المساعد الشخصي الرقمي

مشاهدة النسخة كاملة : مش عارف اعمل ايه بحد ( ممكن تساعدونى ) ؟

motta_basha
09-01-2009, 05:00 PM
السلام عليكم ورحمة الله وبركاته

يا جماعة انا متخرج السنة دى ومش عارف اى حاجة عن المحاسبة اكنى متخرجتش منها بجد متعلمتش اى حاجة فيها ومش انا لوحدى كدا تقريبا الدفعة اللى متخرج كلها كدا

انا نفسى اعرف ابدا منين انا عارف انى هتبهدل جامد بس انا عايز ابدا

ونفسى اعرف ازاى ابئا محاسب قانونى ؟

وايه الافضل القانونى ولا المالى ولا الادارى ؟

وايه الاسهل فيهم ؟

ياريت تساعدونى بجد لانى مش عارف اعمل ايه خالص

سمعت عن كورسات المحاسبة الامريكية بس مش عارف لو اختها هتفدنى ولا لاء ؟

وجزاكم الله خيرا
سبحانك اللهم وبحمدك ، أشهد أن لا إله إلا أنت أستغفرك وأتوب إليك
waled mohamed
09-01-2009, 05:13 PM
بسم الله الرحمن الرحيم
اولا لازم تعرف يعنى اية محاسب قانونى ومحاسب ادارى ومدير مالى علشان تقدر تحدد هدفك
و شيء اكيد لابد من الكورسات بس اللى هاتفيدك مش تروح تاخد كورسات فى حاجات مش هاتفيدك خالص
لا
يعنى مثلا فى البداية كرأى شخصي الكمبيوتر تدعم نفسك فيه جامد يليه علي طول المحاسبة يليهم بقة اللغة انا رتبتهم لان الكمبيوتر وقتة قليل و يليه المحاسبة اما اللغة فا مداها كبير وبالتالى فانا بخليها اخر حاجة بس دة مايمنعش ان يكون هندك شوية اساسيات فى اللغة
وربنا الموفق والمعين
اخوك وليد محمد
محاسب
motta_basha
09-01-2009, 06:19 PM
بسم الله الرحمن الرحيم
اولا لازم تعرف يعنى اية محاسب قانونى ومحاسب ادارى ومدير مالى علشان تقدر تحدد هدفك
و شيء اكيد لابد من الكورسات بس اللى هاتفيدك مش تروح تاخد كورسات فى حاجات مش هاتفيدك خالص
لا
يعنى مثلا فى البداية كرأى شخصي الكمبيوتر تدعم نفسك فيه جامد يليه علي طول المحاسبة يليهم بقة اللغة انا رتبتهم لان الكمبيوتر وقتة قليل و يليه المحاسبة اما اللغة فا مداها كبير وبالتالى فانا بخليها اخر حاجة بس دة مايمنعش ان يكون هندك شوية اساسيات فى اللغة
وربنا الموفق والمعين
اخوك وليد محمد
محاسب

متشكر جدا لرد حضرتك
ياريت لو حضرتك تقدر تفدنى وتقولى ايع الفرق بين المحاسب القانونى والااراى

وبالنسبة للكمبيوتر فانا الى حد كبير كويس فيه وفى الاكسل
واللغة بردوا الحمدلله كويس فيها

بس هيا المحاسبة انا مش عارف ابدا منين فيها
أحمد فاروق سيد حسنين
09-01-2009, 06:45 PM
بسم الله الرحمن الرحيم
اولا لازم تعرف يعنى اية محاسب قانونى ومحاسب ادارى ومدير مالى علشان تقدر تحدد هدفك
محاسب
بسم الله الرحمن الرحيم

ده موضوع ممكن يفيدك و يوضح الفرق بين الثلاثة
على الرابط التالى

http://www.aliahmedali.com/forum/showthread.php?t=6437

و السلام عليكم و رحمة الله و بركاته
motta_basha
09-01-2009, 11:53 PM
بسم الله الرحمن الرحيم

ده موضوع ممكن يفيدك و يوضح الفرق بين الثلاثة
على الرابط التالى

http://www.aliahmedali.com/forum/showthread.php?t=6437

و السلام عليكم و رحمة الله و بركاته




متشكر جدا لحضرتك بس انا عايزاعرف اكتر عن المحاسب القانونى ؟

ابدا بالمحاسبة المالية ولا اعمل ايه ؟
HOSSAM ADEL
10-12-2009, 11:34 PM
اولا عشان تكون محاسب قانوني دي سكة طويلة و عايزة صبر - باختصار بتنزل مكتب محاسبة تتمرن فيه و صاحب المكتب يامن عليك بالمكتب و تاخد منه شهادة مع اوراق شخصية ( تخرج -ميلاد ) توديها مكان اسمه سجل المحاسبين و المراجعين وده تابع لوزرارة المالية يعني حكومي - تفضل متامن عليك بالمكتب لمدة 3 سنوات و تاخد شهادة تاني مع اوراق اخري من المكتب و توديها السجل و يتم اعتمادك من السجل محاسب قانوني و ساعتها تقدر تختم ميزانيات و تراجع شركات باسمك - الموضوع مش سهل ابدا و عاوز صبر و ارادة ده غير ان المحاسب القانوني عليه مسئولية كبيرة جدا و وظيفة مش سهلة عشان كده بتتبهدل لغاية لما تسجل محاسب قانوني ---و ربنا يوفقك ---