|
ايه رأيكو في الكورس ده لمحاسب مبتدئ ؟؟؟؟؟
السلام عليكم ورحمة الله وبركاته انا أخوكم أحمد اسماعيل - بكالريوس تجارة دفعة 2009 محاسب مبتدئ ولسة مش عندي خبرة كبيرة خصوصا اني كنت شغال في مكان مخدتش منه أي خبرة تذكر في المحاسبة عشان كده سبت الشغل وقررت اني اعلي نفسي شوية في المحاسبة وادور على مكان اخد منة خبرة أكتر فكنت بفكر اني ابدأ في الCMA بس عرفت انها محتاجة خبرة في الشغل سنتين على الأقل عشان الواحد يقدر يمشي فيها عشان كده انا بدور على كورس مفيد ليا في الفترة دي فكنت عايز أعرف رأيكم في الكورس ده http://www.yatlearning.com/Front/Eng...tyType=Package وهل برنامج الPeachtree في شركات كتير بتستخدمه ولا لأ ؟ عشان انا بصراحة أول مرة اسمع عنه ولو الكورس ده مش مفيد ممكن تقولولي ايه احسن واحد في دول http://www.yatlearning.com/Front/Eng...nting&Search=1 وشكررررررا ليكم مقدما ... :sm82: |
مشاركة: ايه رأيكو في الكورس ده لمحاسب مبتدئ ؟؟؟؟؟
بص يا اخ ميمو انا مصطفى لسه خريج 2010 ومعنديش خبره خالص وبدور على كورسات وخبره زيك بالظبط
على حسب معلوماتى الكورسات الى انت كاتبها دى معظمها كمبيوتر"اكسيل-اكسيس-اوفيس-وندوز فيستا- انترنت". البرامج دى كلها تمام واساسيه وليها شغل كبير فى المحاسبه بس انت بتقول انك عاوز خبره فى المحاسبه نفسها. فانت كده سبت المحاسبه وعاوز تاخد البرامج الى بتطبق محاسبه عليها. ومتهيالى فيها حاجات ملهاش علاقه بالمحاسبه خالص. ولو دورت كويس هتلاقى كورسات تانيه احسن بكتير وليها الاولويه عن الكورسات الى بتسال عنها دى انا عامل موضوع فى القسم هنا وكاتب فيه كورسات متهيالى انها مفيده وكنت بستفسر عنها زيك بالظبط خش واقراها وايدى على كتفك ونشوف الكورسات الى هتدينا خبره ونبدا فيها فورا اما بالنسبه للخبره العمليه فملهاش غير حل واحد انك تنزل مكاتب محاسبه وانا حاليا بدور على مكتب كويس. والله اعلم |
مشاركة: ايه رأيكو في الكورس ده لمحاسب مبتدئ ؟؟؟؟؟
يا ميمو أنا أعرف مركز تدريب متخصص فى تدريب المحاسبين فقط وعنده محاضرين رائعين وكمان البرامج بتاعته بتفرق كتير مع أى خريج جديد عايز يكون محاسب كويس وال أكتر من كدة عنده برنامج تأهيلى لدراسة الـ cma البرنامج ده بتطلع منه جاهز إنك تدخل فى دراسة السي إم إيه أنا شخصيا ومجموعة من أصدقائى جربناه ودخلنا كورس محاسبة مالية وإمساك دفاتر والحقيقة كان كورس رائع وإستفادنا منه كتير جدا جدا ودلوئتى المركز دا بيعمل حاجة جديدة لكن تحفة وهى عمل كورسات بتركز على موضوع معين والنوع ده بيخللى المحاسب يجيد إجادة تامة للموضوع ده زى مثلا المخازن وطرق تقييم المخزون ممكن تطلع منه فاهم مخازن وتقييم وتبقى مراقب مخازن فى أى مكان عنده علم ودراية
المهم انا طولت عليك لو حابب المركز دا مكانه فى أخر فيصل - الجيزة ودا تليفونهم 33831976 |
مشاركة: ايه رأيكو في الكورس ده لمحاسب مبتدئ ؟؟؟؟؟
علي فكرة في كورس جامد جدا ومهم جدا ليك في كلية التجارة جامعة القاهرة في مركز البحوث والدراسات خلف مدرج العيوطي والكورس ده انت هتدرس فيه برنامج الاكسيل وبلرنامج البيتش تري ويعتبر برنامج البيتش تري من اهم البرامج المحاسبية علي مستوي العالم وانا بنصحك انك تاخد الكورس دة وخصوصا ان سعرة رمزي 500 جنية.واتمني اني اكون افدتك في الموضوع ده.
|
مشاركة: ايه رأيكو في الكورس ده لمحاسب مبتدئ ؟؟؟؟؟
كل الكورسات فى كلية تجارة جامعة عين شمس
فى اخر دور واسعارها مش غاليه اوى |
| الساعة الآن 12:53 PM |
Powered by Nile-Tech® Copyright ©2000 - 2025