|
ممكن اعرف معلومات عن دبلومة المحاسبه
السلام عليكم
ممكن حد يكلمني عن دبلومة المحاسبه يعني مدة الدراسه وسهله ولا صعبه وفوائدها وشروطها لاني بفكر اعملها ارجوكم متبخلوش اللهم لك الحمد كما ينبغي لجلالة وجهك وعظيم سلطانك سبحان الله وبحمده عدد خلقه ورضا نفسه ومداد كلماته وزنة عرشه لاحول ولا قوة الا بالله العلي العظيم |
مشاركة: ممكن اعرف معلومات عن دبلومة المحاسبه
ان شاء اله سهله
بس عشان تعرفى اى معلومه عن الدبلومه عليكى على على الدكتور بقا |
مشاركة: ممكن اعرف معلومات عن دبلومة المحاسبه
مشكوووووووووووووووور يا وسام
|
مشاركة: ممكن اعرف معلومات عن دبلومة المحاسبه
|
مشاركة: ممكن اعرف معلومات عن دبلومة المحاسبه
فرصة انك تاخديها بعد الكلية علطول خصوصا قبل متنشغلى بالوظيفة ومتقدريش تحضرى
وعموما الدبلومة سهلة وحلوة بس شرط اساسى الحضور والمتابعة والله الموفق... |
مشاركة: ممكن اعرف معلومات عن دبلومة المحاسبه
مشكوووووور والله يعطيك الف عافيه
|
مشاركة: ممكن اعرف معلومات عن دبلومة المحاسبه
طيب لو سمحت يا فوكس هي سنتين ولا اكثر وشرط التقدير يكون جيد جدا ولا ايه
|
مشاركة: ممكن اعرف معلومات عن دبلومة المحاسبه
انا كنت دخلت دبلومة2006/2007 وكانت سنتين على النظام القديم نظام امتحان اخر العام , اما الان فاسمع انها تحولت لنظام الساعات المعتمدة وان الطالب بيختار اربع او ثلاث مواد يمتحن فيهم نصف العام والباقى اخر العام والمصاريف كانت 220 على ايامنا , دلوقتى بتعمل حوالى 600 او 720 جنيه وعلى سنتين برضه المادة = 120 جم
|
مشاركة: ممكن اعرف معلومات عن دبلومة المحاسبه
الشرط مش متاكد منه بس انا كنت جيد
|
مشاركة: ممكن اعرف معلومات عن دبلومة المحاسبه
السلام عليكم
مدة الدبلومة سنتان ونظام الامتحانات بيكون اخر العام نصيحه ابداي الدراسه فيها علي طول وربنا يوفقك علي فكرة انا في سنه اولي دبلوم ضرائب بجد الدراسه جميله فيها ربنا معاكي |
مشاركة: ممكن اعرف معلومات عن دبلومة المحاسبه
توكلي علي الله
وبالتوفيق |
مشاركة: ممكن اعرف معلومات عن دبلومة المحاسبه
مشكورين والله يجازيكم خير
|
مشاركة: ممكن اعرف معلومات عن دبلومة المحاسبه
عايزه تعرفي معلومه عنها خديها من حد اخد الدبلومه دي زي حضرتي
بصي يا ستي اول شرط لابد وان يمر علي تخرجك سنه وليس اقل يعني بعد سنه من التخرج ثانيا اول سنه حتبقي سنه عامه يعني مفيش تخصص بس انتي بتحددي التخصص من اول سنه وممكن تغيريه علي فكره قبل سنه 2 وبعد كمان الدراسه في سنه تانيه ممكن تغيري التخصص بس نصيحه حددي هدفك من البدايه وده حيتحدد من دراسه سنه اوي ثالثا همه خمس مواد وانتي وحظك ممكن يكون لكل ماده دكتور او دكتورين والاحسن دكتورين طبعا رابعا الماده من 20 درجه وشامله 5 درجات اعمال سنه بتبقي زي ما يحدد الدكتور شيت او بحث او الاتنين والسنادي اول سنه يطبقوا نظام الامتحان لاعمال السنه يعني اعمال السنه بامتحان ولجان وكده خامسا ليكي درجتين رافه تاخديهم في اي ماده سادسا في حاله لا قدر الله رسبتي في ماده او اتنين ليكي دور تاني لكن اكتر من مادتين بتعدي السنه كلها وفي حاله رسبتي فالمادتين بعد الدور التاني -وده بيحصل وعادي جدا والله- بتعدي السنه بس فالمادتين دول بس فاهماني =============== الدراسه حتكون دوشه ولخمه وزحمه وحتحسي انك مش قادره تلمي ولا تحصلي اي حاجه فالاخر يا توته الدكاتره بتحدد منين حتزاكره وايه فيعني متتعبيش نفسك من اولها عشان متزهقيش فالاخر وفيها كتب وفيها كل حاجه بس نصيحه من اخت طالما نويتي اتمتعي بالدراسه يعني متجريش ورا انك تخلصي وتلحقي وتاحضري والبحث لا كله حيخلص والله بس حبي المواد اقري اوي وافهمي اكتر من الحفظ اتعلمي عارفه يعني ايه تتعلمي انتي داخله تتعلمي مش شهاده وخلاص كله بينحجع وكله بيتساوي بس في واحد اتعلم وواحد اخد شهاده علقها فالصالون وبعدين حيخفيها لان اي حد متعلم حيكشف انه جاهل بجد في مليون دبلومه ممكن تعمليها ومليون وسيله للتعليم بس لو انتي بجد نويتي عالدبلومه دي يبقي اتمتعي بالدراسه متجريش ورا سوق من الناس الي بتجري وخلاص انتي حتبقي طالبه دراسات عليا فاهماني انا مستعده للرد علي اي سؤال وادعيلي اتوفق لان النتيجه قربت خلاص يارب معايا ومعاكي ومع كل اللي زينا |
مشاركة: ممكن اعرف معلومات عن دبلومة المحاسبه
الأستاذة رحاب ممكن اعرف انتى بتتكلمى على دبلومة المحاسبة فى اى جامعة
انا اخذت دبلوم مراجعة فى نفس سنة تخرجى 2005/2007 ومدة الدراسة سنتين فقط وانا دلوقتى فى سنة اولى دبلوم ضرائب جامعة عين شمس وليس هناك ما يسمى سنة عامة او يتم تحديد مواد معينة ,هناك مجموعة محددة من الدبلومات وانتى بتختارى منها البلومة التى تريديها صحيح ان هناك مواد متشابهة فى الأسماء بالنسبة للدبلومات جميعا وخاصة قسم المحاسبة واقصد هنا دبلومة التكاليف ودبلومة المراجعه ودبلومة الضرائب ودبلومة المحاسبة وايضا لايوجد او بمعنى ادق لم اسمع عن نظام الساعات المعتمدة او ان هناك اختيار فى المواد وانا اتكلم عن تجارة عين شمس ولا اعرف النظام فى اى كليات تجارة اخرى ولكن هناك درجات اعمال سنة وهى 5 درجات لكل مادة وكل مادة دكتورين بكتابين والأفضل طبعا ان يتم اخذ الدبلومة بعد التخرج فورا حتى تكون قوة الذاكرة والأستيعاب افضل وخصوصا اذا لم تكونى عملت بعد والله الموفق |
مشاركة: ممكن اعرف معلومات عن دبلومة المحاسبه
انا بتكلم عن دبلومه المحاسبه في جامعه القاهره
والي بتتقسم لمحاسبه او اداره او تامين والمحاسبه اول سنه عامله وسنه تانيه تخصص اما تخصص مراجعه دراسات جدوي تكاليف ضرائب ============= هي اسمها عامه دبلومه محاسبه جواها تخصصات في سنه 2 اما مراجعه او تخصص ضرائب او تكاليف المواد مختلفه في 2 وطبعا اولي المواد واحده لانها سنه عامه ولازم سنه فاصل بين سنه التخرج وسنه الدراسه وزي ما قلت ده نظام جامعه القاهره |
مشاركة: ممكن اعرف معلومات عن دبلومة المحاسبه
السلام عليكم الاول , على الرغم من انى اتلغبطت شوية بس معلومااااااااااتكم قيمة , بس سؤالى النظام بيبقى واحد فى جميع الجامعات يعنى نظام جامعة الزقازيق هيبقى زى القاهرة هيبقى زى المنصورة كده يعنى .
|
مشاركة: ممكن اعرف معلومات عن دبلومة المحاسبه
لا
واضح من نظام جحامعه القاهره اللي عرضته ونظام جامعه عين شمس اللي عرضته الاستازه مروه طه ان النظام مختلف بس برده في دبلوماتت مختلفه في دبلومه فالمحاسبه وجواها تخصصات كتير ودبلومه الاداره وجواها تخصصات كتير ودبلومه الدراسات المصرفيه اللي بتتاخد فعين شمس بس وتقريبا اقتصاد وعلوم سياسيه جامعه القاهره |
مشاركة: ممكن اعرف معلومات عن دبلومة المحاسبه
السلام عليكم ورحمه الله وبركاته اختى / رحاب طيب انا دلوقتى عايزة اخود دبلومةالدراسات المصرفيه وانا خريجة تجارة جامعة القاهرة قسم محاسبه الافضل انى اخودها فى جامعة عين شمس واللى فى اقتصاد وعلوم سياسية بالقاهرة ومتى يبداء التسجيل للدبلومات وربنا يجزيكى خيرا عنا والسلام عليكم ورحمه الله وبركاته |
مشاركة: ممكن اعرف معلومات عن دبلومة المحاسبه
الافضل انك تخديها فى جامعة عين شمس
|
مشاركة: ممكن اعرف معلومات عن دبلومة المحاسبه
نصيحه ابداي الدراسه فيها علي طول وربنا يوفقك
|
مشاركة: ممكن اعرف معلومات عن دبلومة المحاسبه
بسم الله الرحمن الرحيم
بالنسبة للدبلومة هى سنتين فى ذلك الحين (نظام قديم ) وتكون المواد الدراسية (6) مواد فى السنة والشروط ان يكون حاصل على بكالوريوس تجارة او مايعادلها ولاتحتاج الى تقدير وتكون الامتحانات فى نهاية كل عام تقريبا فى شهر 6 اما الدراسة فتبدا فى منتصف شهر 10 نصيحة اذا كنتى تقديرك جيد فاكثر فلابد ان تستغلى السنتين بتوع الدبلومة فى تمهيدى الماجستير وعلى فكرة المواد اللى انت اتدرسيها سواء فى الدبلومة او التمهيدى كلها درستيها فى الاربع سنوات وعلى فكرة مصاريف الدبلومة فى السنة 512 ج ممكنتوصل بسحب الملف الى 600 ج اما التمهيدى فهو 712 وممكن يصل الى 800 ج لمزيد من المعلومات ارجو التواصل محمد على _ تجارة الزقازيق طالب بتمهيدى الماجستير |
مشاركة: ممكن اعرف معلومات عن دبلومة المحاسبه
انا عندي سؤال انا مقيم في السعودية هل يشترط الحضور اي بمعنى هل يمكنني احضار الكتب ومذاكرتها مع نفسي وحضور الامتحانات فقط وجزاكم الله خيرا
|
مشاركة: ممكن اعرف معلومات عن دبلومة المحاسبه
ممكن اعرف ما هو الفرق بين تمهيدي ماجستير والدبلومة من الأخ محمد علي
|
مشاركة: ممكن اعرف معلومات عن دبلومة المحاسبه
شكرا للمعلومات القيمة
|
مشاركة: ممكن اعرف معلومات عن دبلومة المحاسبه
مشكوووووور والله يعطيك الف عافيه[hr]#ffff00[/hr]
طيب وبالنسبه للي متخرج من2004 وبيفكر يعمل الدبلومه المحاسبيه بس خايف لان المعلومات الدراسيه راح معظمها افيدوني |
مشاركة: ممكن اعرف معلومات عن دبلومة المحاسبه
السلام عليكم
انا قراءت الموضوع دا جميل بس مش فاهمه حاجه انا عايزه مساعدتكم لو سمحتم انا خريجة 2013 قسم محاسبه بس ازهر وبصراحه مش عارفه اعمل ايه ......وليه كلكم بتشكرو في دبلومة التكاليف ........... كمان معليشي هي الدبلومه دي ليها علاقه بتقدير التخرج اصلي ال اعرفه ان الدبلومه اعملها لو انا تقدير اقل من جيد علشان اسجل دراسات عليا |
| الساعة الآن 05:59 AM |
Powered by Nile-Tech® Copyright ©2000 - 2025