أستفسار عن استيراد السيارات الخليجى

[Profit]

السادة الافاضل خبراء المبيعات بالمنتدى
بدايا / جزاكم الله خيرا على ما تقدموه لنا من معلومات وافادة كبيرة
انا الان اقوم بتجهيز ملف عندى للفحص ونشاطه استيراد سيارات من الخليج يعنى بدون ضمان
ومع العلم ان الشركة لا تمسك دفاتر منتظمة
وانا اود ان اعرف ما هى نسبة هامش الربح التى تكون معقولة كى اوافق على الفحص
مع العلم ان مصروفات الرسائل تقريبا 1 %
فلو امكن توضحوا لى الكشوفات اللازمة لتقديمها للمامور الفاحص
وكذلك المستندات واهم شئ هو توعيتى بالنسبة المعقولة لهامش الربح لهذا النشاط
علما بان السنوات التى سوف يتم فحصها هى 2007 و 2008 و رقم الاعمال فى 2007 مبلغ
8 مليون و 2008 مبلغ 6 مليون
معلش اهم حاجة ايه هى النسبة المعقولة لهامش الربح حتى اوافق عليه
وجزاكم الله خيرا

[Profit]

رجاء سرعة الرد إن امكن

[Profit]

21 زيارة ! ومفيش رد اى رد
انا عايز اخد رايكم
هو الموضوع صعب قوووووى للدرجة ده
مش معقولة ؟؟؟؟؟

[Profit]

لو سمحتم ميعاد الفحص يوم الثلاثاء 20 أكتوبر
حد عنده رد

[loverkoko]

انا اخدت نسبة 7.5 % فى تجارة سيارات جديدة بس رقم اعمال 80 مليون جنية وبعد ما دفعت الضريبة وخلصت الملف جالة اعادت فحص تانى ولسة مش انتهينا على نسبة محددة بس اعتقد لو وصلت 10 % تبقى نسبة مقبولة

[حبيبه]

حضرتك هتقدم كشف بالتكلفة الاستيراديه وكشف تحليلى بالمصروفات العمومية والادارية ومصروفات التخليص مع ارفاق اصل هذه المستندات
وأعتقد أن رقم أعمال 6 أو 8 مليون يبقى عليه نسبة هامش ربح 7% كويسه

[أحمد فاروق سيد حسنين]

بسم الله الرحمن الرحيم

أولاً : انا آسف جداً جداً جداً
فى التأخر بالرد ولكننى فى
الفترة الماضية كنت مشغول جداً
فى أعمال تنظيمية بالمنتدى
فتقبل عذرى وعذر جميع الزملاء

ثانياً : الموضوع به تأصيل إلى حداً ما
هل الحالة تقديرية أم دفترية ؟
هل الشركة تمتلك معارض للبيع أم أنها مستوردة فقط ؟
هل الشركة تمتلك مخازن لتخزين السيارات المباعة ؟
أم أن الشركة مستوردة فقط ؟
هل جهات البيع معلومة آى مسجلة أم البيع لأشخاص ؟
هل الشركة تقوم بالإقرار عن الرسالة بمجرد وصلها ؟
هل الشركة مسددة لضريبة مبيعات بالإقرارات أم لا ؟
إذا كانت الإجابة تسدد بالإقرارات
كم هى متوسط نسبة هامش الربح التى أقريت عنها بالإقرارات ؟

على العموم

نبدأ فى الرد بعون الله


1 - أنت تقول أن نسبة مصروفات الرسائل 1 %
وأنا أشك فى هذه النسبة جداً ... فأرجوك أرجع
لمستندات المصروفات الخاصة بالرسائل وتأكد من هذه النسبة


2 - أشك بنسبة كبيرة أن الحالة تقديرية غير ممسكة دفاتر وحسابات منتظمة ........... أليس كذلك

المهم


مطلوب من حضرتك تجهيز دفتر المشتريات " الرسائل " ودفتر المبيعات
ودفتر ملخص الضريبة ............ ودفتر تسجيل السيارات المباعة
موضح بها أرقام الشاسية والموتور لكل سيارة وتارخ بيعها ورقم الفاتورة المباعة بها
وكذلك رقم خطاب المرور الموجه من الشركة المستوردة للمرور

مع تجهيز الكشوف التالية
أ - كشف التكلفة الإستيرادية لكل فئة على حده 10 % - 15 % - 30 % - 45 %
ب - كشف بالإقرارات المقدمة للمأمورية بتاريخها
ج - كشف عدد السيارات و ماركتها لكل رسالة على حده
وإليك تقسيم تلك الكشوف " وهى الأهم فى الموضوع كله "

الإقرارات

http://www.a7lashare.net//uploads/images/A7lashare-c0e6ad41c0.png

عدد السيارات وماركاتها

http://www.a7lashare.net//uploads/images/A7lashare-4103771ca2.png


التكلفة الإستيرادية لكل فئة ضريبية كشف منفصل

http://www.a7lashare.net//uploads/images/A7lashare-bc3461a458.png


قم بتجهيز فواتير المبيعات على ان يكون عدد فواتير المبيعات مطابق لعدد الخطابات الصادرة
من الشركة للمرور ....... بمعنى أن السيارات المباعة تبلغ 215 سيارة يكون أول فاتورة فارغة
رقم 216 و كذلك بدفتر خطابات المرور أول خطاب فارغ 216 .... مع الأخذ فى الحسبان الفواتير
والخطابات الملغاة ... يكون الأصل موجود و يدبس بالدفتر

قم بتجهيز خطابات التراخيص الصادرة من الجمارك والمرفقة بالإفراج والتى يوضح فيها المرور
أنه أفرج عن السيارات نوع ....... رقم شاسية ....... موتور ......... وقم بتدبيس إيصال سداد ضريبة
المبيعات الخاصة بكل رسالة بهذا الخطاب وإرفق معهم بالتأكيد " الإفراج الجمركي "
وكذلك قم بتجهيز فواتير المورد

بكده أنت تمام ومستنداتك جاهزة وكاملة إن شاء الله

نيجى للمهم .... نسبة هامش الربح

15 مليون جنية فى السنتين ..... تمام
النسبة ( هامش ربح ومصروفـــــــــــــات ) packet
4 %
وأنا عن نفسى لا أفضل انك تزيد عن 4 % بحد أقصى 4.5 %
بأى حال من الأحوال
لو المأمورية أرادت أن تزيد عن ذلك 25. 00 % لا توقع على تقرير الفحص
وصعد الخلاف لكل درجات التقاضى وإن وصل للمحكمة فبها ونعم


ملاحظات
1 - لو كانت مبيعاتك لجهات معلومة " مسجلة " ومستنداتك كاملة وسليمة
لن تستطيع المأمورية تعديل الإقرارات وستكون نتيجة الفحص " بشاطرتك " مطابق
2 - رسم تنمية الموارد المسدد بالجمارك ....... لا يدخل ضمن تكلفة السيارة ويتم تحميله
على ثمن السيارة بالفاتورة بعد أحتساب ضريبة المبيعات

أظن بكده يكون الموضوع وضح
وأنا وجميع الزملاء تحت امرك فى اى أستفسار آخر

والذى أرجوه منك هو بعد أنتهاء الفحص أنك تبلغنا وتطمنا
عن النتيجة التى وصلت إليها
وبالتوفيق إن شاء الله

وهذا ما أعلم والله عز وجل أعلى وأعلم

والسلام عليكم ورحمة الله وبركاته

[Profit]

والله تعجز الكلمات عن الشكر شرح اكثر من رائع وانا مش زعلام خالص انا بس كنت عايز
اعرف الاساس وكنت قلقان ان محدش يرد قبل معاد الفحص
وبجد انا مش عارف اقولك ايه غير ان ربنا يكرمك
بالنسبة لاسئلة حضرتك فالحالة تقديريةو لكن جميع المستندات اللى حضرتك ذكرتها موجودة
فيما عدا الخطابات الخاصة بالمرور مش عندى وححاول اجبها من الشركة
وحبدا بالفعل فى تجهيز الكشوف المذكورة
وبالنسبة لمعارض البيع فلا يوجد معارض للبيع و لكن لديها مخزن غير مضاف على البطاقة الضريبية
معظم الفواتير تصدر باسماء اشخاص وتقوم الشركة بالاقرار عن الرسائل المستوردة فى خلال شهرين او ثلاثة من استيرادها على الاكثر
اقوم بسداد ضريبة مبيعات عن كل الرسائل ولا يوجد رصيد دائن اى مخزون ومتوسط الربح للسيارات
بالاقرارات ما يقرب من 2 % الى 2.5 %
فاعتقد انى ممكن اوصل لنسبة الاربعة فى المائه اللى حضرتك قولت عليها وده فى حد ذاته اعتبره انجاز لان اصحاب الشركة كانوا بيستكتروا الفلوس اللى بيدفعوها فى الاقرارات

بالنسبة لرسم تنميه الموارد انا فعلا مكنتش بحطه على التكلفة لانى سالت عنها مامور عندنا وقالى ان النسبة الخاصة به عبارة عن قيمة محسوبة ورسم وضريبة مبيعات التلاتة بيتاخد منهم نسبة رسم الموارد

وفى النهاية ربنا يكرمك وان شاء الله حبلغكم ايه اللى حصل معاى يوم الثلاثاء وارجوا ان يتسع صدركم لكثرة الاستفسارات

[Profit]

السلام عليكم
ادخل فى الموصوع على طول
بعد مهاترات مع المامور الفاحص توصلت الى نسبة 4 % بخلاف المصروفات اللى خدناها من المستندات
المرفقة مع الرسائل والتى تعدت 2.5 %
مع انى عملت كل اللى حضرتك قولت عليه
كل الكشوفات و الفواتير وخطابات المرور
كله مظبوط تمام
وانا موفقتش وممضتش على تقرير الفحص
فارجوا الفادة اعمل ايه دلوقتى ؟

[Profit]

اخيرا توصلت الى نسبة 6 % ربح ومصروفات و مضيت على تقرير الفحص بعد موافقة المسجلين
اشكرك جدا استاذنا وننتظر منك المزيد فى العطاء

[حبيبه]

نتيجه هائله
الف مبروك عليها
وشكراً الاستاذ / أحمد فاروق على التوضيح الرائع

[a7medsm]

برجاء هل من الممكن أن تفيدونى عن كيفية المعاملة الضريبية في حالة استيراد سيارات والمعدات المستعملة ـ مثل استيراد رأس سيارات النقل اي كانت الماركة أو الاوناش أو الديل القلاب .......... الى أخرة ـ من الخارج ( أو اى سلعة اخرى بصفة عامة من حيث :
1- نسبة الربحية
2- في بعض الاحيان يحدث تحسين سعر لقيمة السيارات الواردة
3- في الاحيان الاخرى كما ذكر لى بعض الزملاء يطلب المستخلص الجمركي بناءا على تعليمات الجمارك او بناءا على حالات المثل المتواجدة والتعارف عليها بالجمارك اما وجود فاتورة بقيمة أكبر من القيمة الفعليه للسيارات أو العكس وجود فاتورة بأقل من السعر الفعلى للسيارات .

وبناءا على ذلك يوجد في مشاكل في عملية البيع الفعليه .
* بفرض ان التكلفة الفعليه للمعدة 150000 جنيه ولكن طبقا لما طلبة المستخلص فان التكلفة اما ان تكون اكبر ( 175000 جنيه ) أو تكون التكلفة أقل ( 130000 جنيه ) على سبيل المثال بالطبع .
* فاذا كان سعر البيع الفعلى هو 160000 جنيه فان الربح الفعلى في هذ الحالة هو 10000 جنيه
ولكن في حالة التكلفة الاكبر ( 175000 جنيه ) نجد أنه يوجد خسائر قدراها 15000 جنيه ومن ثم فان هذا غير مقبول من قبل أى مأمورية ضرائب ( عامة أو مبيعات ) .

أما في حالة التكلفة الاقل ( 130000 جنيه ) فيحدث العكس حيث من الناحيه المستندية يكون الربح قدرة 30000 جنيه وهذا بالطبع مخالف للحقيقة مما يكبد الشركات أعباء ضريبيه اضافية .

فهل يوجد أي حلول مقترحة لمواجهة هذه الحالة من فضلكم .

ولكم جزيل الشكر ,,,,,,,


أحمد سلامة