منتدى المحاسبين المصريين - امتحانات بنك مصر

منتدى المحاسبين المصريين (https://www.aliahmedali.com/forum/index.php)

- قسم محاسبة البنوك (https://www.aliahmedali.com/forum/forumdisplay.php?f=17)

- - امتحانات بنك مصر (https://www.aliahmedali.com/forum/showthread.php?t=4251)

امتحانات بنك مصر

ياريت اللي يعرف اي حاجه عن الامتحانات اللي بتكون في الجامعه الامريكيه يقولي على الاسئلة اللي بتيجي

مشاركة: امتحانات بنك مصر

الامتحان عبارة عن 110 اختيار
الامتحان مقسم الى اجزاء كما يلي :

الجزء الاول : اسئلة اختاري عن المحاسبة والاقتصاد والتسويق (50 سؤال )
الجزء الثاني : معلومات عامه ( 10) اسئلة
الجزء الثالث : انجليزي ... عبارة عن اختيرات وقطعتين تترجمهم , واحدة من انجليزي الى عربي والتانية من عربي الى انجليزي
الجزء الرابع : اختبارات ذكاء
الجزء الخامس : مواقف شخصية لو انت اتعرضتلها هاتعمل ايه

مشاركة: امتحانات بنك مصر

الجزء الاول : اسئلة عن المحاسبة والاقتصاد والتسويق

انا طبعاً مش هافتكر ال 50 شؤال
بس هاقوللك المواضيع اللي تذاكرها وهاحط نماذج للاسئلة اللي هافتكرها

1 - بالنسبة للمحاسبة :انت تذاكر اساسيات المحاسبة بتاعت سنة اولى ...... يعني تذاكر مكونات قائمة المركز المالي و قائمة الدخل وقائمة التدفقات النقدية .......... وتذاكر الخصم النقدي ........ ودي الاسئلة اللي انا افتكرتها ( طبعا مش بالترتيب بتاع اللامتحان )
وانا هاقول السؤال واجابته لاني مش فاكره الاختيارات بتاعت كل سؤال :

1- تزداد نسبة الرافعة المالية عندما :
الاجابة - تزيد نسبة الديون الى الاصول

2- معدل العائد على حقوق الملكية عبارة عن :
الاجابة - الربح مقسوما على حقوق الملكية
( خللي بالك ضمن الاختيارات فيه الربح على رأس المال عشان نتلخبط )

3 - اي من الاختيارات التالية من الاصول غير الملموسة :
الاجابة - العلامة التجارية

4 - قرار اصدار الاسهم والحصول على قروض من البنوك هو :
أ-قرار استثماري
ب- قرار تمويلي
ج- قرارتشغيلي
الاجابة : انا مش متأكدة ...... بس انا اخترت انه قرار تمويلي ......... ولو عايز تتأكد راجع قائمة التدفقات النقدية

5- صافي الدخل الناتخ من قائمة الدخل يذهب الى الميزانية ضمن :
أ-الاصول
ب-الخصوم
ج- حقوق الملكية
د- لا يذهب الى الميزانية
الاجابة -حقوق الملكية

6-اصدرت الشركة (س) فاتورة على الشركة (ص) بمبلغ 10000 جنية ثمن بضاعة ... وكانت الفاتورة بشروط
N/60- 2/10.......... وخلال 10 ايام فان الشركة (ص) ستحرر الفاتورة بمبلغ .............. جنية

الاجابة : اللي فهمته من الشروط ان ده خصم معناه ان الشركة ص هتاخذ خصم 2% لو تم السداد خلال 10 ايام
ولن تحصل على اي خصم لو تم السداد خلال ال 60 يوم ........
يعني الشركة ص هتاخد الخصم لانها هتدفع خلال 10 ايام ....
يبقي الفاتورة = 10000*98% = 9800 جنية

برضوا اتاكد من الاجابة

7- الايرادات والمصروفات تؤثر على الميزانية كما يلي :
الاجابة: الايرادات بتزود حقوق الملكية والمصروفات بتقلل حقوق الملكية

8 - النقدية تعتبر ضمن :
الاجابة : الاصول الجارية CURRENT ASSETS

9- اي من الآتي يعتبر خصوم :
أ- مصروف الفوائد
ب-الفائدة المستحة
ج- ايراد الفوائد
الاجابة : الفائدة المستحقة interest payable

10 - الخصوم هي :
الاجابة : التزام على المنشأة

11-لو الاصول نقصت ب 50000 و حقوق الملكية زادت ب 80000 ..... فان الخصوم :
أ- تزيد ب 30000
ب- تزيد ب 130000
ج- تقل ب30000
د- تقل ب 130000

الاجابة : تقل ب 130000

لأن :
الاصول = الخصوم + حقوق الملكية
-50000 = الخصوم + 80000
-50000 - 80000 = الخصوم
الخصوم = - 130000 ( بما انها سالب ..... اذاً الخصوم هتقل ب 130000 )

12 - قام شخصان بتأسيس شركة ودفعا مبلغ 1000000 نقدا ... فان هذه العملية ست}ثر على :
الاصول و حقوق الملكية

2- بالنسبة للاقتصاد :
تعرف المصطلحات الاقتصادية ...زي سعر الصرف و ميزان المدفوعات والموازنة العامة للدولة ... مثلا:

1- التضخم هو :
متوسط الارتفاع في السعر

2- البطالة السافرة هي :
بصراحة انا معرفش الاجابة ........ ابقى دور عليها

3- يتساوى الناتج المحلي الجمالي مع التاتج القومي الاجمالي في حالة :
الاجابة : عدم وجود اية تحويلات

4- تنص اتفاقية الجات على :
أ- تحرير سعر الصرف
ب- ازالة كافة الحواكز الجمركية
ج- تخفيض سعر الفائدة
د- ليس اي مما سبق

الاجابة : انا اخترت ليس ايا مما سبق ........ لان اتفاقية الجات تستهدف التخفيف من قيود التجارة الدولية و بخاصة القيود الكمية مثل تحديد كمية السلعة المستوردة و هو ما يعرف بنظام الحصص و قد تضمنت خفض الرسوم الجمركية على عدد من السلع.
اي ليس ازالة كافة الجواجز الجمركية

3- التسويق :
مثلاً :

1- المزيج التسويقي عبارة عن :
الاجابة : المنتج و السر واماكن التوزيع والترويج

2- اي من العناصر الاتية ليست من المزيج التسويقي :
الاجابة : التغليف

3- التسعير هو من اختصاصات :
أ- ادارة مالية
ب- ادارة المخازن
ج- ادارة التسويق

الجزء الثاني : معلومات عامة .....10 اسئلة ......:

1- المصري الذي حصل على جائزة نوبل مناصفة هو :

الاجابة : محمد البرادعي

2- مؤسس بنك مصر هو :

الاجابة : طلعت حرب

3- كم مرة اخذنا فيها كاس افريقيا :

الاجابة : 6 مرات

4- ما هي الوزارة الجديدة :

الاجابة : وزارة التضامن الاجتماعي

5- من هو رئيس البورصة الحالي :

الاجابة : ماجد شوقي

6- البنوك الحكومية المندمجة مؤخرا هي :

الاجابة : بنك مصر والقاهرة

7- الدولة التي تقع في اسيا واوروبا :

أ- الاردن

ب- لبنان

ج- سوريا

د- تركيا

الاجابة : مش متأكدة ........... بس انا اخترت تركيا

8 - منظمة البترول هي :

الاجابة : OPEAC

الاوبك

الجزء الثالث : الانجليزي

طبعاً مش فاكرة منه حاجة .......... راجع على الكلمات والجرامر ... وربنا معاك

الجزء الربع : اختبارات الذكاء :

دي عبارة عن فوازير معظمها رقمية ........ز بس سهلة ولذيذة .... وكلها اختيارات..... مثلاً :

1- ؟ - 32 - 16 - 8 - 4 - 2

والسؤال : ما هو الرقم اللي مكان علامة الاستفهام ؟

الاجابة : هتلاقي ان احنا ماشيين نضرب في 2 :

2 * 2= 4

2*4=8

2*8=16

2*16=32

2*32=64

يبقى الاجابة هي 64

2- ؟ - 9 - 7 - 5 - 3

السؤال : ما هو الرقم الذي يوضع بدل علامة الاستفهام ؟

الاجابة : هنلاحظ ان احنا ماشيين نزود 2

يبقى الرقم = 11

3- ؟ - 21 - 13 - 8- 5- 3

اسؤال : ما هو الرقم الذي يوضع بدل علامة الاستفهام :

الاجابة : هي 34 لان نلاحظ انه ماشي يزود الرقم اللي قبله يعني :

5+3=8

8+5=13

13+8=21

21+13=34

ومعظم الاسئلة من النوع ده

4 - اذا كان يتم غسيل 8 سيارات في 18 دقيقة ........... فكم سيارة يتم غسلها في 3 ساعة ؟

الاجابة :

اولاً : هنحول ال 18 دقيقة الى ساعات = 18 / 60 = 0.3 ساعة

ثانياً : نعمل المقص :

8 سيارات ___________________ 0.3 ساعة

س ______________________ 3 ساعة

الاجابة = (8*3) / 0.3 = 80 سيارة

5- ماهو الشكل الاقل تشابها بالاشكال الاخرى :

F N E Z A

الاجابة : هو حرف A

6- يقوم 10 افراد بطلاء 60 منزل في 120 يوم , فان 5 افراد سيقومون بطلاء 30 منزل في :

أ-60 يوم

ب_ 120 يوم

ج- 240 يوم

الاجابة : 120 يوم .......... على فكرة السؤال ده خدعة كبيرة خللي بالك منه

منقول

مشاركة: امتحانات بنك مصر

شوية اسئلة تانية ...........

أولاً- في المحاسبة :

1- التمويل قصير الاجل يتم من خلال :
أ- قروض من البنوك
ب- اصدار سندات
ج-اصدار اسهم
د-ائتمان تجاري

الاجابة : مش متأكدة ......... بس غالباً :ائتمان تجاري trade credit

2- تزداد المخاطرة في حالة :
أ- اصدار اسهم والالتزام بسداد الارباح
ب-الاقتراض والالتزام بسداد الفوائد
ج- اعادة استثمار الارباح التي حققتها الشركة

الاجابة : مش متأكدة قوي ...... بس غالباً :الاقتراض والالتزام بسداد الفوائد

ثانياً:الاقتصاد

1- ميزانية الدولة تشتمل على :
الاجابة : الانفاق العام والايرادات العامة

2-الكمية المطلوبة هي :
أ-الكمية المستهلكة
ب-الكمية المشتلراه
ج- الكمية التي يحتاجها الافراد
د-الكمية التي يرغب الافراد في شرائها ولديهم الاموال اللازمة لذلك

الاجابة :الكمية التي يرغب الافراد في شرائها ولديهم الاموال اللازمة لذلك

3- الكمية المعروضه هي :
الاجابة : الكمية التي يرغب المنتجون في بيعها بالسعر الحالي

4- سعر الصرف هو :
الاجابة : سعر العملة الوطنية مقابل العملة الاجنبية

ثالثاً:التسويق:

1-التسويق يتضمن :
أ-تسويق المنتجات
ب-تسويق الخدمات
ج-تسويق الافكار
د- كل ما سبق

الاجابة :كل ما سبق

2- اصعب نوع من انواع التسويق هو :
أ-تسويق المنتجات
ب-تسويق الخدمات
ج-تسويق الافكار

الاجابة :تسويق الافكار

3- الهدف من بحوث التسويق هو :
انا مش فاكرة الاختيارات ... لاني معرفتش اجاوب عليه

رابعاً:اختبارات الذكاء :

1- يناير
فبراير
ابريل
يوليو
نوفمبر
ابريل
اكتوبر
؟

السؤال : الشهر الذي يوضع بدل علامة الاستفهام حسب الترتيب السابق هو :
أ-مايو
ب- اغسطس
ج- ديسمبر
د- يونيو

مشاركة: امتحانات بنك مصر

مع العلم اني دخلت الامتحان بس كان من سنة ونصف وهي فعلا الاسئلة ديه بالضبط

تحياتي للجميع

مشاركة: امتحانات بنك مصر

ودي الانترفيو كمان
في المقابلة دي :
1- بيدخل كل 4 مع بعض هيقابلوا 4 اشخاص

2- السؤال بيتسأل مره واحده وكل واحد هيجاوب عليه بالدور

3- اول حاجه قالوا لهم عرف نفسك بالانجليزي intoduce your self
طبعا انت تكون حفظت ازاي تعرف نفسك بالانجليزي ........ يعني تقول

hi
.................my name is
i am 22 yers old
...........(تكتب المنطقه اللي انت ساكن فيها )..........i live in

i graduated from faculty of commerce , ain shams universty ,accounting department , at 2007 , result good
........( تكتب هواياتك انت )........i like travel , reading , & sport
thank you

طبعا ده مثلا ..... لكن انت لو عندك اي حاجه تحب تضيفها عن نفسك زي انك عامل دبلومه في المحاسبه مثلا او واخد كورس معين في الكمبيوتر او اللغه او حاصل على اي شهادات تدعمك تبقى تضيفها
وطبعا الكلام اللي تحته خط زي الجامعه وسنة التخرج والتقدير والعمر و الهوايات مختلف من واحد للتاني

4- سألوهم عن المحاسبه والمعلومات العامه ........... مثلا:

- من هو ملك الاردن
- تعرف ايه عن مشكلة دارفور

يعني تبقى عارف رؤساء الدول والعملات والوزراء و الاحداث الجاريه في الاخبار وكده يعني

- بالنسبه للمحاسبه كان الاسئله مثلا :
1- لو انت هاتأسس مزرعة دواجن ...... الميزانيه هتبقى عباره عن ايه ؟
طبعا هتقول الاصول تحتوي على :
مثلا المباني ., الدواجن , المزرعه ............وكده يعني
والخصوم ورأس المال يحتوي على ايه

2- لو انت اجرت المباني ايه الاختلاف عن لما تشتريها ؟
طبعا هتقول ان الاصول مش هيظهر فيها المباني وان قايمة الدخل هيظهر فيها مصروف الايجار .

و طبعا الاسئله في المقابلات الشخصيه مش ثابته يعني بتختلف .... كل 4 ليهم اسئله مختلفه ... يعني مش تحفظ سؤال المزرعه وملك الاردن وتروح بيها المقابله ........ فكر بقى في المشاريع المختلفه زي مكتب محامناه او عياده او شركة مقاولات ....... وكمان تعرف اساسيات المحاسبه ليكون النظام اتغير في المقابلات وتعرف المعلومات العامعه والاقتصاد
.بالاضافه انك تروح ببدله عشان المقابله دي بتعرف على شخصيتك والهيئه العامه وكده

مشاركة: امتحانات بنك مصر

مشكور يااستاذ وجزاك الله خيراا

مشاركة: امتحانات بنك مصر

بصراحه لو قعدت ادعيلك عمري كله مش هاقدر اوفيك حقك
كفيت ووفيت
جزاك الله خير واعطاك ماتتمناه وادخلك الجنه امين امين امين
بس انت كاتب منقول منين ...؟؟؟؟؟
واشتغلت ولا لا؟؟

مشاركة: امتحانات بنك مصر

انت ردت في المنتدي الثاني
برضو راجع اللامتحانات واي كيو هو هو الي في الامتحان

لا شكر علي واجب

تحياتي للجميع

مشاركة: امتحانات بنك مصر

ياناس يا عسل تيتو الرهيب وصل

مشاركة: امتحانات بنك مصر

مشكور على المعلومات المفيده

مشاركة: امتحانات بنك مصر

جزاك اللة كل خير شكرااااااااااااااااا

مشاركة: امتحانات بنك مصر

ربنا يبارك فيك ويجزيك عنا خير

مشاركة: امتحانات بنك مصر

اللهم اجعل هذا المجهود الرائع فى ميزان حسناتك ويجعلك من المقبولين وتنال شفلعة الحبيب محمد
الف شكر

مشاركة: امتحانات بنك مصر

اقتباس:

المشاركة الأصلية كتبت بواسطة 1accountant (المشاركة 17102)

شكراً علي المجهود .........

الامتحانات اتسربت .........

وشـــكـراليـــــــــك

تحياتــــــــي

(¯`•.¸¸.•´¯`•.¸¸.->[caps]Active[/caps]<-.¸¸.•´¯`•.¸¸.•´¯)

مشاركة: امتحانات بنك مصر

والله مشكور يا غالى . جزالك المولى خير

مشاركة: امتحانات بنك مصر

الامتحانات دي اتغيرت

مشاركة: امتحانات بنك مصر

1 عن معادلة الي بتقول الاصول =الالتزمات +حقوق الملكية
2 مجملالربح = المبيعات -تكلفة البضاعة المباعة
3 قائمة الدخل تعبر عن =المصروفات -الايردات
4 اي من الحاجات دة يعتبر خصوم = ودائع من العملاء
5 الناتج القومي
6 الناتج المحلي
7 البطالة السافرة
8 البطالة المقنعة
9 قرار اصدار السهم قرار استثماري
10 البنك الدولي : مساعدةالدول النامية
11 يتساوي الناتج المحلي مع الناتج القومي في حالعدم وجود اي تحويلات
بنسبة لل10 اسئلة بتاعت المعلوماتالعامة
1 منظمة البترول هي الاوبيك
2 من هو وزير المالية الدكتور بطرس غالي
3 كم وزارة في مصر 31 وزارة
4مين اللي اشتري عمرو افندي شركة سعودية
5 ماهو اطول نهر في العالم نهر الامزون
6 متي تم تاميم قناة السويس 1956
7 ايةمؤشر البروصة في مصر 30 casee
8 مين مؤسس بنك مصر طلعت حرب
9 كم عدد الدولالعضاء 5 دول
10 ا تفاقية اطرافها مصر وامريكا واسرائيل اتفاقة كويز
iq:
_4_8_13_?
ال حل طبعا رقم 19 لان المتسلسة بتزداد بسلس يعني كم مرة بتزيد رقم فنجمع 13 +6= 19

ادعولي ان ربنا يكرمني بالتعيين في البنك

مشاركة: امتحانات بنك مصر

accountant

بصراحه مش عارفه اقولك ايه
ده تسريب للامتحان واضح وصريح
خليهم يعتمدوا علي نفسهم شويه
انا عن نفسي اخدت الصدمه والحمد لله الواحد مر بسلام وبقي من جنود بنك مصر الافاضل
بس مع نظام التقديم الجديد
ياتري حيفضل الامتحانزي ما هو والا حيتغير؟؟؟؟؟؟
ايه رايك؟

مشاركة: امتحانات بنك مصر

اختبارات نار جدا

مشاركة: امتحانات بنك مصر

مازلا التقديم مستمر

مشاركة: امتحانات بنك مصر

ياعم كوكو فين الامتحانات انا عندى انترفيو
ربنا يجزيك عنا خير

مشاركة: امتحانات بنك مصر

مشكووووووووووووووور

مشاركة: امتحانات بنك مصر

حرام يا كوكو متخوفهمش
المهم التركيز
الثقه
والايمان بان اللي نصيبك فيه حتشوفيه
بس اعملوا اللي عليكم وتوكلوا علي الله

مشاركة: امتحانات بنك مصر

مشكوووووووووور

مشاركة: امتحانات بنك مصر

شكرا حقيقى موضوع جميل حتى لو الواحد مافكرش يتقدم لاى بنك

مشاركة: امتحانات بنك مصر

[siz

احلى سلام وتحية على المصراوية الجدعان
0127211322
e="4"][/size]

مشاركة: امتحانات بنك مصر

جزاك الله كل الخير انا عضوة جديدةبس بصراحة بستفيد جدا جدا من المنتدى الرائع دة وبصراحة انا كنت محتاجة الاسئلة دى جدا لان بعد ما اخلص فترة التدريب فى البنك هقدم فى الامتحان دة وربنا يسهل وربنا مع كل خريجى تجارة يا رب

مشاركة: امتحانات بنك مصر

1 Accountant
ماقدرش اقول غير جامد جداااااااااااا

مشاركة: امتحانات بنك مصر

شكرا جد بجد انت انسان فوق الوصف مش عارف اشكرك ازاى ربنا يوفقك يارب

مشاركة: امتحانات بنك مصر

[align=center][tabletext="width:70%;"][cell="filter:;"][align=center]ربنا يوفقك عن كل المستفيدين [/align][/cell][/tabletext][/align]

مشاركة: امتحانات بنك مصر

مشكووووووووووووووووووووووووووووووووور

مشاركة: امتحانات بنك مصر

مشكووووووووووووووووووووووووووووووووووووووووووووووو وووووووووووووور

مشاركة: امتحانات بنك مصر

معلومات جيدة جدا

مشاركة: امتحانات بنك مصر

[marq="3;right;3;scroll"]مرسى بجد ليك [/marq]

مشاركة: امتحانات بنك مصر

مع اني لسه بدرس في كليه تجاره انجلش بس والله انا استفدت من شرحك الوافي ده يا استاذ accountant1 وبجد بجد حضرتك حد جميل جدا وجزاك الله كل خير وربنا يارب يكتر من امثاللك لخدمه الناس

مشاركة: امتحانات بنك مصر

انا متشكره ليك خالص جزاك الله كل خير انا كنت فى متاهه وانت انقذتنى
شكرا

مشاركة: امتحانات بنك مصر