|
مشاركة: كيف تتسلم العمل من محاسب اخر فى شركه معينه
اقتباس:
كلامك جميل يا احمد باشا بس عندى استفسار دلوقتى لو انا هبدأ بارصده اول المده اللى تخلي كل الحسابات تقفل معايا تمام فى 2008 هيكون فى ارصده كتير اوى منها مالهاش علاقه بالميزانيه خالص هل ده موش هيسبب مشاكل فى وقت مراجعه الحسابات اخر العام لان اللى انا اعرفه ان المراجع بيبقى معاه ميزانيه السنه اللى فاتت وهو بيراجع الحسابات عشان يتاكد من ارصده اول المده وبعيدا عن الشغل القديم مسئوليتى او لا الفكره ان الشغل يكمل مظبوط فهل ده هيكون مظبوط ولا ايه؟ مستنى ردك يا باشا |
مشاركة: كيف تتسلم العمل من محاسب اخر فى شركه معينه
اخي الكريم
طبعا الاستاذ العام او ميزان المراجعة فيهم حسابات لا تظهر فى الميزانية الا كنتيجة نشاط وهى المصروفات والايرادات والمشتريات اما الاصول وحقوق الملكية والاهلاكات والذمم والعهد والسلف والعملاء والموردين هما دول اللى قصدي عليهم يستلم كافة تفاصيلهم وهما دول اللى هيعمل بيهم قيد افتتاحي للعام المالى الجديد طبعا هتقولي حقوق الملكية فى الميزانية ولكن ارصدتهم موجودة فى الاستاذ العام ايضا او ميزان المراجعة الميزانية بشكلها هى نتيجة نشاط وهذا النشاط المسئول عنه محاسب ترك العمل ممكن احتفظ بالميزانية فقط بدون ان اكون مسئولا عنها لأن نتيجة النشاط من مصروفات ومشتريات وخلافة انا غير مسئول عنها باعتباري المحاسب الجديد وانما انا مسئول عن الحسابات والارصدة التى سوف اكمل بها العام المالى القادم ومن بداية مسئوليتي عن العمل ... خلاصة القول ان ميزان المراجعة فى حد ذاته ممكن تعمل منه الميزانية .. وممكن تكمل بيه شغل السنة اللاحقة وممكن المحاسب الجديد يستلمه علشان يكمل بيه هو ولا داعي للميزانية فى حد ذاتها لأنها تحصيل حاصل بالنسبة للمحاسب الجديد وغير مسئول عن صحة نتيجتها او خطأه شكرا لك |
مشاركة: كيف تتسلم العمل من محاسب اخر فى شركه معينه
اشكرك يا باشا
وكده العمليه اصبحت واضحه بس انا موش هستلم ميزان لان المحاسب القديم زى ماقلت قبل كده ماعملش اى قيود السنه دى وكده اللى هعمله انى هبدأ رصيد اول المده بالارصده اللى تبقى مظبطه مع شغلى خلال السنه انا بجد بشكر استاز احمد ابو سنه اللى شارك معايا بفاعليه فى الموضوع ده على وجه الخصوص وبشكر كل الناس الجميله اللى شاركتنا |
مشاركة: كيف تتسلم العمل من محاسب اخر فى شركه معينه
الاخوه الاعزاء
اراء كثيره وجميله وتدور حول نفس الموضوع ... ولكنها تكمل بعضها البعض ولكن كمحاسب للشركه فهو مسئول مسئولية تضامنيه عن القديم والجديد فقد يسأل من قبل صاحب الشركه أو المحاسب القانوني عن أرصده معينه ... وعمليا لايجب ان يقول معرفش .... ازاي !!!! أقول لحضرتك كما أوضحت من قبل أنه يجب علي من يتسلم ممن قبله يحصل علي الميزانيه وتحليلاتها بالطبع ... لأن هذه هي الأرصده المسئول عنها فعلا وهي بالطبع قد خرجت من الاستاذ العام لأن من يعمل الميزانيه لم يجلس في الغرزه ووضع المبالغ من الهوا ... وكما أوضحت من قبل يجلس مع المحاسب القانوني لأنه من الواجب أنه قبل أعداد الميزانيه قد قام بالمراجعه علي الدفاتر والمستندات وميزان المراجعة التي قدم له حتي وصل الي عمل الميزانيه وتحليلات الميزانيه المقصود بها تفسير الأرصده الموجوده بالميزانيه وبالطبع المخزون والعهد والسلف والموردين والعملاء ... الخ والواجب أصلا في حالات التسليم والتسلم يحضر مندوب مكتب المحاسبه هذا مايتم عمله في الطبيعي كمحاسب تستلم مكان من محاسب سابق .... ولكن قد يكون هناك أخطاء من المحاسب السابق ستظهر لك في الحياه العمليه وبالطبع هذه أسرار شركه لايجب أن تعرض بهذا الشكل ( مثل رصيد العهد الغير صحيح ) .... وهذه بعض الامور التي تظهر مع العمل الفعلي فمثلا يمكن ان يكون المحاسب القديم لايفهم في الحسابات أو له أغراض ... الخ ( ولذلك تم الاستغناء عنه وحضرت سيادتك ) ولذلك علي سيادتك مهمه كبيره تأخذ أرصدة أول المده ( من واقع الميزانيه ) وتعمل بها ثم محاولة التتبع لما سيظهر لك من مشاكل ومحاولة حلها مع المحاسب القانوني لأنه مسئول مع سيادتك عما سبق .... أما بالنسبه لما ظهر من العهده فيتم بحث ذلك علي الطبيعه من واقع المستندات لهذا الشخص و مع المحاسب القانوني يتم دراسة الموقف وكيف أصبح رصيده صفر لأن هذه الامور لاتأخذ هاكذا بدون دراسه فمن الممكن أن يكون المحاسب القانوني قد جمع بعض البنود في حسلب واحد فمثلا العهد والسلف تدرج مع حسابات أخري تسمي أرصده مدينه أخري ... أو أدرجها المحاسب القانوني مع في الحساب الجاري لصاحب الشركه محمد سلطان محاسب قانوني |
مشاركة: كيف تتسلم العمل من محاسب اخر فى شركه معينه
اكيد يا باشا كلامك منطقى بس فى حاجه
اولا : المشكله موش مشكله اعاده تبويب حصلت على الحسابات او دمج حسابات لان انا عملت اللى انت بتقوله واخدت الارصده من الميزانيه وحاولت ارجع السنوات السابقه عشان اشوف الحسابات التحليليه لكل واحد يعنى مثلا رجعت بالمصاريف المستحقه عشان اشوف التحليل بتاعها لكن للاسف فى بدايه 2006 مثلا لاقيت رصيد بدايه المده غير اللى فى الميزانيه نهايه 2005 حاجه تانيه لاقيت ان مرتبات شهر 12 2007 اللى الموظفين قبضوها فى 2008 موش مثبوته مصاريف مستحقه او اجور ومرتبات مستحقهوغيرها من الحاجات اللى كانت لازم يتعملها استحقاق ثانيا : رجعت بالاصول الثابته علشان اقدر اعمل بيان بالاصول اللى عندى للاسف الشديد لقيت حاجات المفروض انها مشتريات والشركه هتبيعها مثبوته اصول ثابته وغيره وغيره هتقولى بقى فين المحاسب القانونى من كل ده هقولك اكيد مكانش عنده وقت يراجع كويس لان فى 20 ميزانيه تانيه الراجل بيعملها وشكرا يا باشا على مشاركتك الجميله |
مشاركة: كيف تتسلم العمل من محاسب اخر فى شركه معينه
السلام عليكم ورحمة الله وبركاته
اولا : بالنسبه للمحاسب القانوني مسئوليتة حتي ولو عنده 10000 ميزانيه لأنه لديه التحليلات التي تم عمل الميزانيه عليها والا كان ؟؟؟؟ وليس محاسب قانوني ثانيا : مسئوليتك الفعليه من 2008 اي بالأرصده التي تسلمت عليها العمل وبالتالي يجب ان تقوم بوضع هذه الارصده من واقع الميزانيه وتسير عليها في 2008 ثالثا : يتم متابعة كل حساب ومقارنته بالأرصده المذكوره وتتبعها لمعرفة الفروقات ثم يتم عمل المعالجات فمثلا المرتبات التي لم يعمل لها استحقاق يتم صرفها كمصروف خلال 2008 ( مصروفات سنوات سابقه ) وبالنسبه للعهد يتم عمل التسويات اللازمه كما أوضحت سالفا ... مع ملاحظة انه يجب عمل مذكره بكل هذه الملاحظات وعرضها علي صاحب الشركه ( بمشاركة المحاسب القانوني ) حتي يكون علي بينه من الأخطاء الوارده فيما سبق فلا يتم تحميلك بأي مسئوليه عن أخطاء من سبقوق ... وكما أوضحت سالفا أني تحت أمرك فيما تجده من مشاكل أكتب المشكله وأرد بالحل أن شاء الله محمد سلطان محاسب قانوني [email protected] |
مشاركة: كيف تتسلم العمل من محاسب اخر فى شركه معينه
اشكرك استاز محمد
ونبدأمع بعض الرحله الشاقه س1 عندى حساب اسمه مدينون متنوعون فيه مبلغ 1000ج والرصيد ده مرحل من 2006الى 2007 الى 2008 ولما رجعت الى 2006 ملقيتش حساب اصلا اسمه مدينون متنوعون ايه الحل فى الرقم ده ؟ س2 لما رجعت بالاصول الثابته لحد 2005 لقيت مبالغ كتير متحمله اصول بالخطأ زى مبلغ دفعه مقدمه تحت حساب شراء ثلاجه للبوفيه 1000ج وبعد كده الثلاجه مثبوته تانى بكامل قيمتها مبلغ تم شراء 5 اجهزه كمبيوتر ولكن لبيعهم موش لاستخدام الشركه وتم بيعهم ومازالوا مثبوتين اصول الاصول بقى اللى قبل 2005 ملهاش اثر لان الحسابات قبل كده كلها مختفيه تماما وطبعا فى رصيد فى اول 2005 مرحل من الحسابات دى كل اللى فات بقى بالنسبه للاصول بيتعمله اهلاك سنوى عادى جدا ................. ايه الحل؟ س3 90% من المصاريف المستحقه اللى المفروض كانت تثبت السنه اللى فاتت متثبتتش منتظر اجابتك على ما اجهز اسئله اخرى يا باشا ومشكور لتعبك معايا |
مشاركة: كيف تتسلم العمل من محاسب اخر فى شركه معينه
مع احترامي التام لرأي الزميل
الا اننى اصر انه لا علاقة لك بنتيجة الانشطة للسنوات السابقة ولا علاقة لك بخطأ المحاسب السابق وواضح من أسالتك ان المحاسب القديم كان مقضيها وان المحاسب القانوني الذي ذكره الزميل انه من المفروض ان يكون معتمد تلك الحسابات واضح انه لا وجود له بالمره او انه يقرب للمحاسب القديم وعشان كده كان بيداري عليه ولذلك انا قولتلك ريح نفسك واستلم ميزان مراجعة بأرصدة حقيقية تكون انت مسئول عنها تخص عام 2008 فقط او مرحلة من 2007 ولكن تكون صحيحة وكل العك اللى مسجله المحاسب القديم سيبك منه ولكن يجب توضيحه الى صاحب العمل بتقرير وافي لكي يتم اثبات تقصير المحاسب القانوني ايضا ولكن مسئوليتك انت تحدد فى استلام ارصدة صحيحة عن العام المستلم فيه العمل فقط وبالتوفيق ان شاء الله |
مشاركة: كيف تتسلم العمل من محاسب اخر فى شركه معينه
السلام عليكم ورحمة الله وبركاته
اولا : بالنسبه لميزان المراجعه مؤكد انه نفس الارصده ( أن كان هناك أصلا ميزان مراجعة ) لأنه بوصف الزميل السائل واضح أنه لم يكن هناك حسابات ثانيا : الاجابه علي أسئلة سيادتكم المدينون المتنوعون هي مجموعة حسابات تدرج تحت هذا الاسم وليس بند واحد فمثلا : العهد والسلف / والخصم تحت حساب الضريبه ... الخ وبالتالي أن كان هناك تحليل لهذه الحسابات فخير وبركه ... وأن لم يكن هناك تحليل حاول أن تري حسابات موجوده وليس لها أرقام بالميزانيه ( أو ميزان المراجعه حتي لايزعل زميلنا الغالي احمد ) وتجمعها فأن أعطتك هذا الرقم كان بها ... وأن لم تجد هذا الرقم فالواضح أنه قد وضع أرقام فقط ولا تمت للواقع بصله ولذلك تقفل في الحسابات الجاريه للشركاء الاصول المكررة أي تم أثباتها مرتين فهناك حل من اثنين : اما تقفل كأنك بعتها وبالطبع تحاول أن تضع أرقام أقل من قيمتها بالدفاتر بعد طرح الاهلاكات حتي لاتحتسب أرباح رأسماليه والحل الآخر أن يظل بالميزانيه وانت والاداره علي علم بهذه المعلومه ( سبق وقلت تكتب مذكره بهذه المشاكل وتعرض علي الاداره والمحاسب القانوني حتي تخلي مسئوليتك ) ويتم عمل أهلاكات المصروفات المستحقه التي لم يعمل قيد استحقاق لها سبق والاجابه عليها من قبل تدرج كمصروفات سنوات سابقه في 2008 ارجو ان اكون غطيت الاسئله محمد سلطان |
مشاركة: كيف تتسلم العمل من محاسب اخر فى شركه معينه
تمام يا باشا
بس دلوقتى انا بقولك فى حسابات كتير متحمله على الاصول بالخطأ زى مثلا الدفعه المقدمه من ثمن الثلاجه دى كانت المفروض اخفض بيها دائنو اصول ثابته ابيعها ازاى بقى وموش منظر خالص انها تبقى ضمن الاصول فى الميزانيه ونفس الوضع بالنسبه لاجهزه الكمبيوتر --- مشتريات |
| الساعة الآن 12:20 AM |
Powered by Nile-Tech® Copyright ©2000 - 2025