منتدى المحاسبين المصريين

منتدى المحاسبين المصريين (https://www.aliahmedali.com/forum/index.php)
-   قسم الضريبة على القيمة المضافة والمبيعات (https://www.aliahmedali.com/forum/forumdisplay.php?f=5)
-   -   الاستيراد والتصدير (https://www.aliahmedali.com/forum/showthread.php?t=3478)

mody mody 12-06-2008 01:12 PM

الاستيراد والتصدير
 
الاستفسار عن القيمة المضافة
كيفية ادراج قيمة راسائل الاستيراد فى الاقرار الضريبى
هل يتم ادراجها بقيمة الغطاء النقدى مضافا اليها المصروفات الاخرى
ولى يتم رد قيمة ضريبة المبيعات المدرجة بالشهادة

بيدو@ميدو 02-18-2009 04:34 PM

مشاركة: الاستيراد والتصدير
 
مشكووووووووووووووووووووووووووووور

sasa 02-18-2009 05:58 PM

مشاركة: الاستيراد والتصدير
 
يتم ادراج قيمة الرسالة (القيمة النهائية) مضافا اليها قيمة الجمارك

eskandrany 02-22-2009 01:11 AM

مشاركة: الاستيراد والتصدير
 
ما يتم إدراجه في الاقرار هو وعاء ضريبة المبيعات وهو عبارة عن قيمة البضاعة + رسم الوارد فقط وليس الرسوم الجمركية جميعها

ZICO 02-26-2009 11:48 PM

مشاركة: الاستيراد والتصدير
 
هل الاستيراد برسم المنطقة الحره للسلع التى لا ترد على الحصة الاستيرادية خاضعة لضريبة المبيعات المرحلة 2 و3

walidhassan 04-02-2009 12:45 AM

مشاركة: الاستيراد والتصدير
 
هل يتم تسجيل مستندات الشحن والتفريغ ضمن مصروفات المشتريات الخارجية اذا كان التعاقد cif مع العل ان مستندات الشحن بأسم الشركة المستوردة

titoelfoly 05-30-2009 01:18 AM

مشاركة: الاستيراد والتصدير
 
تقضى الفقره الثانيه من الماده 11 من القانون " على انه بالنسبه للسلع المستورده من الخارج تحدد قيمتها على اساس القيمه المتخذه اساسا للضريبه الجمركيه مضاف اليها الضريبه الجمركيه والضرائب والرسوم الاخرى المفروضه على السلعه "
ومن هنا لابد ان نعرف ماهى القيمه المتخذه اساسا لحساب الضريبه الجمركيه هذه القيمه تسمىcif ومعناها ان جميع التكاليف التى تحمل بها السلعه المستورده بها حتى ميناء الوصول مثال ذلك مصاريف المشال والنولون وعموله وكلاء الشراء
اما الضرائب والرسوم الاخرى مثل رسم الدعم ورسوم التخزين و الرسم البيطرى والتحاليل

وكيف يمكننا تحديد الوعاء الخاضع للضريبه :-

القيمه المتخذه اساسا لحساب الضريبه الجمركيه
يضاف اليها الضريبه الجمركيه = cif * سعر الضريبه الجمركيه
يضاف اليها الضرائب والرسوم الاخرى
ــــــــــــــــــــــــــــــــــــــــــــــــــ ــــــــــــــــــ
الوعاء الخاضع للضريبه
x
سعر الضريبه
ــــــــــــــــــــــــــــــــــــــــــــــــــ ـــــــــــــــــ
الضريبه على المبيعات

وهذا المثال للايضاح

بفرض ان ممول مسجل قام باستيراد سلعه من الخارج قيمتها 120000 ومصاريف الشحن والتفريغ 2000 و النولون 3000 وعموله وكلاء الشراء 10000 وعند وصول السلعه ميناء الوصول تحمل الممول مصاريف نقل وتفريغ وتخزين السلعه فى المخازن التابعه له مبلغ 6000 وكانت الضرائب و الرسوم الاخرى 20000 الخاصه بمصلحه الجمارك وكان سعر الضريبه الجمركيه 20% وسعر الضريبه على المبيعات 10%

المطلوب

1- تحديد الوعاء الخاضع للضريبه و القيود اليوميه فى دفاتر المستورد
2- بفرض انا الممول قام قام بوضع هامش ربح 15% على القيمه الاستيراديه وذلك تقيما للقيمه البيعيه للسلعه و انه قام ببيع 50% من قيمه السلعه فى شهر يناير وعلى ان تبقى القيمه المتبقيه للبيع فى شهر فبراير المطلوب ايضاح هذه العمليه محاسبيا وتاثيرها فى اقرار الممول فى شهر يناير وفبراير .

الاجابه

اولا :- تحديد الوعاء الخاضع للضريبه

قيمه الرساله = 120000
النولون = 3000
مصاريف الشحن والتفريغ = 2000
عموله وكلاء البيع = 10000
ـــــــــــــــــــــــــــــــ
القيمه المتخذه اساسا لحساب الضريبه الجمركيه = 135000
يضاف ضريبه جمركيه = 135000*20% = 27000
يضاف رسوم وضرائب اخرى = 20000
ــــــــــــــــــــــــــــــــــــــــــــــــــ
الوعاء الخضع للضريبه = 182000
X
سعر الضــــــــــــريبه = 10%
ــــــــــــــــــــــــــــــــــــــــــــــ
ضريبه المبيعات = 18200

التسجيل فى دفاتر المستورد

القيد كلاتى

182000 من حــ/ المشتريات الخارجيه " القيمه الاستيراديه
18200 من حـــ/ جاى مصلحه الضرائب

200200 الى حــ/ البنك
ثانيا :- نظرا لان الممول قام بتقيم ت السلعه ووضع قيمه بيعيه لها عن طرق اضافه هامش ربح على التكلفه لابد من تحديد القيمه البيعيه التى باع بها الممول وهى كلاتى

القيمه البيعيه = "القيمه الاستيراديه + مصاريف المحمله على السلعه داخل البلاد " + ماسبق * هامش الربح

اذا القيمه البيعيه ="182000+ 6000 " + 188000 * 15% = 216200
ونظر لان المستورد قام ببيع 50% من قيمه البضاعه وهى 108100

تاثير عمليه البيع فى اقرار شهر يناير :-
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ

المبيعات ضريبه م
108100 10810
المشتريات ضريبه م
182000 18200


الضريبه المستحقه " (7390) " رصيد دائن
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

تاثير عمليه بيع باقى قيمه السلعه المستورده فى اقرار شهر فبراير

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ

المبيعات ضريبه م
108100 10810
المشتريات ضريبه م
لايوجد لايوجد

الضريبه المستحقه " 10810 "

رصيد دائن سابق = 7390
الضريبه المسدده =3420
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــ
ومن هنا نجد انه يمكن للمستورد خصم الضريبه التى تم سدادها عند الافراج الجمركى بمجرد اتمام عمليه البيع الاول للسلعه المستورده وهذا ما وضحه المثال


ارجو من الله ومنكم فى ان اكون قد وفقت فى عرض السياسات الضريبيه التى تتخذ لتحديد الوعاء الخاضع للضريبه على السلع المستورده .

حسام الفولى " محاسب قانونى وخبير ضرائب " لو حد عنده اى استفسار بخصوص ضرائب المبيعات عيونى لكم تحياتى لكم بالتوفيق

" برجاء الرد "

BAHHA 06-01-2009 03:50 PM

مشاركة: الاستيراد والتصدير
 
اسمح لي ابدي اعجابي بقلمك وتميزك واسلوبك الراقي وتالقك

ياسر عيد خليل عياد 06-03-2009 08:46 AM

مشاركة: الاستيراد والتصدير
 
متشكرين يااخي وجزالك الله خيرا

ahmedalsyed72 06-05-2009 05:29 PM

مشاركة: الاستيراد والتصدير
 
السلام عليكم
تحياتى للأخ صاحب المثال الرقمى وله جهد مشكور ولكنه اخطأ فى حساب اضريبة المبيعات التى سوف تسدد فى الجمارك
حيث ان وعاء ضريبة المبيعات = القيمه النهائيه + رسم الوارد او الضريبه الجمركيه ولايضاف اية رسوم اوضرائب اخرى اى ان وعاء الضريبه 162000 وليس 182000 والضريبه 16200
والقيمه النهائيه = القيمه المتخذه لحساب الضريبه الجمركيه
تحياتى للأستاذ حسام
احمد السيد

titoelfoly 06-20-2009 01:04 PM

مشاركة: الاستيراد والتصدير
 
انا اسف اقراء الفقره 2 من الماده 11 تلقى انى الوعاء الخاضع للضريبه القيمه المتخذه اساسا فى حساب الضريبه الجمركيه cif يضاف اليها الضريبه الجمركيه والرسوم والضرائب الاخرى . انا عارف انى منطقق صحيح 100% لكن القانون كده وانا اطالب مشريعى القانون فى تعديل هذه الماده حيث ليس من الصحيح حساب ضريبه على ضريبه وممكن يكون الماده اتعدلت وانا مش عارف لو اتعدلت ارفع التعديل . ارجو الرد سريعا

ياسمين حلمى شافع 07-10-2009 12:55 AM

مشاركة: الاستيراد والتصدير
 
تدرج الرسائل الاستيراديه فى الاقرار الضريبى برد قيمة ضريبة المبيعات المخصومةفى الجمارك
وهذا على حد علمى

محمد عبدالستار 07-11-2009 10:37 AM

مشاركة: الاستيراد والتصدير
 
السلام عليكم ورحمة الله انا اعتقد ان ضريبة المبيعات المستحقة هنا هى عباره عن قيمة السلعة * فئة الضريبة120000*.1 = 12000

titoelfoly 07-27-2009 10:05 AM

مشاركة: الاستيراد والتصدير
 
يا استاذ احمد قراءت الماده ولا لسه على فكره الزملاء شكلهم مش عارفين حاجه وحنا كده بنشتتهم علشان كل واحد منا ليه راى انا على فكره مليش راى القانون هو الفيصل يا جماعه قراءوا الماده 11 من القانون وخاصه الفقره الثانيه وشكرا

ahmedalsyed72 07-27-2009 05:28 PM

مشاركة: الاستيراد والتصدير
 
اقتباس:

المشاركة الأصلية كتبت بواسطة titoelfoly (المشاركة 33966)
يا استاذ احمد قراءت الماده ولا لسه على فكره الزملاء شكلهم مش عارفين حاجه وحنا كده بنشتتهم علشان كل واحد منا ليه راى انا على فكره مليش راى القانون هو الفيصل يا جماعه قراءوا الماده 11 من القانون وخاصه الفقره الثانيه وشكرا

السلام عليكم ورحمة الله وبركاته
الأستاذ حسام خالص تحياتى لسيادتكم اولا بالنسبه لقراءة الماده فقد قرأتها وقرأت الماده 6 من اللأئحه واطلب من سيادتك قراءة القرار الوزارى رقم 967 لسنة 2002 وهو خاص بتعديل البند 7 من الماده 6 من اللأئحه التنفيذيه رجاء مراجعته
واود ان اسأل سيادتكم هل قمت بفحص استيراد ؟؟ وهل طلبت الفاحص بما تطلبه الأن ؟ وكيف تقوم بقييد المشتريات المستورده بدفاترك
هل كنت تدرج ال 1% سابقا وال 0.5% حاليا ( ارباح تجاريه وصناعيه ) المسدده بالجمارك ضمن تكلفتك طبقا لنص الماده 11 من القانون
كذلك اعتب عليك قول (الزملاء مش عارفين حاجه) فذلك لايصح من زميل لزملائه حتى وان كان صحيح فمن منا يعرف كل شىء ( وما اوتيتم من العلم الا قليلا )
واسمح لى ان سيادتكم من يؤدى تشتيت الزملاء برأى انت لا تقوم بطلبه فى اى فحص
اسف على الأطاله واعتذر ان كنت حاد ولكنها نصيحه من اخ
وشكرا
احمد السيد

أحمد فاروق سيد حسنين 07-27-2009 09:41 PM

مشاركة: الاستيراد والتصدير
 
اقتباس:

المشاركة الأصلية كتبت بواسطة titoelfoly (المشاركة 33966)
يا استاذ احمد قراءت الماده ولا لسه على فكره الزملاء شكلهم مش عارفين حاجه وحنا كده بنشتتهم علشان كل واحد منا ليه راى انا على فكره مليش راى القانون هو الفيصل يا جماعه قراءوا الماده 11 من القانون وخاصه الفقره الثانيه وشكرا

بسم الله الرحمن الرحيم

- رجاء عرض الآراء بدون تجريح فى الزملاء

- و نحن كنا و مازلنا نتعلم و نفتخر بذلك

- و إن كان الدليل مع أحد منا .... فبها و نعم

- المنتدى لتبادل الخبرات و المعلومات و زيادة الوعى

و أختلاف الرأى لا يفسد للود فضية

و السلام عليكم و رحمة الله و بركاته


titoelfoly 08-11-2009 02:48 PM

مشاركة: الاستيراد والتصدير
 
على فكره انا اسف بس انا مش بقصد التجريح كل واحد براى وانا قولت انى لست بفليسوف ولاعالم من علماء المحاسبه وانتم تظلمونى انا ليس من حقى ان اجرح الناس انى قولت عليهم مش فهمين او مش عارفين جايز كل واحد له راى شخصى وان تدلى برايك متى لم يكن نص او اجراء موضوع او ما شبه ذلك انا احسبها مصيبه وان كانت الماده قد تغيرت فان مليش ذنب لانى مقراءتهاش وانا مش فاهم النسب الى حضرتك حاطتها ديه خصم من الصفقه ويورد لمصلحه الضرائب من خلال مصلحه الجمارك والله عارف حضرتك قولتها عاشان مش موجوده فى المثال ولا ايه انا مش فاهم وكمان لما تجى تقيد قيمه الرساله فى دفاترك بالتكلفه والخصم ده لابد وان يدرج ضمن التكلفه بس مش موجود فى المثال هوانا لازم اجيب كل حاجه خلاص انا اوعد الناس انى عحط مثال شامل ومعلاجات تحليله دقيقه لنطرح الموضوع باستفاضه وعاشان مفيش حد يكون عنده اى شك فى الحل وانا ارجو تقول ايه رايك فى هذا ياجماعه لو حد زعل منى ميزعلش انا مكنتش اقصد اجرحكم

Zaki Farouk Aiad 08-12-2009 08:59 AM

مشاركة: الاستيراد والتصدير
 
اقتباس:

المشاركة الأصلية كتبت بواسطة ahmedalsyed72 (المشاركة 28577)
السلام عليكم
تحياتى للأخ صاحب المثال الرقمى وله جهد مشكور ولكنه اخطأ فى حساب اضريبة المبيعات التى سوف تسدد فى الجمارك
حيث ان وعاء ضريبة المبيعات = القيمه النهائيه + رسم الوارد او الضريبه الجمركيه ولايضاف اية رسوم اوضرائب اخرى اى ان وعاء الضريبه 162000 وليس 182000 والضريبه 16200
والقيمه النهائيه = القيمه المتخذه لحساب الضريبه الجمركيه
تحياتى للأستاذ حسام
احمد السيد رئيس مجموعة فحص بضرائب المبيعات

السيد الاستاذ/ احمد السيد
بعد التحية
شكرا يااخى على توضيحك
والاستاذ حسام جانبه التوفيق فعلا وراى حضرتك هو الصواب

Zaki Farouk Aiad 08-12-2009 09:18 AM

مشاركة: الاستيراد والتصدير
 
اقتباس:

المشاركة الأصلية كتبت بواسطة mody mody (المشاركة 13873)
الاستفسار عن القيمة المضافة
كيفية ادراج قيمة راسائل الاستيراد فى الاقرار الضريبى
هل يتم ادراجها بقيمة الغطاء النقدى مضافا اليها المصروفات الاخرى
ولى يتم رد قيمة ضريبة المبيعات المدرجة بالشهادة

[frame="7 80"]

السيد الاستاذ / mody mody
بعد التحية
مايتم ادراجه باقرار ضريبة المبيعات هو وعاء ضريبة المبيعات بالجمرك وهو عبارة عن القيمة النهائية مضافا اليها ضريبة الوارد ( الجمرك )
[/frame]

rh742008 08-12-2009 09:42 AM

مشاركة: الاستيراد والتصدير
 
ملف جميل جدا جدا

titoelfoly 08-15-2009 01:36 PM

مشاركة: الاستيراد والتصدير
 
بعد اذنك يا استاذ احمد ارسلى الماده الى بتاكد صدق كلامك وهل الفقره 2 من الماده 11 اتلغت او اتعدلت

walidgamal75 08-16-2009 12:12 PM

مشاركة: الاستيراد والتصدير
 
أ/ حسام
بارك الله فيك و مشكور على المجهود اللي عملته للتوضيح
أ / أحمد
جزاك الله خيرا على توضيح ما لم يجانبه الصواب فيه أ/ حسام


و التعديل صحيح

titoelfoly 08-19-2009 04:08 AM

مشاركة: الاستيراد والتصدير
 
استاذ احمد انا عدلت المثال انا اسف انا كنت قد كتبت انى الضرائب والرسوم عايمه ومحددتش انى ضرائب خاصه بمصلحه الضرائب الامر الى خاله حضرتك تفتكر انى الضرائب هذه بعد ما دفع الضرائب الجمركيه وبكده تكون وصلت واتمنى انى اكون مش مزعل حد منى لانى كلكم اساتذه محترمين

titoelfoly 08-19-2009 04:54 AM

مشاركة: الاستيراد والتصدير
 
استاذ احمد جزاك الله خيرا انا فعلا اخطأت فى تقييم قيمه الضريبه واستاذ احمد صح 100% لانى انا قرات الماده وادركت انى اخطأت ولك انا لما عملت المثال مكنتش قراءت قرار الوزير وعلى فكره انا بصحح المثال وانا ياجماعه بجد قد اخطأت وانا متأسف والتعديل انا هعمله واتمنى ينال اعجبكم

titoelfoly 08-19-2009 05:01 AM

مشاركة: الاستيراد والتصدير
 
استاذ احمد ممكن تفهمنى من القرار الجزء الخاص "الفصل الثالث " "تقدير القيمه " " سادسا" وانا عايز اميلك او نمره التلفون عاشان عايز اتكلم معاك

titoelfoly 08-19-2009 05:03 AM

مشاركة: الاستيراد والتصدير
 
وبعد متفهمنى المذكور اعلاه نتناقش وكمان اعمل تعديل المثال

m.fayed85 08-28-2009 01:31 AM

مشاركة: الاستيراد والتصدير
 
تحياتي للسيد الفاضل
ولكن اري ان الشحنة يجب تحميلها بالمصروفات كما ان القيد من الممكن ان يكون كالاتي:
من مذكورين
162000ح/المشتريات
16200ح/ضريبة المبيعات
20000ح/ضرائب ورسوم اخري
6000ح/مصروفات مشتريات
الي مذكورين
198200ح/البنك
6000ح/النقدية
ارجو الرد علي معالجة العملية ولكم وافر الاحترام والتقدير

aboshetta 09-01-2009 02:05 PM

مشاركة: الاستيراد والتصدير
 
السلام عليكم مجهود رائع حقا ولكن هناك استفسار وهو عندما تم حاب ضريبة البمبيعات بدون هامش الربح اى ضريبة المبيعات علي المشتريات وهى مبلغ 18200 هل يتم سداد هذا المبلغ في مصلحة الضرائب مع اول اقرار يقدم لها ام ان هذا المبلغ يستقطع منى عند استكمال اجراءات تخليص الجمركى

abou_abou555 09-01-2009 03:09 PM

مشاركة: الاستيراد والتصدير
 
جزاكم الله خيرا جميعا

titoelfoly 09-30-2009 06:43 AM

مشاركة: الاستيراد والتصدير
 
يا استاذ احمد ياريت حضرتك تقراء مادة 6 ( إستبدل البندين ثانيا وسابعا بالبند سادسا بالقرار رقم 967 لسنة 2002 سادسا وفهمنى عاشان مش عايز اقول انا صح اطلع غلط يجوز من الممكن مكنتش فهمت التعديل صح ارجو الافاده ويا ريت حضرتك ترد عليا

abou_abou555 09-30-2009 11:53 PM

مشاركة: الاستيراد والتصدير
 
جزاكم الله خيرا

rh742008 10-01-2009 12:07 PM

مشاركة: الاستيراد والتصدير
 
شكرا علي الملف 12

ab0hamed 03-29-2010 11:27 AM

مشاركة: الاستيراد والتصدير
 
جزاكم الله خيرا

يحيى أحمد السيد 04-10-2010 01:39 PM

مشاركة: الاستيراد والتصدير
 
اتفق مع الاستاذ احمد السيد فى الراى

انور مظهر 04-11-2010 08:55 PM

مشاركة: الاستيراد والتصدير
 
الف شكر علي التصحيح ياستاذ / احمد وبالتوفيق دائما

aboshetta 04-17-2010 04:07 PM

مشاركة: الاستيراد والتصدير
 
بارك الله فيك
ولكن في حالة ان البضاعة المستوردة سوف تستخدم في المنشاة اي ان الاستيراد بهدف التشغيل وليس بهدف الاتجار مثلا استيراد ماكينة لمصنع/ او معدة لمقاول اعتقد ان ض مبيعات عليها بتسترد

ahmedalsyed72 04-17-2010 09:04 PM

مشاركة: الاستيراد والتصدير
 
اقتباس:

المشاركة الأصلية كتبت بواسطة aboshetta (المشاركة 64463)
بارك الله فيك
ولكن في حالة ان البضاعة المستوردة سوف تستخدم في المنشاة اي ان الاستيراد بهدف التشغيل وليس بهدف الاتجار مثلا استيراد ماكينة لمصنع/ او معدة لمقاول اعتقد ان ض مبيعات عليها بتسترد

السلام عليكم ورحمة الله وبركاته
طبقا للقانون 9 لسنة 2005 من حق الشركه التى تستورد الالات او معدات تستخدم فى انتاج سلعه خاضعه او تأدية خدمه خاضعه خصم الضريبه المسدده عليها سواء كانت مستورده مشتراه من السوق المحلى على ان يتم فصل الضريبه المسدده فى حساب ضريبة المبيعات
وشكرا
احمد السيد

yousseflove 07-14-2010 12:47 PM

مشاركة: الاستيراد والتصدير
 
مشكووووووووووووووووووووووووووووور

labib2 08-09-2010 11:22 AM

مشاركة: الاستيراد والتصدير
 
تنص الفقرة الثانية من المادة 11 من القانون على أنه بالنسبه للسلع المستوردة فتقدر قيمتها فى مرحلة الأفراج عنها من الجمارك بالقيمة المتخذة أساساً لتحديد الضريبة الجمركية مضافاً إليها الضرائب الجمركية وغيرها من الضرائب والرسوم المفروضة على السلعة .
اعتقد ان حل المثال للاستاذ/ حسام الفولى صحيح وذلك طبقا للفقرة الثانيه من المادة 11 من القانون المذكور اعلاه


وشكرا على مجهود كل الزملاء



ahmedelziniy 08-14-2010 12:17 PM

مشاركة: الاستيراد والتصدير
 
السلام عليكم أنا مع الأستاذ أحمد السيد

تحياتى للأخ صاحب المثال الرقمى وله جهد مشكور ولكنه اخطأ فى حساب اضريبة المبيعات التى سوف تسدد فى الجمارك
حيث ان وعاء ضريبة المبيعات = القيمه النهائيه + رسم الوارد او الضريبه الجمركيه ولايضاف اية رسوم اوضرائب اخرى اى ان وعاء الضريبه 162000 وليس 182000 والضريبه 16200
والقيمه النهائيه = القيمه المتخذه لحساب الضريبه الجمركيه
تحياتى للأستاذ حسام

احمد السيد


الساعة الآن 10:21 AM

Powered by Nile-Tech® Copyright ©2000 - 2025