مشكلة كبيرة جدا مع التأمينات – هل والدي عامل أم صاحب عمل

[hamadaalo2002]

بسم الله الرحمن الرحيم

اسمحو لي اعرض عليكم مشكلة ابي مع التأمينات الاجتماعية

اشترك ابي بالتأمينات الآجتماعية عام 1978 حيث انه يعمل حرفي بمسبك والده اي انه مسجل عامل وليس صاحب عمل بمسبك والده
توفي جدي عام 1991 واخذت جدتي وعمتي معاش جدي ومفيش اي مشكلة
والدي اتم الستين من عمره يوم 7/10/2009
ذهب لمكتب التأمينات لمعرفة الآزم
فقالو له هات استمارة 6, المفروض انه بيمضي وبيمضي له صاحب العمل(جدي متوفي ولم يحل صاحب عمل محله)
والدي معاه السجل التجاري الجديد
مكتوب فيه اسماء الشركاء(عمامي وعماتي) ومكتوب فيه يسمح لوالد بالتصرف هوة وعمي الصغير(مش داخل تأمينات )
اية الحل دلوقت؟
التأمينات لغاية دلوقت متعرفش علي الجهاز ان جدي توفي ومكتوب الملف بأنه باسم جدي وليس ورثة جدي مع انهم صرفو المعاش لجدتي وعمتي ومن بعد وفاة جدتي الي عمتي


ذهب والدي الي مكتب التأمينات فقالو له انت كدة تعتبر صاحب العمل بعد وفاة الوالد!!! ومعاشك تأخده علي سن 65 ,مع العلم ان ابي بيدفع اشتراك عامل لمدة 32 سنة (مدة اشتراكه) والمفروض ان اشتراك صاحب العمل اقل؟

ما الحل؟؟؟؟؟؟

[Profit]

بسم الله الرحمن الرحيم


ذهب والدي الي مكتب التأمينات فقالو له انت كدة تعتبر صاحب العمل بعد وفاة الوالد!!! ومعاشك تأخده علي سن 65 ,مع العلم ان ابي بيدفع اشتراك عامل لمدة 32 سنة (مدة اشتراكه) والمفروض ان اشتراك صاحب العمل اقل؟

ما الحل؟؟؟؟؟؟


أوعى توافق على كلامهم دول ناس الله يسامحهم بدل ما والدك ياخد " مثلا " 400 ج حياخد 50 ج
وحسبى الله ونعم الوكيل

حضرتك والدك ياخذ ما يفيد صرف المعاش لجدتك وياخد استمارة 6 الخاصة به
ويطلع على المنطقة التابع لها المكتب فان حلت المشكلة يبقى الحمد لله
ويروح لمكتب العمل التابع له مكتب التامينات
ولو متحلتش يطلع من المنطقة على الوزارة على طول
متحلتش يقدم شكوى لوزير المالية بتعسف المكتب معه وتعمد ضياع 32 سنة كعامل
وشكوى كمان لرئاسة الوزراء و لرئاسة الجمهورية
لازم بتوع المكتب دول يعرفوا ان الله حق

ولو اقتضى الامر رفع دعوى متترددش ابدا ده حق والدك ولن يضيع حق وراءه مطالب
بس دور على محامى امين ويعرف ربنا ويكون متخصص فى قضايا العمال
ابقى طمنا

[hamadaalo2002]

اولا ياباشا احنا من اسكندرية
المشكلة تكمن ان المنشاءة مازلت عندهم باسم جدي( معندهمش خبر ان جدي توفي) بس هما صارفين معاش الي جدتي
والدي مسجل علي انه عامل وليس صاحب عمل
المشكلة بقي انهم عاوزين يدخلو حد من عمامي اي حد منهم علي اساس صاحب عمل من 1991 وهو سن وفاة جدي
ما الحل؟؟؟
ارجو ان تكون نقطة ان مفيش حد مؤمن عليه غير ابي (عامل)

[حبيبه]

لابد من وجود خلف لصاحب العمل عند الوفاه أذا كانت المنشأة من غير عمال
بس حضرتك بتقول أن جدتك وعمتك خدوى معاش جدك من غير أى مشاكل وده طبعا لان والدك كان موجود فى المنشاة وقتها كعامل فلايحق لهم طبعا تغيير صفته من عامل لصاحب عمل
وبما أنه وصل لسن المعاش فمن حقه أن ياخد معاش
وطبعا قالولك أن لازم حد يدخل التامينات مكانه بس ده هيكون من تانى يوم خروج والدك على المعاش وممكن طبعا دخول عامل مش شرط وجود حد من العائلة كصاحب عمل
وده على حد علمى

[hamadaalo2002]

لابد من وجود خلف لصاحب العمل عند الوفاه أذا كانت المنشأة من غير عمال

بس حضرتك بتقول أن جدتك وعمتك خدوى معاش جدك من غير أى مشاكل وده طبعا لان والدك كان موجود فى المنشاة وقتها كعامل فلايحق لهم طبعا تغيير صفته من عامل لصاحب عمل
وبما أنه وصل لسن المعاش فمن حقه أن ياخد معاش
وطبعا قالولك أن لازم حد يدخل التامينات مكانه بس ده هيكون من تانى يوم خروج والدك على المعاش وممكن طبعا دخول عامل مش شرط وجود حد من العائلة كصاحب عمل
وده على حد علمى

رافضين ان والدي يطلع معاش دلوقت
طيب ممكن اعرف مين اللي يمضي له علي استمارة الخروج لان جدي متوفي؟؟؟

[حبيبه]

رافضين ان والدي يطلع معاش دلوقت
طيب ممكن اعرف مين اللي يمضي له علي استمارة الخروج لان جدي متوفي؟؟؟


والدك هو اللى هيمضى على الاستماره بصفته عامل وصاحب عمل فى نفس الوقت وده طبقا للاعلام الوراثه اللى فيه أن الوالد هو الابن الوحيد لجدك
وده على حد علمى