|
محاسبه الليموزين والنقل السياحي وتأجير السيارات
بسم الله الرحمن الرحيم
أود أن أشكر كل القائمين علي هذا المنتدي العظيم ,, ,اتمني من الله تعالي أن يجازيهم كل الخير .. الساده المحترمين أعضاء منتدي المحاسبين المصريين .. مما لا شك فيه أن محاسبه الليموزين والنقل السياحي وتأجير السيارات تمثل أهميه كبيره جدا ً خاصة في هذا العصر وللأسف الشديد لا توجد كتب محاسبه متخصصة في هذا المجال إلا القليل جدا ً .. لذا فأنا مستعد لأي استفسار أو سؤال خاص بهذا المجال .. فقط أترك سؤالك وسوف أقوم بإذن الله تعالي بالإجابة بالتفصيل عليه .. أخوكم في الله محاسب / عماد عبد اللطيف |
مشاركة: محاسبه الليموزين والنقل السياحي وتأجير السيارات
سؤالى فى قسم النقل السياحى وهو هل فى شركات السياحة ينفصل قسم النقل عن لشركة و تقوم الشركة بمحاسبة قسم النقل على التشغيلات التى قامت بها السيارات
|
مشاركة: محاسبه الليموزين والنقل السياحي وتأجير السيارات
بانتظار ردك
|
مشاركة: محاسبه الليموزين والنقل السياحي وتأجير السيارات
أه طبعا ً قسم السياحي بيكون ليه حساباته الخاصه والمنفصله نهائيا ً عن حسابات الليموزين والتأجير ..
فيه حالتين خد بالك منهم :- الأولي : كمثال تمتلك الشركه مجموعه من الفنادق او تقوم باستئجارها وتقوم الشركه بوضع عدد من الأوتوبيسات والسيارات الخاصه بالنقل السياحي بها في هذه الحاله أي إيراد هيدخل هيكون تابع للشركه نفسها .. وطبعا ً لازم أي تحرك يتم للسيارات دي يكون علي أمر شغل ومدون عليه تاريخ وساعه الدخول والخروج وخط السير وكذلك السعر دور المحاسب في الحاله الأولي :- بيجمع أوامر الشغل الخاصه بالسيارات التابعه للنقل وبيكون ليهم حسابات خاصه بعيده كل البعد ومنفصله عن الليموزين والتأجير وبناء ً علي هذه الحسابات نقدر نحدد بقا الايرادات والمصروفات .. تمام كده الثانيه : ان فيه شركات تانيه ممكن تطلب ان الشركه بتاعتنا هيا اللي تنفذ وخد بالك من كلمه تنفذ دي ( تنفذ الشغل بتاعها ) وفي هذه الحاله برده لازم يكون فيه اوامر شغل وبيتكتب برده السعر فيه دور المحاسب في الحاله التانيه :- بيجمع اوامر الشغل دي وبيعمل مطالبه او فاتوره وبيقدمها للشركه اللي تعاملت معاه وبيحتفظ بالصوره علشان يعمل القيد بتاعه أتمني ان أكون قد وفقت في توضيح ما تريد .. منتظر رد سيادتك أخوك محاسب / عماد عبد اللطيف |
مشاركة: محاسبه الليموزين والنقل السياحي وتأجير السيارات
يا باشا جزاك الله خيرا بس انا قصدى قسم النقل السياحى داخل شركة السياحى يعنى سيارات تمتلكها شركة السياحة تقوم بمل تشغيلاتها هو هنا دو محاسب النقل بالشركة هو عمل فاتورة لمطالبة قسم السياحة بها ولا نقوم بعمل قيد ثبات ايراد فقط فى نهاية الشهر.
|
مشاركة: محاسبه الليموزين والنقل السياحي وتأجير السيارات
بيعمل فاتوره وبيرفق فيها كافه أوامر الشغل وبيقدمها لقسم السياحه للمطالبه وبيحتفظ بالصوره عنده لعمل القيد المحاسبي ويكون بالشكل التالي :-
من حـ / مدينو شركات شقيقه ( قسم السياحه ) أو حـ / العملاء الي مذكورين حـ/ الإيـــــراد حـ / دائنون متنوعون ( ض.م ) وبعد السداد يكون القيد كالتالي من حـ / الصندوق الي حـ / دائنو شركات شقيقه ( قسم السياحه ) أو حـ / العملاء |
مشاركة: محاسبه الليموزين والنقل السياحي وتأجير السيارات
جزاك الله خيرا يعنى يتم السداد من قسم السياحة الى خزينة النقل .
|
مشاركة: محاسبه الليموزين والنقل السياحي وتأجير السيارات
عاوز اسال حضرتك انت شغال محاسب فين
|
مشاركة: محاسبه الليموزين والنقل السياحي وتأجير السيارات
|
مشاركة: محاسبه الليموزين والنقل السياحي وتأجير السيارات
لا و الله كل خير ان شاء الله على العموم انا ضيفتك
|
مشاركة: محاسبه الليموزين والنقل السياحي وتأجير السيارات
اقتباس:
مع احترامي في بس مشكلة في القيد ده وهو ان القيد بيكون من حـ / المدينين ( العملاء) الى مذكورين حـ/ الايراد حـ/ دائنون ( جاري ضرائب المبيعات) وضرائب المبيعات دي بتكون 10% من الايراد والعملاء بيكون مجموع الاتنين بالنسبة للسداد بيكون من من حـ/ الصندوق الى حـ/ العملاء وسداد ضرائب المبيعات من حـ/ جاري ضرائب المبيعات الى حـ / الصندوق ده لو كان السداد نقدي لان في اكتر من طريقة للسداد ممكن يكون نقدي وممكن يكون بشيك وتقبل احترامي سؤال عن تخصيم ال2% بالنسبة لنشاط النقل السياحي كيفية اثباتها في الدفاتر واصلا ليه بخصمها على شركات وشركات تانية مش بخصم عليها المبلغ ده؟؟ سؤال تاني بالنسبة لسداد ضرائب المبيعات ازاي يكون للمنشأة رصيد عند ضرائب المبيعات؟؟ |
مشاركة: محاسبه الليموزين والنقل السياحي وتأجير السيارات
طيب ايه بقا الغلط في القيد طيب ما كده يبقي هوه هوه
انا مش شايف فيه فرق نهائيا ً ... لا سيما الصيغه بس اللي اتختلف من شركه لشركه ياعني انا كاتب ( دائنون متنوعون ) ض.م اللي اقصد بيها ضراشب المبيعات انته كتبت جاري الضرائب ايه الفرق بقا ؟؟؟ ثانيا ً انا بقول من حـ / مدينو شركات شقيقه السياحه دا في حاله ان انا دلوقتي في دفاتر النقل السياحي والفلوس دي بتخص ايرادات السياحه يبقي بحمل الايراد دا علي شركه السياحه وبعد السداد بروح دفاتر شركه السياحه وأقول من حـ / الصندوق لان الفلوس دخلت قسم السياحه واقفل بقا حساب النقل بقول الي حـ / دائنو شركات شقيقه ( النقل السياحي ) الخصم بقا 2 % اللي تقصده دا ضريبه الخصم من المنبع دا قصدك ؟؟؟ |
مشاركة: محاسبه الليموزين والنقل السياحي وتأجير السيارات
معلشي يا باشا متنساش برده ان انا كاتب في القيد كلمه أو حـ / العملاء لو هتحملها علي عملاء اللي هما شركات خدم منك انته سيارات تنفذ شغل خاص بيهم هما
|
مشاركة: محاسبه الليموزين والنقل السياحي وتأجير السيارات
على فكرة انا مش تعليقي على ضرائب المبيعات انا تعليقي على قفل الحساب المفروض ان قفل الحساب بيكون من نفس وجهة النظر عشان اقفله بقلب المدين داين والداين مدين يعني انت قولت من حـ / مدينو شركات شقيقه ( قسم السياحه ) أو حـ / العملاء
الي مذكورين حـ/ الإيـــــراد حـ / دائنون متنوعون ( ض.م ) ولما قفلته قولتمن حـ / الصندوق الي حـ / دائنو شركات شقيقه ( قسم السياحه ) أو حـ / العملاء وقولت ان ده من وجهة نظر قسم السياحة اللي اقصده ان قفل القيد بيكون في السداد وهو من حـ/ الصندوق الي حـ المدينين او العملاء ده قيد السداد لكن لو على قسم السياحة فبيكون في التسجيل بتاعه بحمله على المصروف وبقول من حـ/ مصروف النشاط الى حـ/ دائنين وهو قسم النقل السياحي وعند السداد بقفل القيد وبقول من حـ/ الدائنين قسم النقل السياحي مثلا الى حـ/ الصندوق وتقبل احترامي لكن بالنسبة للخصم اللي قولتلك عليه هو تخصيم المنبع او التخصيم اللي انا بخصمه عليهم؟؟ |
مشاركة: محاسبه الليموزين والنقل السياحي وتأجير السيارات
دا وجهه نظرك وشكرا ً علي التوضيح بس برده هيا هيا !! بس كل الموضوع اني مجبتش سيره قفل القيد انا كتب القيد في دفاتر النقل ودفاتر السياحه وقيد تالت وهو السداد
|
مشاركة: محاسبه الليموزين والنقل السياحي وتأجير السيارات
وممكن نستعين بالاخ Hoss لتوضيح الأمر خاصه انه يعمل في مجال نالقل ومتخصص فيه
|
مشاركة: محاسبه الليموزين والنقل السياحي وتأجير السيارات
مع احترامى و تقديرى للاستاذ mo2menfحضرتك ما اضافتش جديد بمداخلتك لان حضرتك كررت نفس القيد بتاع الاستاذ عماد و لو كان عند حضرتك اضافة يا ريت توضحها بطريقة اخرى و جزاك الله خيرا
|
مشاركة: محاسبه الليموزين والنقل السياحي وتأجير السيارات
اقتباس:
وبعد السداد يكون القيد كالتالي من حـ / الصندوق الي حـ / دائنو شركات شقيقه ( قسم السياحه ) أو حـ / العملاء اللي انا شايفه ان كل القيود اللي اتذكرت هو القيد السابق ده والقيد ده برده من حـ / مدينو شركات شقيقه ( قسم السياحه ) أو حـ / العملاء الي مذكورين حـ/ الإيـــــراد حـ / دائنون متنوعون ( ض.م ) طب ولما الاستحقاق في دفاتر قسم السياحة او العملاء بتتثت ازاي؟؟ ولما اقفل قيد الاستحقاق في دفاتر النقل السياحي بيتقفل ازاي؟؟ وقيد سداد مصلحة الضرائب ازاي؟؟ ولو افترضنا ان بدل قسم السياحة عملاء يعني عميل بره الشركة ازاي هو هايثبت القيود دي في دفاتره؟؟ وجزانا واياكم |
مشاركة: محاسبه الليموزين والنقل السياحي وتأجير السيارات
النقل السياحى الداخلى لشركة السياحة
تتم المعالجة المحاسبيةكالاتى بعد عمل فاتورة الايراد مضاف عليها 10%ض.ع يتم عمل قيد استحقاق(لو قسم السياحة) من ح/مصروفات سياحة(نقل سياحة مملوك) يتم تحميل قيمة الاتورة على الملفات (المجموعات السياحية) الى ح/ايرادات النقل السياحى الى ح/دائنون متنوعون ض.ع لو عملاء خارجيين من ح/العملاء الى ح /ايرادات النقلالسياحى الى ح/دائنون متنوعون السداد من ح / الخزينة من ح/ضرائب المنبع 2% الى ح /العملاء النقل السياحى |
مشاركة: محاسبه الليموزين والنقل السياحي وتأجير السيارات
والله يا مؤمن انته كلامك صح انا بس غلطتي اني بدل ما أقول
القيد المقابل كتب عن طريق الخطأ قيد السداد انته كلامك مظبوط ودا قيد عادي جدا ً خلي عند روح محاسبيه !! |
مشاركة: محاسبه الليموزين والنقل السياحي وتأجير السيارات
قيد استحقاق السياحه
من حـ / مدينو شركات شقيقه ( النقل السياحي ) الي مذكورين حـ / الايراد حـ / الضرائب السداد من حـ / الصندوق الي حـ / دائونوا شركات شقيقه يعني يعتبر حساب مدينوا ودائنوا دا حساب وسيط لحين السداد وكان القيد بيقول من حـ / الصندوق الي ح/ الايراد ح / الضرائب بس النقل بيقول ان الفلوس دي بتخص السياحه وايرادات السياحه |
مشاركة: محاسبه الليموزين والنقل السياحي وتأجير السيارات
بعدين ازاي بالعقل كدا هيكون فيه استحقاق في السياحه واستحقاق في النقل !!!!؟؟؟ هيا شركه واحده بتعمل استحقاق وشركه تانيه للسداد او شركه واحده تعلق الواتير علي حسابات العملاء وبعد كدهه السداد كمثال لو عملاء
هتكون القيد كالأتي في اي شركه بقا مش هتفرق من حـ / العملاء الي مذكورين حـ / الايراد حـ / الضرائب ولما تحصل الفلوس هتقول من حـ / الصندوق الي حـ / العملاء خلصت الحكايه |
مشاركة: محاسبه الليموزين والنقل السياحي وتأجير السيارات
اللي مجنني ازاي اعمل قيدين استحقاق في الشركتين !!! وشركه واحده بس هيا اللي تحصل من الشركه التانيه افهماها لاما اروح اذاكر مدين ودائن تاني وافتح محل كشري
|
مشاركة: محاسبه الليموزين والنقل السياحي وتأجير السيارات
ومعلشي في غلطه انا غلطتها
اني لما قفلت الحساب قولت الي حـ / دائنوا ش,شقيقه السياحه وطبعا ً كنت المفروض أقول النقل السياحي غلطه مطبعيه |
مشاركة: محاسبه الليموزين والنقل السياحي وتأجير السيارات
يا باشا اولا قيد الاستحقاق بيتعمل مرة واحدة و بقفلة عند السداد طبيعى الكلام دا جدا
مثال فاتورة نقل لشركة ....... شامل ضريبة المبيعات 1000 قيد استحقاق 1000 من ح/ مدينو شركات شقيقة 900 الى ح/ايرادات النقل السياحى 100 الى ح/دائنون متنوعون سداد من ح/دائنون متنوعون من ح/الخزينة الى ح/دائنو شركات شقيقة(عملاء) |
مشاركة: محاسبه الليموزين والنقل السياحي وتأجير السيارات
الله ينور عليك يا حسام هوه دا الكلام المظبوط
|
مشاركة: محاسبه الليموزين والنقل السياحي وتأجير السيارات
اقتباس:
طب الحمد لله انك اقتنعت بس على فكرة انا كان غرضي اني انبهك بس مش اكتر على العموم ياباشا ادينا بنتعلم وكلنا بنتعلم وبالنسبة لروح المحاسبة خد بقى السؤال ده قابلني في مركز مالي لشركة وعلى فكرة قعدنا انا وزمايلي نفكر فيه شويتين عندي شركة البنك جابلها اتوبيس بنظام التأجير التمويلي كيفية اثبات التأجير ده بقى في الدفاتر؟ |
مشاركة: محاسبه الليموزين والنقل السياحي وتأجير السيارات
أولا ً أسف علي التأخير لوجود ظروف خاصه جدا ً جدا ً جدا ً إدعولي ربنا ييسرها ليا .. آمين
بص يا سيدي القيود من وجهه نظر الشركه اللي البنك اشترلها أتوبيس ... من حــ / الأصل ( الأتوبيس ) إلى حـ/ دائنو التمويل التاجيري (اللي هوه البنك ) وطبعا ً بيتحسب ليها إهلاك عادي كأي أصل زي ما انته عارف .. المهم بقا في السداد بيكون القيد كالأتي :- من حـ / دائنو التمويل التأجيري ( البنك ) الي حـ / الصندوق في نهايه السنه بقا يا سيدي من حـ / الإهلاك الي حـ / الأصل ( الأتوبيس ) ومتنساش شروط العقد اللي بين الشركه والبنك واللي بتوضح قيمه الإيجار والفوائد واي خدمه يا باشا وأسف مره تانيه علي الـــتأخير .. ومتنساش تدعيلي |
مشاركة: محاسبه الليموزين والنقل السياحي وتأجير السيارات
اقتباس:
اولا ربنا يكرمك ويوفقك ويوفقنا كلنا يارب العالمين ثانيا بقى ياباشا الاجابة غلط قول ليه اقولك انا ليه بقى اولا انا مقدرش اثبت الاتوبيس دلوقتي على اصول الشركة لانه اصلا بيبقى موجود في رخصة الاتوبيس ده مع حفظ الملكية للبنك يعني بيكون مملوك للبنك فكر بقى شوية في الموضوع ده وخد وقتك هو ممكن القيد بتاعك ده اثبت بيه الاصل بعد لما اخلص الاقشاط دي كلها واخد قيمة من البنك بالاصل ساعتها اقدر اثبت الاتوبيس ضمن الاصول واديني سهلتهالك |
مشاركة: محاسبه الليموزين والنقل السياحي وتأجير السيارات
ماشي همشي معاك واحده واحده انته مش قولت ان البنك جاب للشركه الأتوبيس ؟؟
طيب كده كده الاتوبيس دا هيعتبر أصل مؤجر وهيثبت كاصل وانا قايل في القيد الطرف الدائن دائنو التمويل التأجيري وقيد السداد اقصد بيه قيمه القسط ولو عملت بحث عن الـتأجير التمويلي علي جوجل هيظهرك نتائج لبعض المنتديات ياريت تبص بصه وهتلاقي كلامي صح .. شكرا ً ليك |
مشاركة: محاسبه الليموزين والنقل السياحي وتأجير السيارات
وانته برده كلامك صح ان الاتوبيس هيفضل مملوك للبنك لحين سداد الأقساط علي اساس انه ضمان حق البنك مش أكتر .. بس برده بص علي جوجل
|
مشاركة: محاسبه الليموزين والنقل السياحي وتأجير السيارات
أرجو منك
أفادتى بكيفية عمل الحسابات الخاصة بشركات الليمو زين علي ان توضح البنود الاساسية الخاصة بهذا النشاط من مصاريف و أنواعه و الايرادات و أنواعة و كيفية عمل الحسابات اللازمة لهذا النشاط للوقوف على مستوى الشركة المالى و دخلها و عمل القيود اللازمة لهذا النشاط يعني من الاخر كدة هيكل حسابي لشركة ليموزين ارجو منك افادتي بالتفصيل وشكرا |
مشاركة: محاسبه الليموزين والنقل السياحي وتأجير السيارات
بص يا باشا ضفني علي الماسنجر وهفيدك أكتر
[email protected] |
مشاركة: محاسبه الليموزين والنقل السياحي وتأجير السيارات
اقتباس:
نتمني أن تعد ملف منسق عن محاسبة النقل السياحي فيه خلاصة خبرتك يكون بصيغة ورد حتي يتسني لنا الاستفادة منه |
مشاركة: محاسبه الليموزين والنقل السياحي وتأجير السيارات
سلام عليكم
انا طالبه تدريب عملي عندي سؤال هل لديكم مشكله محاسبيه بالبيانات الفعليه؟ شاكره حسن تعاونكم |
مشاركة: محاسبه الليموزين والنقل السياحي وتأجير السيارات
اللهم صلي وسلم و بارك على سيدنا محمد و على آله و صحبه أجمعين ومن تبعه بإحسان إلى يوم الدين
|
مشاركة: محاسبه الليموزين والنقل السياحي وتأجير السيارات
جزاك الله خيراً على الإهتمام بتعلم العلم وتعليمه ونشره
أما سؤالي فهو عن تكوين نظام محاسبي لشركة نقل أموال البنوك وللتبسيط هي شركة نقل لديها عدد من السيارات المخصصة لنقل الأموال بين فروع البنك وإدارته والبنك المركزي ما هو النظام المناسب محاسبياً والدورة الدفترية والمستندية لمثل هذا النشاط مع الشكر الجزيل |
مشاركة: محاسبه الليموزين والنقل السياحي وتأجير السيارات
على قكرة دية اول مشاركة لى فى هذا المنتدى الرائع جزاكم اللة كل خير انا محاسب فى شركة نقل سياحى جديدة عاوز اعرف الدورة المستندية ؛انواع السجلات المحاسبية؛ القيود المحاسبية وياريت يا اخ عماد بالتفصيل
|
مشاركة: محاسبه الليموزين والنقل السياحي وتأجير السيارات
السلام عليكم
أود أن أعرف الدورة المستندية الخاصة بشركات النقل السياحي بمعنى (المستدات المستخدمة بالتشغيل وشكل التسجل المحاسبي |
مشاركة: محاسبه الليموزين والنقل السياحي وتأجير السيارات
السلام عليكم انا عندى سؤال حول كيفية اعداد دورة مستندية لشركة سياحة
|
| الساعة الآن 05:38 AM |
Powered by Nile-Tech® Copyright ©2000 - 2025