركة: تحذير شديد اللهجه لحديثى التخرج الراغبين فى السفر
السلام عليكم
دةجروب توظيف سعوديين وغير سعوديين على الفيس بوك ساعات بيبقى محددين المرتبات أنا عايزكم تتفرجو عليها ودكمان اللينك التاني لموقع وظائف اسمه فرصة.كوم ياريت تشوفو وتحكموا على نفسكم تاني وتعرفو قد ايه احنا مالناش ثمن |
| الساعة الآن 12:27 PM |
Powered by Nile-Tech® Copyright ©2000 - 2025