مشاركة: مطلوب محاسبين بالكويت
 

المبلغ ده قليل جدا العيشة هناك غالية اوى لانك هتتعامل بالدينار ولا تغتر ان الدينار ب20 جنيه

مشاركة: مطلوب محاسبين بالكويت
 

والله يا جماعة الراجل ما قصرش ، يعني
اولا
150 د.ك نقول حيعيش ب50 (ما هو لازم يربط الحزام و يبطل سجاير لو بيشربها و مايخرجش من البيت ولا ليه نفس يعزم حد كدا ولا كدا او يفكر يشتري هدمه جديده او حتى يكلم اهله)
ويحول 50 لاهله (لو نفعوهم) و يحوش 50 (لو عرف) من اللي انا قولته فوق
+السكن (اللي هو ممكن يكون شقة غرفة وصالة مع بعض الاشخاص) وياسلام لو فيهم هنود ولا بنغال يبقى بجد الراجل دا بيحبك
+ الموصلات ،اما سواق في الشركة و يكون معاك في نفس السكن ،او حيكرمك ويعملك اشتراك في الاوتوبيس و صدقني دا فيه تكييف يعني من ابو 2 جنية في مصر

بتحلم بأيه تاني يا راجل اكتر من كدا
ثانيا
اما الوظيفه ، خد عندك بقى ، لو ربنا رزقك بمدير مصري يبقى حتكره امك اللي ولدتك ، اما لو رزقك بمدير جنسية تانية فأنت وحظك ، المهم حتكون محاسب ، امين خزنة ، كاتب حسابات ، معلش مش حينفع اقول مندوب اصل لا يحقك لك انك تطلع رخصة مدام راتبك اقل من 250 (وممكن يكون مطلوب اعلى دلوقتي كمان)
المهم تبقى مرمطون مش انت اللي وافقت من الاول ان يكون معاك بكالوريوس محاسبة و كمبيوتر و لغات و موافق على 150 د.ك و اللي هو راتب فراش حاليا و منذ عام 2008 في الكويت

ثالثا
فيما يخص الهنود والفليبنين ، انا مش بقلل من قيمتهم بس في منهم بيقبل الرواتب دي لانه بيكون اساسا معاه دبلوم او حتى ماكملش الدبلوم ، بيمسك كتاب محاسبة انجليزي و يطبق زي الكتاب و اهو اسمه بقى محاسب (كاتب حسابات) وليه لا,,,, انت كدا ؟؟

رابعا
الاستاذ اللي قالك انه بدا ب150 د.ك ، هو صح بس بدأ امتى ، ووصل كام ..وهل سأل اصحابه اللي في شركات تانية بياخدو كام ...هو مستواه ايه اساسا و حوش كام من اللي بياخده و عايش مع مين و بياكل ازاي و عمل ايه من غربته؟؟
غربه ، يعني تاكل وتشرب وتنام و تمرض و ماحدش يقولك سلامتك ولا بيخدم عليك و الاصحاب بختك يا بو بخيت

رواتب المحاسبين الجيدة الى حد ما تبداء من 300 د.ك مع شرط الزيادة السنوية والبونص واحسن لو في مواصلات
و ما زاد كان افضل طبعا ، على فكرة في شركات فتحت و لقيناها بتاخد محاسبين خريجين جدد ب400 و 500
و في محاسبين بداو صغيرين يعني 300 و بقوا حاجة تاني

المهم كله يكون مذكور في العقد ،معلش اصل العقل مش كمبيوتر وماحدش حيفتكر قالك ايه من اسبوع

والله الموفق

محاسب مصري بالكويت ، بحب بلدي ،مخلص لشغلي ،وبحب الخير لاولاد بلدي و اتمنى ما حدش فيهم يقلل من نفسه ,,,نفسك وقيمتك هي دي اعز ما تملك

مشاركة: مطلوب محاسبين بالكويت
 

والله مش عارف اصدق ميييييييييييييييين ناس تقول السفر حلو وابدا باى مرتب وهتزيد وناس تانية تقولك انت هتتمرمط هناك وهيضحك عليك والحال فى مصر نايم على الاخر اعمل انا ايه حرام يا ريت الواحد كان اتعلم له صنعة احسن من البهدلة دى

مشاركة: مطلوب محاسبين بالكويت
 

الغربه ثمنها كثير قوى وما يشعرش بيها الا اللي جربها . أنصح اى شاب يفكر في السفر أحسب انت هتقدر تحوش كام من الغربه . وبعدان قرر تسافر أو لا مع ملاحظة ان الراتب ده 2700 جنيه أخصم منهم أكل واتصالات لو قدرت تحوش 1200 جنيه في الشهر هيكون كويس انت في مصر لو أشتغلت في اى مكان هتجيب اكثر منه يبقي اه لزمتها الغربه . وكل واحد فينا يعرف ظروفه كويس ويقدر يقيم حاله والله الموفق والمستعان

مشاركة: مطلوب محاسبين بالكويت
 

اتقوا الله 150 دينار .. دا ممكن ما يلاقيش حق تذكرة رجوعة لمصر ... نصيحة للكل افتح مشروع خاص بيك و عيش ملك بدل البهدلة على الفاضي .. و شكرا

مشاركة: مطلوب محاسبين بالكويت
 

البيانات الشخصيـــــــــــــــــــــــــــة:-
السيد عبدالهادى فتحى توفيق
مصر - المنوفية - قويسنا
0162577438
الموبايل :
19-2-1987
مســـلــم
مصـــرى
أعزب
البيانات العلميــــــــــــــــــــــــــــــــــة:-
2010
سنة التــــخرج:
محــاســـبه
الشعبة:
بكالوريوس تجــاره
كلية التجـــــاره
الكليــة:
جامـــعة بنها
مقبــــول
مهارات الحاسب الآلـــــــــــــــــــــــي:-
المهام الأساسيـــــــــــــــــــــــــــــــــة :-
1-حسن السلوك والأخلاق والأمانة وحسن المظهر.
2- قادر على التعامل مع العملاء والتواصل معهم بسهوله وحسن السير والسلوك .
3- ملم بأعمال السكرتاريه كالطباعه وسرعه وكفاءه إستخدام الكمبيوتر .
4- الجد والإجتهاد فى العمل المخصص لى والنظام والإنضباط فى العمل، والعمل على تحقيق الأهداف المطلوبه .
5- العمل ساعات طويله دون ملل المثابره فى العمل وسرعه فهم العمل المخصص لى .
مهارات خاصــــــــــــــــــــــــــــــــــــة:-
- كفاءة عالية في العمل الجماعي.
- القدرة على تقبل وتعلم التقنيات الجديدة.
- القدرة على العمل تحت ضغط.
- القدرة على التأثير على الآخريين والتأثر بهم فى مجال العمل