استفسار في اعادة تقييم الاصول
 

السلام عليكم ورحمة الله وبركاته
اعمل محاسب بمصانع بلك وخرسانة جاهزة بالسعودية منذ اكثر من سنه
وعندما انضميت الي العمل واجهت مشكلة وهي ان جميع اصول المصانع مسجلة كأجماليات يعني بند سيارات مثلا ب 4 مليون بند معدات والات ب 7 مليون وهكذا
وطبعا اقترب ان تتساوي مجمع الاهلاك مع قيمة الاصول اي تستنفذ قيمة الاصول ( اهلكت دفتريا ) في حين انه يوجد سيارات انضمت للمصانع من اقل من عامين لكن طبعا دخلت في بند سيارات اللي شامل كل حاجه ده وقسط الاستهلاك الثابت ما بيفرقش بين الجديد والقديم زي ما حضراتكم عارفين
فلقيت ان مفيش حل غير حصر جميع الاصول الثابتة الموجودة على ارض الواقع واعادة تقييمها كل اصل على حده .
وفوجئت بعد حصر المعدات انه لا يوجد فواتير او شئ يثبت قيمة كل أصل لأن أصحاب المصنع تقريبا كانوا واخدينه شروه على بعضه والمحاسب اللي عمل افتتاح محاسبي للمصنع وقتها كسل وقسم مبلغ الشراء على مزاجه يعني مثلا اشتروا ب 20 مليون قام مقسمها 10 الات و 5 سيارات و 3 مباني وهكذا
وطبعا مكتب المراجعه اللى بيجي يراقب ويراجع مش همه غير انه يجي يوم كل 3 شهور يعمل نفسه بيراجع وياخد الدفعة المقدمة من الميزانية ويتوكل على الله ولما نطلب تغيير مكتب المراجعة اللى بنتعامل معاه من اصحاب المجموعة طبعا يقولوا يبقي هو ده اللى تاعبهم ومخليهم مش عارفين يسرقوا يبقي هو ده اللى نتعامل معاه طول عمرنا
المهم انا دلوقتي قررت اني لازم اعمل اعادة تقييم للأصول وعايز مساعدتكم في الاتي
1- هل يوجد نماذج معينة يتم استخدامها في مثل هذه العملية المحاسبية .
2- هل يوجد شركات يمكن توثيق منها نماذج لكل أصل طبعا لأنه لا يوجد نماذج ولا أي شئ يثبت قيمة الأصول وكما تعلمون ان هذه النقطة نقطة ضعف خطيرة تؤثر على الشركة وتعاملاتها مع اي جهة رقابية .
3-من هم اعضاء محضر اعادة التقييم هل يجب وجود اطراف خارجية كمعرض سيارات مثلا
4- اذا يوجد اي نصائح أو بيانات يمكنكم افادتي بها

ياريت من يعرف يفيدني بسرعة لأني أريد أبدأ العام الجديد علي نظافة

مشاركة: استفسار في اعادة تقييم الاصول
 

الزميل العزيز .... موضوع اعادة تقييم الاصول موضوع كبير ولكى يحدث لابد له من وجود اشتراطات وهى لا تتوافر فى حالتك المعروضة ... ولكن ال انت بتعملة هو جرد الاصول.... وبالنسبة الى موضوعك ... لابد من الاستعانة باحدى مكاتب المحسابة المتخصصة .... وايضا الخبراء لكى تبدا بشكل سليم . لانه من الواضح انك محتاج جهد كبير جدا ...والله المستعان

مشاركة: استفسار في اعادة تقييم الاصول
 

طيب هل يوجد مكاتب متخصصة في هذا الموضوع لأن طبعا لازم يكون عندي مستندات لكل الاصول الموجودة

مشاركة: استفسار في اعادة تقييم الاصول
 

انت في الرياض ولا في جدة؟

مشاركة: استفسار في اعادة تقييم الاصول
 

الموضوع مش كبير قوى كدة هو انت مش ممكن تعمل اعادة تقييم للأصول لأنها لا تتم الا فى حالات خاصة زى التصفية والاندماج ولكن انت ممكن تستخرج مستندات شراء كل اصل من الأرشيف وتحاول تعمل كارت لكل عربية مثلا جوة دفتر الأصل وتحسبلها اهلاك بمفردها جوة الكارتة حسب سياسة الإهلاك وقسط الاهلاك بتاع الشركة ولازم تراعى برضه التواريخ اللى اتغيرت فيها سياسة الإهلاك ان كان ده حصل ولازم فى الآخر مجمع الإهلاك الجديد يطابق مجمع الاهلاك فى الدفاتر (معلش هى متعبة شوية ولكن هتريحك بعدين وانت عارف طبعاً ان محدش بياكلها بالساهل وان الشركة لو حساباتها ماشية مظبوطة 100% من الأول مكانوش عينوا محاسبين )
وربنا يوفقك