منتدى المحاسبين المصريين

منتدى المحاسبين المصريين (https://www.aliahmedali.com/forum/index.php)

- قسم محاسبة البنوك (https://www.aliahmedali.com/forum/forumdisplay.php?f=17)

- - سؤال عن الشيك (https://www.aliahmedali.com/forum/showthread.php?t=13029)

سؤال عن الشيك

يعنى اية قفل الشيك
ويعنى اية تسطير الشيك
ولو في مسميات تانية عايز اعرفها وعايز شرح ليها بالعامية اكتر

مشاركة: سؤال عن الشيك

اقتباس:

المشاركة الأصلية كتبت بواسطة waled mohamed (المشاركة 58921)

يعنى اية قفل الشيك
ويعنى اية تسطير الشيك
ولو في مسميات تانية عايز اعرفها وعايز شرح ليها بالعامية اكتر

عزيزى أستاذ وليد المقصود بالشيك المقفول هو اصدار شيك لشخص ما لايجوز لشخص آخر صرفه ولا يمكن تظهيره نفترض مثلا انى قمت باصدار شيك باسمك وقمت بقفل الشيك يبقى انت الوحيد اللى ممكن تصرف الشيك وطريقة قفل الشيك كان سابقاً بيتم القفل عن طريق الغاء كلمة لأمر الموجودة بالشيك (ادفعوا بموجب هذا الشيك لأمر ) أما فى الوقت الحالى بيتم كتابة كلمة ليس لأمر لو وجدت هذه الكلمة يكون الشيك مقفول لا يصرفه غير الشخص المصدر له الشيك يعنى حالياً لو انت لقيت شيك مشطوب على كلمة لأمر يمكن تظهيره

أما بالنسبة للشيك المسطر فتم ايضاحه فى مشاركة سابقة وهذا هو الرابط
http://www.aliahmedali.com/forum/showthread.php?p=58666#post58666

أتمنى من الله أن أكون قد وفقت فى ايضاح المعلومة لك

مشاركة: سؤال عن الشيك

اشكرك جزيلا يا استاذ محمد نبيل سؤال اخر
تظهير الشيك تعنى انى اكتب فى ضهرة ان حد تانى يقدر يصرفة ولا اية ارجو الشرح بالعامية اكتر وليك جزيل الشكر على معلوماتك الجميلة جدا يا استاذ محمد

مشاركة: سؤال عن الشيك

اقتباس:

المشاركة الأصلية كتبت بواسطة waled mohamed (المشاركة 59064)

تظهير الشيك معناه انك تكتب اسم الشخص اللى مكتوب فى الشيك على ضهر الشيك ثم بعد ذلك تكتب اسم الشخص اللى هيروح البنك يصرفه وتكتب عنوانه ورقم بطاقته على سبيل المثال قام احد العملاء بتحرير شيك باسم وليد محمد يروح وليد مظهر الشيك لـمحمد نبيل ( تكتب وليد محمد وتحتيه تكتب اسم محمد نبيل ) وممكن ايضا محمد نبيل ياخد الشيك ويظهره لشخص تانى المهم اخر اسم فى التظهير هو اللى يصرف الشيك من البنك ، وممكن ايضاً تظهر الشيك باسم أحد الموردين أو الدائنين للمنشأة

أسأل الله أن أكون قد وفقت فى ايضاح الموضوع

مشاركة: سؤال عن الشيك

تم نقل الموضوع الي قسم البنوك نظرا لارتباط الشيك بالقسم المذكور

مشاركة: سؤال عن الشيك

السلام عليكم احبتي الأعزاء انا عضو جديد بينكم أترجو ان تتقبلوني وتساعدوني لو امكن ذلك ... ياريت حد يشرح لي تسوية البنك أصلو مافاهم شئ..

مشاركة: سؤال عن الشيك

تسطير الشيك = ماهو وضع الشيك في الحساب يدخل الحساب ولا يصرف حتي لو المخول بالتوقيع او بالصرف صرفة لا يجوز
وتظهير الشيك ان الساحب ممكن ان يظهر الشيك باسم ساحب تاني مع توقيع على ضهر الشيك والله اعلم ،،،

مشاركة: سؤال عن الشيك

السلام عليكم احبتي الأعزاء انا عضو جديد بينكم أترجو ان تتقبلوني وتساعدوني لو امكن ذلك ... ياريت حد يشرح لي تسوية البنك أصلو مافاهم شئ..
تسوية البنك انت بيجيلك كشف حساب من البنوك اللى بتتعامل معاها علي سبيل المثال هانقول انك بتتعامل مع بنك واحد مثلا
هاتلاقى فى الكشف دة سحب وايداع او كمبيالات مسحوبة على البنك اللى انت بتعامل معاه المهم هاتلاقى داخل وخارج من البنك تحاول تقارنها بحركة البنك اللى انت عاملها عندك فى شغلك وتشوف الفارق وتقارن واهم حاجة اعتقد انها هاتتعبك التواريخ ركز على التواريخ وقسايم الايداع

مشاركة: سؤال عن الشيك

شكراااااااااا بجد

مشاركة: سؤال عن الشيك

بسم الله الرحمن الرحيم
صصديقى العزيز
هما فى أربع حاجات للشيكات
1 - إقفال الشيك ( يعنى محدش يصرف الشيك إل ألى مكتوب أسمه يعنى ميتظهرش )
2 - تظهير الشيك ( لو الشيك مش مقفل يتم كتابه أسم الصارف بظهر الشيك )
3 - تسطير الشيك ( وده للشيكات الأجله فقط يعنى حصدر الشيك بتاريخ الشهر القادم تسطيرى له مش حيصرفه غير فى معاده لو مش متسطر حصرفه فى أى وقت )
4 - إلغاء الشيك ( أحطه مع الكعب و أدبسه )