خطوات وإجراءات تسجيل محاسب تحت التمرين بمكتب محاسبة
2 مرفق
السلام عليكم ورحمه الله وبركاته الاسم : محمد رجب مؤمن المهنه : محاسبه قانونى تحت التمرين سنه التخرج : 2007 المؤهل الدراسى : بكالوريس تجارة جامعه القاهرة اولا احب ان ارحب بالاخوة والاخوات حديثى التخرج وادعوا الله ان ينفع عملى الذى سوف اقدمه لهم فى مجال التسجيل كمحاسب تحت التمرين وان يجعله الله لى فى ميزان حسناتى تخرجت من الجامعه سنه 2007 وقمت بالعمل فى احدى مكاتب المحاسبه كمحاسب تحت التمرين سنه 2008 وسأبداء معكم خطوات التسجيل كمحاسب تحت التمرين كما قابلتني لان بجد انا ندمت :sm143: على الوقت اللى عدى من غير مسجل بسبب انى مش فاهم الخطوات او مستصعب الاجراءات :sm131: لكن لاتقلق فهى ابسط مما تتصور :sm255: على بركه الله نبدأ الخطوة الاولى : التأمين عند المحاسب المراد التمرين عنده ممكن تعمل حركه جرئيه وتجيب نموذج (1) تامين وتملاه وتخليه ناقص على توقيع وختم المحاسب ورقم المنشأة اللى هى المكتب وفاجاء المحاسب القانونى بيها :sm101: ودى صوره من نموذج (1) تأمينات وازاى تملاه الوجه الاول http://www.a7lashare.com/uploads/ima...7e9073caa4.jpg الوجه الثانى http://www.a7lashare.com/uploads/ima...0522e684b6.jpg الخطوة الثانيه : عمل صحيفه الحاله الجنائية ( الفيش والتشبيه ) مع العلم بأن مده سريان هذا الصحيفه 3 أشهر من تاريخ اصدارها وتكتب فيها انها موجهه الى ( سجل المحاسبين والمراجعين بوزارة الماليه ) وطبعاً كلنا عارفين شكلها مش محتاجه صور اللى هى فيش سريع او فيش بطئ او فيش كمبيوتر ونصيحه من واحد مجرب خد معاك مناديل ورق وجاز علشان كلهم بيبهدلوا اديكم بالحبر علشان ياخدوا البصمات الخطوة الثالثه : برنت تأمينات وهو عبارة عن ورقه تصدرها مكاتب التأمينات موضح بها بيانات التأمين عليك واسم النشأة المؤمن عليك فيها وتاريخ التأمين واذا كنت قد سددت المستحق عليك او لم تسدد او لديك رصيد دائن ودى صوره من برنت التأمينات http://www.a7lashare.com/uploads/ima...7d566cf10e.jpg الخطوة الرابعه : شهادة من المحاسب معتمده من النقابه اللى هى فى العباسية وفى صيغه معينه هتكتبها فى الشهادة دى وتخلى المحاسب يمضى عليها ويختم بالختم اللى عليه اسمه ورقم التسجيل بتاعه اللى هو فى سجل المحاسبين والراجعين ودى صوره من الشهادة وانا هرفق الصيغه بطريقه الورد wrd علشان تدخل عليها بياناتك انت http://www.a7lashare.com/uploads/ima...375cb70edb.jpg الخطوة الخامسه : حواله بريديه حواله بريديه بمبلغ 140 قرش اوعى حد يعمل الحواله بـ 140 جنيه انا بقول قرش وقرش كبيييير كمان اهو ( 140 قـــــــــــــرش ) اللى يضحك ثمن الحواله 0.50 قرش وعلشان ترسلها 4.00 جنيه يعنى الاجمالى 6.00 جنيه وانت بتعمل الحواله اشترى 2 طابع بوسطه عاديه فئه 1 جنيه علشان هتحتاج لهم وهقولك فى ايه يبقى المطلوب حواله بريديه 140 قرش بأسم ( مدير عام سجل المحاسبين والمراجعين ) وهتاخد ايصالات الحواله واحد احمر وده هيخدوه فى السجل والتانى اخضر وصورته كالاتى http://www.a7lashare.com/uploads/ima...d94e699ebb.jpg الخطوة السادسه : إقرار التفرغ وده اقرار انت بتكتبه على نفسك بأنك لا تمارس اى مهنه او وظيفه الا المحاسبه وصيغته فى المرفقات وده هتلاقيه جاهز فى سجل المحاسبين بس زياده تأكيد حضره معاك وانت رايح وعلى فكره ده هتلزق عليه واحد دمغه من فئه 1 جنيه اللى انا قولت عليها والدمغه التانيه على شهادة المحاسب اللى فى الخطوة الرابعه ودي صورة اقرار التفرغ http://www.a7lashare.com/uploads/ima...8cbaedbb20.jpg والباقى حاجات عادية وهقولك عليها دلوقتى طلب القيد تحت التمرين 1- أصل شهادة التخرج 2- أصل شهادة الميلاد 3- أصل شهادة التجنيد ( للذكور فقط طبعاً هو فى بنات عندها الشهادة دى ) :sm20: 4- صحيفه الحاله الجنائيه بأسم ( سجل المحاسبين والمراجعين بوزارة الماليه ) 5- شهادة من المحاسب معتمده من النقابه + دمغه من النقابه 20 جنيه + دمغه بوسطه عاديه 1 جنيه 6- استمارة 1 تأمينات اصل او صوره مختومه بختم واضح من التأمينات ودى ممكن نستغنى عنها بالبرنت فى الخطوة الثالثه بالشرح اعلاه 7 - حواله بريديه بمبلغ 140 قرش بأسم ( مدير عام سجل المحاسبين والمراجعين ) 8- اقرار التفرغ + دمغه بوسطه عاديه 1 جنيه 9- صوره البطاقه 10- طلب قيد من الادارة العامه للمحاسبين والمراجعين وده هتلاقيه مجاناً هناك وانت بتقدم الاوراق فى حاجه مهمه هى انك لازم تكون مسدد اشتراك النقابه انت والمحاسب بتاعك علشان ورقك يمشى بسرعه وهما هيطلبوا منك صورة من ايصال سداد اشتراك النقابه الخاص بك وممكن لو معاك الكارنيه يحل محل الايصال ودول صور الكارنيه اللى انا اقصده وصور الايصال اللى انت هتسدد وتاخده صوره الايصال http://www.a7lashare.com/uploads/ima...5bafcb2560.jpg صوره الكارنيه http://www.a7lashare.com/uploads/ima...3714e682ce.jpg وبكده اكون خلصت وادعوا الله ان تكونوا استفدتم اسألكم الدعاء لا تنسوا المرفقات للأمانه الموضوع حصرى لمنتدى المحاسبين المصريين والسلام عليكم ورحمه الله |
مشاركة: للمستجدين وحديثى التخرج فقط نداء عاجل وارجو التثبيت
|
مشاركة: خطوات وإجراءات تسجيل محاسب تحت التمرين بمكتب محاسبة
شكرا جدا بجد مشاركة مميزة
تحياتي لك وتحيات منتدي المحاسبين المصريين |
مشاركة: خطوات وإجراءات تسجيل محاسب تحت التمرين بمكتب محاسبة
|
مشاركة: خطوات وإجراءات تسجيل محاسب تحت التمرين بمكتب محاسبة
ان شاء الله كل المستجدين يستفيدوا من هذا الموضوع وحظ موفق للجميع ان شاء الله مده عمل لجنه البت فى الاوراق شهر من تاريخ التقديم والخطاب المرسل اليك بعد 15 يوم من البت يعنى استنى شهر و15 يوم علشان تعرف انك اتسجلت فى سجل المحاسبين والمراجعين ولو فى اى استفسار انا هسيب رقم تليفونى خدمه لوجه الله عز وجل 0110101205 والسلام عليكم ورحمه الله وبركاته |
مشاركة: خطوات وإجراءات تسجيل محاسب تحت التمرين بمكتب محاسبة
مشكوووووووووووووووور
جزالك الله خير |
مشاركة: خطوات وإجراءات تسجيل محاسب تحت التمرين بمكتب محاسبة
كل دددددددددددددددددددددددده......................... ....................؟؟؟؟؟؟؟؟؟؟؟؟؟؟؟؟؟؟؟؟؟
دنا هسيب المحاسبه خلاص بسبب القصه دى جزاك الله كل خير |
مشاركة: خطوات وإجراءات تسجيل محاسب تحت التمرين بمكتب محاسبة
اقتباس:
اللى انت بتقول عليه كل ده اصعب حاجه فيهم هى عمليه التأمين اللى هى مش بتاخد غير بالظبط نص ساعه تسجيل فى مكتب التأمين الباقى حاجه عاديه جداً انت شكلك بصيت على شكل الموضوع ومقرأتش منه حاجه ربنا يديك الصحه بالتوفيق للجميع |
مشاركة: خطوات وإجراءات تسجيل محاسب تحت التمرين بمكتب محاسبة
اخر خطوة من خطوات التسجيل سيتم ارسال نموذج 3 محاسبون ومراجعون على العنوان الذى تم ذكره فى وقت التسجيل اللى هو مكتب المحاسب ودى صورة من النموذج http://www.a7lashare.com/uploads/ima...d20b0023c7.jpg بعد ارسال النموذج انت كده محاسب رسمى يمكنك الحضور والتأجيل بلجان الطعن وعمل لجان داخلية وفتح ملفات جديدة وغيرها من الصلاحيات تأخذ صورة من النموذج وتذهب الى نقابه التجاريين بالعباسية لتسجل نفسك من محاسب غير عامل الى محاسب تحت التمرين وتستلم الكرينه بعد 15 يوم والله اعلم بالتوفيق للجميع والسلام عليكم ورحمه الله وبركاته |
مشاركة: خطوات وإجراءات تسجيل محاسب تحت التمرين بمكتب محاسبة
السلام عليكم ورحمة الله وبركاته
فى الاول انا بشكرك بشد على الموضوع الاكتر من رائع , بس انا محتار بجد خايف اضيع 3 سنين من عمرى على الفاضى !!! (قصدى يعنى ايه فايدة التسجيل لو انت مش فى امكانياتك تفتح مكتب) ارجو الافادة باهمية التسجيل ومدى الاستفاده منه , وشكراا |
الساعة الآن 07:11 AM |
Powered by Nile-Tech® Copyright ©2000 - 2024