|
قراءة الشاشة : معلومات مهمة لمتابعة الشاشة اللحظية
معلومات عامة عند متابعة التنفيذات على الشاشة اللحظية :
لو عايز تتعرف على تنفيذات السوق من خلال متابعة الأسهم التي يتم التنفيذ عليها لحظياً : 1- أعتقد أننا جميعاً عندما ننظر لشاشة التنفيذات نستطيع أن نعرف أو نتابع أهم شئ بالنسبة لنا عند متابعة تنفيذات السوق مهم جداً أن نعرف تنفيذات الأسهم من حيث السعر والكمية المنفذة على هذا السعر 2- هناك أمور مهمة أخرى يجب أن نعرفها أو نتابعها مثل : معرفة نسبة التغير ( ويمكن إضافة نسبة التغير للشاشة ) من خلال برنامج المتابعة لأهميتها وكذلك يمكن إضافة الاتجاه للشاشة ومن خلاله يمكن أن نعرف فيما إذا كانت التنفيذات من العروض أو للطلبات ( نقول اعطى للطلبات أو رمى للطلبات ونقول خد من العروض ) وهي عبارات معروفة للمتابعين للشاشة اللحظية ====================== لو عايز تتعرف على طلبات وعروض أسهمك من خلال متابعة جدول الطلبات والعروض لازم نفتح الطلبات على سهمك وترتبها بحيث يكون أعلى طلب موجود في الترتيب الأول ومهم كمان يكون أمام كل طلب كميته ومن خلال الطلبات الموجودة في المقدمة نستشعر قوة المشتري وإذا كانت فيه بلوكات بعيدة عن أول طلب فإن أول شئ يتبادر للذهن هي أنها ( سندة ) ومعنى إنهم بيسندو السهم يعني بيحطو طلبات كتيرة لكن مش على الوش أو مش قريبة للتنفيذات خصوصاً لكن كل بلوك لتنفيذة واحدة أو لفرد واحد ودي سهلة نعرفها من خلال برنامج مباشر ( بمجرد وضع المؤشر على البلوكات ) ِيارب يكون كلامي واضح والعكس في العروض لو لقينا بلوكات بعيدة عن أول عرض يبقى دي ضغوط على السهم لإيهام المتابعين إن السهم ممكن ما ينفذش على البلوك الكبير ( أشبه بحائط الصد ) وبعدين , كتير جداً نشوف البلوكات دي بتتشال مرة واحدة ويقوم مدي للطلبات وأحيانا تكون الضغوط دي لعبة يعني يوقف السهم عند 15 ج مثلاً وبلوكات كتيرة وكبيرة علشان اللي عايز يبيع أو يعرض يحط أقل من كده ويقوم هو في لحظات ياخد كل العروض اللي قبل العروض أو البلوكات بتاعته ================== لو قلته الكلام ده صعب أقول لكم أن نبهت لصعوبة ذلك وكمان نبهت لأهمية وجود المعلم إلى جانب الدارس أمام الشاشة أثناء التنفيذات يعني العملي أهم بكتير من النظري أرجو تكونوا استفدتم بشئ وبرضة أنا ماقلتش حاجة منقول |
مشاركة: قراءة الشاشة : معلومات مهمة لمتابعة الشاشة اللحظية
مراقبة السهم
======== لو عايز تراقب السوق وتتعرف على بيانات السوق بصورة كاملة , يعني تعرف السوق معرفة تامة لابد من استخدام الجزء الخاص بمراقبة السوق أو ما يسمى بجلسة التداول ويتم تقسيم الشاشة كالتالي : اسم السهم , آخر , آخر كمية إغلاق , التغير % , إغلاق سابق , الفتح , أعلى , أقل مجموع كمية التداول , قيمة التداول مجموع الطلبات , مجموع العروض ط / ع ( نسبة الطلب للعرض ) ودي مهمة علشان نعرف السهم معرض والا مصفر وإذا كان عليه طلبات فكم نسبة الطلبات للعروض في الآخر أقول لكم : المفروض تصغروا الخط شوية علشان الشاشة تتسع لكل ما سبق وأنا شخصياً مقسمها كده ومهم كمان نعرف إننا لو ضغطنا مرتين من فوق على كلمة مجموع كمية التداول هانلاقي الجدول اترتب أبجدي يعني هانلاقي السهم اللي كمية تنفيذاته كبيرة فوق وتحته الأقل وده شئ مهم , كمان لو نفذت الكلام ده على القيمة , تقدر تعرف الفليوم رايح فين , ودي كل شوية أعملها علشان أعرف أغلب فلوس السوق رايحة لأي سهم أو لأي مجموعة أسهم أحيانا أكتشف إن سهمين فقط واخدين نص تنفيذات السوق وأحيانا نلاقي سهم واحد واخد ثلث السوق , كل ده بيحدد سيولة السوق رايحة فين , وطلعت منين ودخلت فين |
مشاركة: قراءة الشاشة : معلومات مهمة لمتابعة الشاشة اللحظية
|
مشاركة: قراءة الشاشة : معلومات مهمة لمتابعة الشاشة اللحظية
مشكوووووور والله يعطيك الف عافيه
|
مشاركة: قراءة الشاشة : معلومات مهمة لمتابعة الشاشة اللحظية
بجد بجد جزاك الله خيرا بقولها من كل قلبى
أنا أول مره أفهم موضوع من حد بخصوص متابعه الشاشه حضرتك قولتها بأسلوب بسيط للغايه وبسلاسه ربنا يبارك فيك بس سامحنى عندى أستفسار؟؟؟ معنى كلامك كده أن فى (حائط الصد)فى حد مش عايز يجرى السعر صح ولا ؟؟؟...طب لو ده صح هو هيستفيد أهه |
| الساعة الآن 02:40 AM |
Powered by Nile-Tech® Copyright ©2000 - 2024