مشاركة: أريد معلومات عن acca
 

كنت قرات كتير عن الشهادة دى وكنت عايز اقدم فيها بس لاقيت مشكلة الكتب زى kaplan , bpp منين اجيبها وصعب ارفعهم كمان ولو اشتريتهم غن طريق النت تكون اسعارهم كبيرة و هذة الكتب متاحة فى دول شرق اسيا زى الهند وباكستان ودة اكيد صعب فهل فى مكان فى مصر ارحو الرد ........

مشاركة: أريد معلومات عن acca
 

فى طبعا مكتبه لبيع الكتب الخاصه بشهاده acca وهيه فى شارع عدن فى المهندسين بس انا ان شاء الله هجيبلك تليفوناتهم وعلى العموم انا عامل موضوع فى المنتدى هنا فىه كل الكتب bpp and kaplen وكمان revision kit للمراجعه
وانا مقدم فى الشهاده دى وداخل امتحاناتها شهر 12 ان شاء الله فى اول 3 مواد لانى لسه طالب فى الفرقه التانيه وبالنسبه للمذاكره هيه عايزه مجهود شويه وفهم وحفظ لان فى كلام اكيد مش هتبقى عارف معناه وحتى لو ترجمته فى قاموس عادى مش هيديك معنى فلازم تتعامل مع قاموس تجارى هيسهل عليك كتير اوى وانا بذاكر اهوه فادعولى بقى ربنا معايا ومعاكو انتوا كمان ولو فى اى استفسار انا فى الخدمه

مشاركة: أريد معلومات عن acca
 

دة خبر جميل جدا و ياريت العنوان كامل وجزاك الله كل خير

مشاركة: أريد معلومات عن acca
 

السلام عليكم كنت عايز اعرف لو انا اخدت ifrs هل احصل على اعفاء ?
ولو ممكن فيه مكان معين ?
شــــــــــكــــــــــــرا..........

مشاركة: أريد معلومات عن acca
 

انا مصطفى خريج تجاره دفعه 2010 وناوى باذن الله اقدم فى الشهاده دى وكنت هقسمها انى اخلصها فى 18 شهر.....يعنى هاخد فى ال 6 شهور 3 مواد
كنت عاوز اعرف بقى 3 مواد فى ال6شهور مناسبه ؟؟ ولا المواد كده كتير ؟؟ ولا كده عادى ؟؟
ارجو الافاده وشكرا جزيلا وبالتوفيق للجميع

مشاركة: أريد معلومات عن acca
 

السلام عليكم ورحمه الله وبركاته
انا قررت انى ادرس هذه الشهاده باذن الله وروحت سالت فى المعهد البريطانى عن الاماكن الى بتدرسها لانى مبحبش اذاكر لوحدى...وادونى الاماكن دى وكنت عاوز اخد راى حضراتكم انهى احسن واحد فيهم واخد فى انهى واحد بالظبط لانى مش عارف اسال مين لانى مش من القاهره اصلا

* Egyptian Banking Institute
22, Dr anwar el mofty st, tiba, nasr city
MR.Said A.Fattah training assistant manager
or MR. Ahmed Teleb senior program coordinator


*Arab Academy for science & technology
El moushir ahmed ismail st, behind sheraton heliopoles
Dr. Iman Moheb Zaki assistant dean graduate school of business post graduate complex


* ATC
20 Rushdy st, off safir square heliopolis
MR.Tamer Soliman director of training

والموضوع رائع وجزاكم الله خيرا وكل سنه وانتو طيبين

مشاركة: أريد معلومات عن acca
 

مشاركة: أريد معلومات عن acca
 

يا ريت يا جماعة اي حد امتحن اودرس الشهادة يقولنا كصاريف الدراسة ومصاريف الامتحانات كام لكل امتحان
انا كنت سامع ان تكلفة كل امتحان 300 جنيه بس مش عارف مصري ولا استرليني
ياريت الناس اللي عندها معلومات في الموضوع دة تعرفنا
وشكرا لكل واحد قال معلومة مفيدة ويا رب بالتوفيق لكل الناس

مشاركة: أريد معلومات عن acca
 

مشاركة: أريد معلومات عن acca
 

بالنسبه للتكلفه اول حاجه فى اشتراك سنوى للجمعيه 69 جنيه استرلينى كلوا استرلينى ماشى بالنسبه لامتحانات المواد f1 f2 f3 تكلفه كل ماده من دول 55 تمام باقى الماود المعظم 69 لكل ماده دى التكلفه ولو عايز اى استفسار انا فى الخدمه