العهدة وتسويتها

[waled mohamed]

بسم الله الرحمن الرحيم
سؤالى فى العهد او فى الارصدة المدينة
دلوقتى لو فى حد خد عهدة من الخزنة القيد بتاعة بيبقى كالتالى طبعا
500 من ح/الارصدة المدينة
عهدة ......
500الى ح/النقدية بالخزينة
اوك
وانا عامل فى اليومية الامريكية ورقة لواحدها بالعهد والسلف والتامينات و رابطها باليومية بتاعتها اوك
وهو بالشكل التالى
عهدة فلان.... مدين دائن 500 و طبعا عهدة فلان ارصدة مدينة بالمبلغ 500
و بعديها جه يسوى العهدة نفترض انة صرف باكتر يعنى مثلا 200 بوفية 50 اقامات خارجية 300 مصروفات تشغيل
انا لما باعمل القيد فى اليومية الامريكية بلاقى باحتار كتير فاببقى مش عارف اعمل اية بحط الــ 500 فى الجانب الدائن وبحط المصاريف فى بنودها بس فى الاخر بلاقي اليومية مش مظبوطة ياريت لو حد يقدر يفهمني شوية فى العهد والارصدة المدينة يبقى ربنا يكرمة فى الايام الجميلة دى

[khaled_helal]

بداية قيد صرف العهد :
500 من حـ / العهد المالية
( اسم الموظف الذى قام بصرف العهدة )
500 الى حـ / النقدية بالصندوق ( الخزينة )
قيد اثبات صرف عهدة للسيد . . . .
ـــــــــــــــــــــــــــــــــــــ
قيد أثبات تصفية العهد :

على سبيل المثال تمت التصفية بأقل من المبلغ المصروف
من مذكورين
100 حـ / الصندوق
400 حـ / مصروفات عمومية وادارية ( مصروفات تشغيل الخ )
500 الى حـ / العهد المالية
اثبات تصفية عهدة الموظف ....

وفى حالة التصفية بأكثر من المبلغ المصروف تتم كالتالى

600 من حـ / مصروفات عمومية وادارية
الى مذكورين
500 حـ / العهد المالية
100 حـ / نقدية بالصندوق
أو طريقة اخرى وانا افضلها
600 من حـ / مصروفات عمومية وادارية
600 الى حـ / العهد المالية

100 من حـ / العهد المالية
100 الى حـ / نقدية بالصندوق

[waled mohamed]

انتا اوك كلامك مظبوط وانا عملت القيد بالتسوية دة مافيش مشكلة لاكن اجي ادخله على اليومية الامريكية اللى عاملها بالاكسيل مابتطلعش مظبوطة حاول انتا او اي حد يعملها فى مثال ويرفعه وانا ابقى اخدو وربنا يكرمك

[mr_adham]

انتا اوك كلامك مظبوط وانا عملت القيد بالتسوية دة مافيش مشكلة لاكن اجي ادخله على اليومية الامريكية اللى عاملها بالاكسيل مابتطلعش مظبوطة حاول انتا او اي حد يعملها فى مثال ويرفعه وانا ابقى اخدو وربنا يكرمك
ارفع حضرتك الملف وفرغه من الداتا الخاصه بالشركه
بحيث نقدر نفيدك اكثر

[عبد الاله حماد]

الاخ خالد هلال ما خلاش شاردة ولا واردة وانا بصراحة مستغرب من كلام الاخ وليد ازاى ما تطلعش مظبوط ، اصلو اليومية الامريكية اللى فيها خانات عديدة دى فى النهاية عبارة عن ميزان مراجعة لكل الحسابات المفتوحة عندك ، يعنى متى ما كانت قيودك سليمة وموزونة زى ما تفضلت وتفضل الاخ خالد لا يمكن يكون فى خلل بس راجع قيودك ويا ريت ترفع الملف

[abou_abou555]

اعتقد الخطا انه عامل المعادلة تظهر رصيد العهد في الحالة المدينة
وهنا رصيد العهد سيكون دائن لذا يجب تعديل المعادلة لتظهر الرصيد سواء مدين او دائن

[Eman Ahmed Abd Allah]

يا جماعه خالد هلال دا موسوعه بجد حاولو تستفيدوا منه على قد ما تقدروا دا مديرى وانا عارفاه وهو مش بيبخل بالمعلومه على اى حد

[walidgamal75]

كلامك زي الفل يا خالد و الله ينور

[mody mody]

اللهم صل على محمد وعلى آله وصحبه أجمعين

[waled mohamed]

ياريت حد يعرفنى ارفع الملف ازاى يا شباب

[mdesoke]

مشكوررررررررررررررررررررر