مشكلة فى الفحص بخصوص شهادات الإعفاء

[hosam4902]

الساده الافاضل
عندى مشكلة فى فحص ضرايب المبيعات
المشكلة ان الشركة اتفحصت قبل كده عن اعوام 2005 و 2006 واثناء فحص 2006 كان هناك اعفاءات صادرة عام 2006 لبعض العملاء والمفروض جزء منها دخل فى 2006 وجزء تانى دخل فى 2007
المشكلة ان مامور الضرائب طلب كل اصول الاعفاءات بتاعة 2006
المحاسب سلمه كل الاعفاءات الخاصة بعام 2006 رغم ان فيه جزء منها تم تسجيله فى اقرارات 2007
اليومين دول رجع تانى مامور الضرايب عشان يفحص 2007 و 2008 واكتشف الغلطة دى
وتم تقدير المبلغ بفوايده بحوالى 7000 جنيه
اللى انا عايز اعرفه
هل ممكن اطعن فى المبلغ ده
عشلان على الاقل يقل شوية
لان الغلط مشترك
بين المحاسب ومامور الضرايب
ارجو الافاده

[أحمد فاروق سيد حسنين]

بسم الله الرحمن الرحيم

أطلب من المأمور الفاحص الإطلاع على الملف
و بالتأكيد شهادات الإعفاء سوف تجدها بالملف
و أثبت ذلك فى المناقشة
حيث أنه ليس من حق المأمور الفاحص تقدير الضريبة
فى حالة وجود شهادات إعفاء
كما أنه من المفترض أن تكون صور أصول الشهادات
مؤشر عليها من المأمور الفاحص بالإستلام
و هذا ما أعلم و الله عز و جل أعلى و أعلم

و السلام عليكم و رحمة الله و بركاته

[انجى سلامه]

عند تسليم شهادات الاعفاء الى الماموريه لابد ان تورد بشكل رسمى للماموريه وتاخد رقم الوارد على الصوره وتحتفظ الصوره بالشركه ويتم الرجوع اليها فى مثل هذه الحالات او عند الفحص فى التجارى
وعليه لابد على المامورد الفاحص الاطلاع على الملف قبل الفحص

[hosam4902]

مبلغ 7000 جنيه ليس مقدر
ده قيمة الاعفاءات اللى دخلت فى 2006 بالغلط وهى بتخص 2007 يعنى اتكررت مرتين

[أحمد فاروق سيد حسنين]

مبلغ 7000 جنيه ليس مقدر
ده قيمة الاعفاءات اللى دخلت فى 2006 بالغلط وهى بتخص 2007 يعنى اتكررت مرتين

بسم الله الرحمن الرحيم

و من قال خلاف ذلك ؟
أتبع الآراء عاليه و سوف تأخذ حقك بالكامل
إن شاء الله

و السلام عليكم و رحمة الله و بركاته

[taleb 3elm]

[quote=hosam4902;32459]الساده الافاضل
عندى مشكلة فى فحص ضرايب المبيعات
رد جميع الاخوة سليم 100/100ويمكن تقديم طلب اطلاع على الملف الورقى بالمامورية وعليه سوف تجد شهادات الاعفاء ان شاء الله وتاخذ حقك
ولكن المشكلة احيانا تكمن فى ان المامور ياخذ شهادات الاعفاء بدون التوقيع وبدون رقم صادر ولا تظهر المشكلة الا فى حالة مثل حالة الزميل

[ياسمين حلمى شافع]

يجب تقديم شهادات الاعفاء بشكل رسمى للمامورية
لان المامورية تقوم باستلام الاصل وارفاقه بالملف
وكما ذكر الاستاذ الفاضل / احمد فاروق فلا يصح تقدير الضريبة فى حالة وجود شهادات الاعفاء
اما اذا تم الفحص وتم الربط على فروق وتمثل هذه الفروق شهادات اعفاء لم تصدر حتى الانتهاء من الفحص
ففى هذه الحالة يقوم السيد المامور بالربط بقيمة الشهادات وعند استخراجها يتم تقديم طلب اعادة فحص للمامورية حتى يتم تسوية دين الضريبة نهائيا
وهذا ما اعلم

[مصطفى سلامه عبد السميع]

با اسناذ احمد انا مش عارف ارفع الواضيع الجديده
تظهر رساله اداريه تمنع ارسال المواضيع لوسمحت اهتم بالامر حتى تثنى لنا البدء فى وضع هذه المواضيع

[أحمد فاروق سيد حسنين]

با اسناذ احمد انا مش عارف ارفع الواضيع الجديده
تظهر رساله اداريه تمنع ارسال المواضيع لوسمحت اهتم بالامر حتى تثنى لنا البدء فى وضع هذه المواضيع

بسم الله الرحمن الرحيم

الأستاذ / مصطفى سلامه
مطلوب فقط من حضرتك أن تفتح الإميل اللي انت سجلته
عند تسجيلك في المنتدي
و فيه ستجد رسالة لتفعيل إشتراكك
افتحها
ستجد بها رابط المنتدي لتفعيل الإشتراك
أضغط عليه لتفعيل الحساب
و إذا ظلت المشكلة تابعنا فوراً

كما أنه تم إبلاغ الأستاذ / ياسر على

و السلام عليكم و رحمة الله و بركاته

[أحمد فاروق سيد حسنين]

بسم الله الرحمن الرحيم

الأستاذ / مصطفى سلامه

تم تفعيل العضوية

و السلام عليكم و رحمة الله و بركاته

[Zaki Farouk Aiad]

السيد المحترم / hosam4902 حق حضرتك محفوظ لان حضرتك عند تسليم اصل شهادة الاعفاء اكيد حضرتك محتفظ بصورة من الشهادة وبناء عليه يمكن الرجوع بسهولة للفواتير المعفاة الخاصة بعام 2006 واثبات ان جزء من الشهادة يخص عام 2007 وان شاء الله تقدر تثبت حقك وربنا معاك

[walidgamal75]

اخي الفاضل ممكن ايضا ترجع للجهات المعفاه و تحضر صور طبق الأصل من الاعفاءات و توضح الخطاء اللي تم

[help]

اخي الفاضل ممكن ايضا ترجع للجهات المعفاه و تحضر صور طبق الأصل من الاعفاءات و توضح الخطاء اللي تم
مع الاستشهاد بأن هناك تعامل مع نفس الجهات خلال العامين وياحبذا لو فيه شيكات من تلك الجهات تقوم بسداد فواتير متداخلة خلال العامين 2006-2007 والتشبث بالحق فى اعفاء 2007 طالما عفيت نفس الجهه فى الفحص السابق والرجا من السادة مأمورى ض المبيعات عدم التشبث بحق هو يعلم انه ليس له وليتذكروا لاتظالموا