قبل الانترفيو :اثناء الانترفيو

[1accountant]

قبل الانترفيو :

اولاااا : طبعااا حضر نفسك كويس للانترفيو ..و اقرا عن المنظمة او الشركة دى وخد معلومات عنها ..انشأت امتا ؟؟...ومين اللى انشأوها ؟؟...ليها كام فرع ؟؟....فكرها ايه ؟؟وخلى بالك من فكر المنظمة واحترمه حتى لو مختلف معاه ....لو رايح وزارة الاوقاف بيبقا ليها فكر ..غير لو رايح فندق ف شرم الشيخ اكيد هيبقا ليه فكر مختلف
جمع كل المعلومات دى عن طريق انك تقرا كتب ...
او لو المؤسسه دى بتصدر جريدة او مجله جبها واقرا فيها

http://img370.imageshack.us/img370/5852/manreadingmagazinehj1.jpg


خش ع النت واقرا عن الشركة دى ولو ليها موقع رسمى زوره

http://img242.imageshack.us/img242/9636/the20living20room2020mask8.jpg


المهم انك تجمع معلومات عن الشركة اللى انت رايحها باكبر قدر ممكن


ثانيا : حط فى دماغك حاجة ..طالما كلمونى عشان ااجى الانترفيو دا يبقا هما شايفين انو انا ممكن اخد الشغلانه دى والا
ماكانوش بعتولى


ثالثا : لازم تبقا عارف انو 70% من نجاحك فى الانترفيو دى مبنى على soft skills اللى هيا مهاراتك الشخصية
زى اصرارك انك هتنجح فى الانترفيو دى حتى اثناء تحضيرك ليها ..


رابعاااا : الراجل اللى هيعملك الانترفيو مش ضدك لانو عايز حد يشتغل عنده ومكلفين نفسهم وعاملين اعلان ف الجرايد مثلااا يبقا هما عايزين ناس للشغل كل الفكرة من الانترفيو انو عنده شك انى قادر اخد الوظيفة دى ومحتاج يتاكد انى ادهاااا


خامسااا : الراجل اللى هيعملك الانترفيو ..بيقرر انك هتاخد الشغلانه دى او لاء خلال 30 ثانيه من بدء الانترفيو..وبالتالى القرار مش بيبقا مبنى على اساس عقلانى وانما عاطفى

من خلال انطباعه عنك وفى ابحاث بتقول انو قرار شغلك الراجل بياخده من اول 4 ثوانى فى الانترفيو ودا بياكد انو القرار مش عقلانى وانما من خلال الانطباع الاول..عشان كدا وانت رايح ابقا البس كويس ويكون اللبس مريحك ..للولاد يبقا بدل سودا او كحلى او رصاصى

http://www.quintcareers.com/womens_suit4.jpg

للبنات ..بلاش الوان الفرح والمايكب الكتير ...واللبس المبهرج ...والمكشوف ..

كل ما كان لبسك بسيط وشيك كل ما كان احسن


سادسا ..الاكسيسوريز للبنات او الولاد المفروض ما يزيدوش عن سبعة اكسيسوريز ..
مع العلم انو القلم اكسيسورى ..والنضارة بردو ..والبتاع اللى بيتحط ف الكارفات بتاع البدل اكسيسورى ..والساعة كمان ..والدبله ..ودبابيس الطرحة او توك الشعر ..كل دا اكسيسورى ..البس الاكسيسورى اللى انت عايزها بس المهم لما تعدهم ما يبقوش اكتر من سبعه


سابعا : نام كويس يوم الانترفيو ..

http://img225.imageshack.us/img225/4430/sleepingmanmlxm8.jpg


يبقا من 6 الى 8 ساعات نوم بالليل


ثامنا : تعمل حسابك تبقا تروح بدرى شويه يوم الانترفيو...و ابقا اسال هناك عن اسم الراجل اللى هيعملك الانترفيو ...لانو احلى حاجة هيحب يسمعها منك اثناء الانترفيو هوا اسمه ..فاعرف اسمه عشان اثناء الانترفيو تبقا تناديه بيه



كمان ابقا خد معاك نوته صغيره خالص وقلم طبعاا ..عشان لو عوزت تكتب اى حاجة

--------------------------------------

[1accountant]

اثناء الانترفيو :
:
:
:
:
اولاااا ..الق التحيه وانت داخل مع ابتسامة على وجهك

لو الراجل مد ايده بالسلام مدا انت كمان ايدك ...وما تبدأش انت بالسلام بالايد
لانو ممكن حد يحرجك وهيكون قاصد من كدا انو يوترك ويبقا عايز يعرف رد فعلك ايه لما احرجك
فانت من الاول ما تديلوش الفرصه ..واوعى تسلم بالايد الا لو هوا مد ايده
موضوع السلام
بالنسبه للبنات ..فحسب البنت لو بتسلم بالايد او لاء
لو الراجل قام وقف عشان سلم عليك ..سلم عليه انت كمان واوعى تعد قبل ما يعد هوا

http://img184.imageshack.us/img184/4927/shaking20handsty3.jpg


راعى وانت بتسلم عليه ايدك ما تبقاش تحت ايده ..ولا فوق ايده ..وانما الاتنين قصاد بعض


ثانياااا ..وانت بتتكلم تتكلم بكل ثقه ...واوعى تنسى تناديه باسمه
ما تعدش متوتر وخايف ...خليك واثق انك تستحق تاخد الشغل دااا لانك تعبت اثناء تحضيرك للانترفيو دى



ثالثا ..حافظ على eye contact او الاتصال بالعين .وانت بتتكلم للراجل بصله .وما تبص ف السقف او ف الابجورة او الصور اللى على مكتبه..

http://img184.imageshack.us/img184/8890/eyecontactih6.jpg


لما بتنبصله بتحسسه باهتمامك بيه ولو هما اكتر من حد اللى بيعملولك الانترفيو ...ابقى بص للراجل اللى بيسال وف نفس الوقت ابقى بصل للتنين وانت بتتكلم واوعى تركز مع واحد بس لانو قرار قبولك ف الشغل متوقف عليهم كلهم مش على الشخص اللى بيسالك بس




رابعاا اتستعمل ال body language.اللى هيا حركات جسمك


http://img117.imageshack.us/img117/8472/bodylanguageld7.jpg


بس خد بالك منها كويس ..بس يعنى بلاش تزد منها مثلا وتحرك ايدك كتير او تحط ايدك ف جيبك لانو دا بيدى انطباع مش كويس



خامساا ..احسن حد ممكن تكونه هوا نفسك ..ما تدعيش حاجات مش فيك ..وما تقولش حاجات ما حصلتش ...عشان ربنا يوفقك ..بلاش نبتديها بكذب



سادسا ..ودى نقطة مهمة جدااااااا ..طول وانت بتتكلم مع الراجل دا ...ركز على حاجتين .اولا توصله الحماس من خلال كلامك ..



ازاى ؟؟ ..
بانك تتكلم بطبقه صوت واضحة تعلى صوتك فى كلمات وتقلله ف كلمات
تعمل استرس على الكلمات اللى شايف انها مهمة ولازم يسمعها كويس....
كل ما وصلتله حمااااااس اكتر كل ما كانت فرصتك اكبر

ثانيا ..اى سؤال الراجل يسالهولك ..رد بـ star

http://www.partypartyuk.com/shopimages/products/normal/StarWeight_New_Silver.jpg

يعنى ايه Star؟؟


s=situation

t=task

a=action

r=result

بمعنى انو كل ما هوا يسالك اى سؤال ..تقوم تحكيله موقف مريت بيه وكان مطلوب منك مهمة معينه وانت عملت حاجة جاااااامدة جدااا وكانت النتيجة انو الامور اتحسنت جدااا
كل سؤال تتساله جاوب بستار



سابعا ..الانترفيو مش مكان للتواضع ..لاء ..دا مكان لازم تبين نفسك فيه انك احسن حد ف الدنيا يستاهل الوظيفة دى
وافتكر جمله مهمة جدا ..مش احسن حد اتقدم للوظيفه بياخدها ..وانما اللى بيعرف يبين نفسه انو كويس اثناء الانترفيو هوا اللى بياخدها


ثامنا ..وجه المناقشه معاهم بنفسك ...ولما يبقا فى فرصه اتكلم ف الموضوع اللى انت قارى فيه ومحضره ..والجزئيه دى عشان يحسو انك عندك عنصر المبادرة..وانك مطلع وعندك ثقافة


تاسعا ...كل ما يسالك سؤال ..خد ثانيتين تفكير ف الاجابه وبعدين جاوب بكل حماس وانت بتعمل ستار
وما تجاوبش بعد ما يسال على طول ..لازم تاخد ثانيتين وبعدها ترد
عشان ما ياخدش انطباع عنك انك متسرع وبالتالى ممكن تغلط كتير
وعشان هوا ممكن يسالك بعد كدا سؤال اجابته تكون صعبه عليك ...وتضطر غصب عنك تاخد فرصه تفكر فشكلك هيبقا وحش

فانت من باب اولى ..اى سؤال خد ثانيتين تفكير الاول وبعدها ابدا بالاجابه بحماس وبستارز
وحاول ف الاستار يبقا فى ارقام

بمعنى السنه اللى فاتت كان مطلوب مننا نحضر حفله للفنان الفلانى ف الكليه ...وقبل الحفله ب4 ساعات بس قالولنا
واحنا ف ظرف ساعتين خلصنا كل التجهيزات فعملنا كذا وكذا وكذا وكانت النتيجة انو الفنان حضر والحفله مرت باحسن حاله ممكنه

فى حاله الراجل سالنى سؤال انا مش عارفه ..بتجاوب بكل لباقه انك للاسف مش عارف الاجابه واكتب السؤال ف النوت اللى معاك وف اخر الانترفيو اسال الراجل عن اجابه السؤال دا



عاشراا ..اثناء الانترفيو ممكن تتعرض لاسئله عجيبه وغريبه ..ممكن يديلك ورقه ويقولك ارسملى الذكاء...مهما كانت الاسئلة مش تقليدية رد بكل ثقه وما تتلخبطش

ف الكلام لانو ف الغالب مش بيبقا عايز يعرف اجابه للسؤال وانما بيبقا عايز يعرف تصرفك هيبقا ازاى لما يسالك السؤال اللى مش تقليدى دا



رقم 11 ...اوعى تسال عن المرتب ...خااااااالص


http://www.southsydneystory.com/Media/images/main-salary-cap-f62a0f32-22dd-4551-9752-09ef379cae85.jpg


ولو الراجل هوا اللى جاب سيرة المرتب والفلوس ......واوعى تقول كنت بتقبض كام ف الشغل اللى كنت بتشتغله قبل كدا ودا لسببين الاول انو ممكن صاحب الشغل يبقا عايز يعينك بمرتب كبير ولما يلاقيك كنت بتاخد اقل ممكن يقلل المرتب
والسبب الثانى انو صاحب الشغل ممكن تبقا قدراته الماديه هتعينك بمرتب اقل من اللى كنت بتاخده]فمايقبلكش ف الانترفيو عشان انت بتاخد مرتب اعلى فى حين انو انت ممكن يبقا عندك استعداد تقبل الشغلانه بمرتب اقل من اللى كنت بتقبضه قبل كداااا


اااخر حاجة ....وانت ماشى من الانترفيو ما تنساش بابتسامة لطيفه تسال الراجل اللى عملك الانترفيو
ممكن اعرف نتيجة الانترفيو منين او ازاى ؟؟
ودا عشان يعرف انك مهتم..
منقول

[أبو ياسر]

موضوع مهم جدا ......

مشوق ومختصر


جزاك الله خيرا

[realman]

شكرا جزيلا

بس سؤال غريب زى رسم الذكاء يكون الرد ايه

هو دا المهم

[حسين الهواري]

جزاك الله كل خير

[iyte_sona]

يسلموا ايديك التوبك بجد هايل ومفيد جدا وربنا يوفق الجميع
تقبل مروري

[eg.king]

موضوع مهم جداا وهيفيدنا كتير
ربنا يجعله فى ميزان حسناتك

[el malak]

وفي حاجه مهمه جدا يا جماعه
لازم يكون الموبايل مغلق او على الاقل صامت
وطبعا اوعى تبص في الساعه كل شويه
ولما يسالك سؤال يقول لك ايه هي عيوبك :اوعى تقول عيوبك لحد
وترد تقوله حاجه ما يفهمش منها ان كانت ميزة ولا عيب زي مثلا انا مسوس جدا في الشغل ووممكن اتعب اللي معايا في الشغل بسبب دقتي يعني وكده
وربنا يوفق الجميع

[Bo_3adel]

تسلم ايدك

وجزاك الله كل خير

[memo2010]

بجد شكرا جداا وجزاك الله خير اناعملت انترفيو ومعجبنيش بس الحمدلله بعد كده هكون مطمئن ان شاء الله اللهم صل على محمد وعلى آله وصحبه أجمعين

[memo2010]

شكرااااااااااا جدااااا

[sally saso]

شكرااااااااااا الموضوع جامد
بس انا عندى سؤال؟ ازاى اكتب السؤال اللى انا مش عارفه فى النوت والراجل بيسالنى ولا عادى انا مش عارفه

[عبد الله محمد]

وما من دابة الا وعلى الله رزقها

[omar9966]

حبيبي يا حج

[bombony23]

شكرا بجد موضوع متميز

[rh742008]

ملف رائع وجميل جداااااااااا

[ahmed_wahead]

جزاك الله كل خير

[ضاضا بيكو]

:sm82:شكرا كتير

[1accountant]

شكرااااااااااا الموضوع جامد
بس انا عندى سؤال؟ ازاى اكتب السؤال اللى انا مش عارفه فى النوت والراجل بيسالنى ولا عادى انا مش عارفه

ممكن او ممكن يعد الانترفيو لكي لا تقع في نفس الموقف مر اخري

[atef7979]

بارك الله فيك

[شمس أليكس]

اشكرك معلومات قيمه و مفيده ومهمه جدا طبعا

[العماد]

شكرا يا اخى وجزاك الله خيرا على هذا

[جان ريان]

والله جزاك الله خير

[هشام حلمي شلبي]

http://www.international-job-search.com/interview%20reduced.jpg
نصائح مُهمة لمن لديهم موعد مقابلة شخصية
وأعداد الخريجين الذين ينتظرون المقابلات الشخصية في إزدياد ...
لذلك قررت كتابة هذا الموضوع ...
(بكرة عندي مقابلة شخصية) ... قد يقولها أحدهم وهو في إرتباك وقلق ... وقد لا نلومه هنا ... ففيها يتم تحديد مستقبله ...
قد يكون بعضكم قد مرت عليه تلك التجربة من قبل ... وقد يكون قد وفق فيها أو لم يوفق ...
وقد يحزن كثيراً إذا لم يتم اختياره ... وقد يغضب إذا علم أن شخصاً آخر أقل منه مستوى تم اختياره بدلاً منه ... وفوراً سيتبادر إلى ذهنه أن الواسطة هي السبب رغم أنها قد تكون بريئة من ذلك ... ويبدو أننا أصبحنا نبرر أي شيء لا نستطيع الوصول إليه بالواسطة ... لقد أصبحت هي الشماعة لكثير من أخطائنا ...
نعم قد تكون هي السبب في بعض الأمور ولكن ليس في كل الأمور ... ولا سيما أننا نتحدث هنا عن الشركات الخاصة وليس الدوائر الحكومية ... حيث أن الأخيرة تلعب فيها الواسطة دوراً مهماً بعكس الأولى ...
ربما كنت أفضل عملاً وأكثر حماساً وأحسن علماً ممن تم اختياره بدلاً منك ... ولكن ...
تخيل معي أنه يوجد عطل ما في كمبيوترك ... ولديك شخصان تطوعا للقيام بإصلاحه ... عندما شرحت المشكلة لكل منهما لاحظت أن الأول جلس يفكر لفترة ثم قال: لا أعرف ولكن دعني أحاول ... أما الآخر فقال بدون تردد: هذه المشكلة تأتي بسبب كذا وقد تلاحظ أن الرسالة الفلانية تظهر لك دائماً أما حلها فهو كذا وكذا وكذا ... الآن ... من منهم ستسمح له بإصلاح جهازك ؟؟؟ الثاني بالطبع ... لماذا ؟؟؟ لأنك تحس أن لديه معلومات أكثر من الأول ...
الآن ... دعنا نقول أن لديهم نفس المعلومات تماماً بدون أن تدري ... فحدثتهم عن مشكلتك وسألت الأول إن كان بإمكانه إصلاحها فرد بقوله: حلها صعب ويأخذ وقتاً طويلاً ... أما الثاني فقال لك: أعرفها جيداً ولن يأخذ حلها أكثر من نصف ساعة ... جواب الثاني دل على ثقة بالنفس بشكل أكبر ... وفي الغالب ستختاره هو لإصلاح المشكلة ... رغم أن إجابة الأول لم تدل على أنه غير قادر على حلها ..
.
الثقة بالنفس هي من أهم العوامل التي تجعل البقية يفضلونك على غيرك ... ولكي تبين ثقتك بنفسك عليك أن تتحلى بالهدوء وضبط النفس ... وقد لا يجيد هذا الأمر الكثير ... خصوصاً إذا كان من يعمل المقابلة معك شخص يتعمد إثارة غضبك ...
ولكي تكون قادراً على ذلك ... دائماً انظر إلى عين الشخص الذي يجري معك المقابلة ... ضع عينك في عينه طول الوقت (مع إبتسامة هادئة) ... حتى وإن كنت تجيب عن سؤال أو تصف شيئاً معين ... لأن ذلك يشعره بأن ثقتك بنفسك كبيرة ولست قلقاً أو مرتبكاً ...
قد يسألك الشخص الذي يجري معك المقابلة أسئلة غريبة ... ولا دخل لها في التخصص أبداً ... قد يبدأ هو في البداية بسرد بعض المعلومات عليك لفترة من الوقت ... وبعد أن يسألك عدة أسئلة في مجال التخصص فجأة يسألك سؤالاً في نفس المعلومات التي جلس يمليها عليك في البداية ... وقتها سيعرف إن كنت مركزاً معه فيما قاله لك أم لا ...
قد تأتي بعض الأسئلة التي تحتاج إلى تفكير دقيق ... فمثلاً ... ثلاث بطات تسابقوا فيما بينهن ولم تسبق أي منهن الثانية ... فمن الفائز ؟؟؟ قد تقول لا يوجد فائز ... ولكن الإجابة هي أن البطة الثانية هي الفائزة فلم يسبقها أحد ...
قد تدخل وتغلق الباب ثم تتجه إليه فيقول لك: أغلق الباب لو سمحت ... لو استدرت لتغلقه فقد تنتهي المقابلة بالنسبة له ... نفس الشيء لو كنت جالساً أمامه وسألك: ما هو لون الجدار الذي خلفك ؟؟؟ فلو التفت إلى الخلف فلست بالشخص المطلوب بالنسبة له ... فمن المفروض أن تعرف اللون من خلال رؤيتك للون الجدار الذي أمامك ... فهو نفس لون الجدار الذي خلفك بالطبع ...
قد يتقابل معك شخصان ويتحدثان مع بعضهما عن جودة صناعة إحدى الكفرات على سبيل المثال ... يقول الأول أن كفرات X نوعية ممتازة ويرد الآخر بالإيجاب وأنه قد جربها وهو لا يواجه أي مشكلة معها ... ثم يسألك أحدهم: هل تعرف هذه النوعية من الكفرات ؟؟؟ فإن قلت نعم فلست بالشخص المطلوب ... فلا توجد كفرات بالإسم الذي ذكروه في البداية ...
لو كنت مبرمجاً في لغة معينة وطلب منك من يقابلك تقييم نفسك من 10 في برمجة تلك اللغة ... فإن قلت 10 من 10 ثم سألك سؤالاً في مجالها (ماهي وظيفة هذا الـ dll أو هذا الـ class أو مالفرق بين هذا الإصدار والإصدار الذي قبله) ولم تستطع الإجابة عليه فقد تكون المقابلة منتهية بالنسبة له ... فمن يقول 10 من 10 لابد أن يجيب على أصعب الأسئلة ...
قد تكون الأسئلة إستفزازية ... قد يستسخف أجوبتك أو يغالطك فيها رغم أنك متأكد من صحتها ... قد يسألك أحدهم مثلاً عن آخر مرة لك جلست فيها تبكي ... قد يسألك عن الفرق بينك وبين الحيوان ... قد يسألك ماذا سوف تفعل لو وجدت شخصاً جالساً مع أختك ...
هنا لا يبحث من يجري معك المقابلة عن الإجابة ... وإنما يريد معرفة مقدار ضبطك للنفس ومحافظتك على هدوءك مع الرد الهادئ الذكي لها ... فقد تستطيع القول بكل هدوء أن الحيوان غير عاقل بينما الإنسان عاقل ... أو القول أن الشخص الذي مع اختك بالطبع سيكون أخوها أو أبوها ...
هذه مقابلة شخصية ... فعليك توقع كل شيء فيها ... حتى أسوأ الأمور ... وعليك ضبط النفس وقتها ... فهي مقابلة شخصية ولها حالتها الخاصة التي توجب عليك التكيف معها ... فإن استطعت ذلك وإلا فهناك غيرك قادر عليها ... هم لا يريدون أشخاصاً لا يتحملون ضغط وعبء العمل ... هم لا يريدون أشخاصاً سريعي الغضب ولا يتحكمون في ألسنتهم في الأوقات الحرجة ... يريدون الأشخاص الأقوياء الذين لا ينهزمون أمام أقسى الظروف التي ستواجههم ... ولا تستغرب إن خيل لك أن من يجري لك المقابلة شخص غبي ... فأكثرهم يتعمد التظاهر بالغباء لكي يرى مدى تعاملك معه أو صدقك في إجاباتك ...
المقابلة الشخصية تعتبر امراً مهماً جداً بالنسبة للشركات ... فالشركة سوف تعتمد على الموظف وتدفع له الراتب ... فبالطبع سيهمها ما إذا كان الشخص المتقدم يستحق هذا الشيء أم لا ...
في أحد أيام المهنة في جامعة الملك فهد (وهو يوم تعرض فيه الشركات مميزاتها وتتطلع لتوظيف الخريجين المؤهلين) أتت احدى الشركات بشخص من الخارج متخصص في علم النفس في مجال المقابلات الشخصية ... أتت به لمدة اسبوع فقط لكي يختار لها الخريجين المتقدمين لها ... كان هو الكل في الكل هناك ورغم ذلك لم يكن يسأل أي سؤال ... كان فقط يرى طريقة إجابة كل شخص على الأسئلة التي يسألها بقية الموظفين الذين معه ... وبقية الموظفين ينتظرون الإشارة منه فقط ... حتى أنه أحياناً يتحدث معه الآخرين ولكنه يركز سمعه على طريقة إجابة المتقدمين للشركة ... وإذا قرر اختيار أحدهم كان يؤشر عليه بطريقة يفهمها الموظفين الذين معه ... ووقتها يسجلون اسمه من ضمن المقبولين في الشركة مباشرة بدون علم المتقدم ...
تلك الشركة أتت به لمدة اسبوع ودفعت له مبلغاً كبيراً فقط لكي يختار لها ... لأنها تعلم أن من يتم اختياره من قبله فإنها حتماً لن تواجه أي مشاكل معه في المستقبل ... ما هو السر في إختياره للمتقدمين ؟؟؟ كيف يعلم من الأسلوب فقط أن هذا الموظف يستحق الإختيار بعكس غيره ؟؟؟ لا أعلم ... ولكني أعلم أن الشركة لم تقدم على ذلك إلا وهي تعلم جيداً ما تفعله ...
في فرع من فروع الشركات العالمية الكبرى الموجود في الرياض تقدم أحدهم لطلب وظيفة ... كان معه من المتقدمين 15 شخصاً آخر بنفس المؤهلات ... دخلوا على مدير التوظيف واحداً واحداً وخرجوا جميعاً وجاء دوره هو ولم يبق سواه ... دخل على مدير التوظيف وكان إمريكي الجنسية جالساً يقرأ إحدى الكتب فتقدم إليه وعرفه بنفسه: إسمي فلان وقد أتيت للتقديم على الوظيفة التي أعلنتم عنها ... نظر إليه المدير نظرة استحقار ولا مبالاة وأخذ يمرر عينيه عليه من أسفله إلى أعلاه عدة مرات ثم رجع يقرأ الكتاب مرة اخرى ... فاستمر المتقدم واقفاً ينتظره وبعد فترة إنتظار كرر عليه: إسمي فلان وقد أتيت للتقديم على الوظيفة التي أعلنتم عنها ... فلم يلق له المدير أي اهتمام بل رفع نظره إلى احدى اللمبات وقال: هذه اللمبة تزعج عيني ولا أستطيع القراءة بإرتياح بسببها وأريدك أن تصلحها ... نظر المتقدم إلى تلك اللمبة فوجد إضائتها غير مستقرة فخرج من المكتب وبحث عن أي عامل هناك وعندما وجد أحدهم طلب منه سلماً ولمبة جديدة فأعطاه العامل ذلك ... أخذها ودخل إلى المكتب من جديد وقام بتغيير اللمبة فأصبحت إضائتها معتدلة ... أرجع السلم ودخل على المدير مرة اخرى فإذا بالمدير مباشرة يعطيه رزمة أوراق وقال له: هذا عقد التوظيف جاهز ولم يبق سوى أن توقع عليه ... فتفاجأ المتقدم من ذلك وقرأ العقد فإذا بالراتب عالي والمميزات ممتازة ... فسأل المدير: أنا مستعد أن أعمل بنصف هذا الراتب ولكن أخبرني ماذا يحدث ؟؟؟ قال له المدير: 15 شخصاً دخلوا علي المكتب هذا اليوم ... أنت الوحيد الذي وافق على تغيير المصباح ... وكان ذلك هو اختباري ...
كما قلت سابقاً ... عليك توقع كل شيء ... حتى أسوأ الأمور ... وعليك ضبط النفس وقتها ... فهي مقابلة شخصية ولها حالتها الخاصة التي توجب عليك التكيف معها ...
قد يكون هناك سؤال محرج ... (ما هي نقطة ضعفك ؟؟؟) طبعاً لابد من الدبلوماسية هنا ... فمن الأجوبة المفضلة على هذا السؤال هو القول: (نقطة ضعفي هي أنني لا أستطيع التوقف عند محاولة حل مشكلة معينة) ... أو القول: (لا أحس بالوقت عندما أكون في موضع لحل إحدى المشاكل) ... فإذا كانت إحدى تلك الإجابتين تنطبق عليك ... فلا تتردد في إختيارها ...
نقطة أخيرة مهمة ... في أغلب الأحيان تكون الخمس دقائق الأولى هي التي تحدد ما إذا كانوا سيوافقون على قبولك أم لا ... ولكن بقية الوقت هي للتأكد فقط ...

بالتوفيق جميعاً ... مما قرأت وأعجبني

[محاسب القاضى]

جزاك الله كل خير

[فارس الأحلام]

أنا لو فضلت أشكرك طول الوقت ما يكفيش الموضوع ده ممتاز شكررررررررررااااااااااااااااااااا جزيلا ليك

[ودفاضل]

شكرا جزيلا

[shehap]

السلام عليكم ورحمة الله وبركااااااااتة
موضوع جميل بس فى حاااااااااااااجة مهمة يفضل ترووووووووووووووووح النتر فيو باى بدلة غير السوداااااااااء لان السوداء بيدى انطباع انك لاتمتللك غيرها للمناسبااات فقط ومن الافضل تروح تزور المكاااااااان بنفسك وتاخد انطباع عن كل شى حتى لو كانت معلومة بسيطة ممكن تفيدك واله ولى التوفيق

[1accountant]

السلام عليكم ورحمة الله وبركااااااااتة
موضوع جميل بس فى حاااااااااااااجة مهمة يفضل ترووووووووووووووووح النتر فيو باى بدلة غير السوداااااااااء لان السوداء بيدى انطباع انك لاتمتللك غيرها للمناسبااات فقط ومن الافضل تروح تزور المكاااااااان بنفسك وتاخد انطباع عن كل شى حتى لو كانت معلومة بسيطة ممكن تفيدك واله ولى التوفيق



معلومة جميلة ومهمة ايضا

شكرا وتحياتي لك

[shehap]

السلام عليكم ولاحمة الله وبركاتة
ياااااااااااارب تكونو جميعا بخير وتكونو موفقين ياااااااارب
حصل معايا موضوع غريب ااااااااااااوى كان عندى انتر فيو فى شركة مقاولات وروحت وفضلت قاااااااااااااعد حوالى اربع ساعات امام اللى هيعملى الانتر فيو ولا قاااااالى انتا فين والشغلانة دلا انا كنت رايح عن طريق وااااااحد صااااااحبى المهم قاااااااعدو يتكلمو فى مواضيع انا ماليش علاقة بية خاااااااالص وانا سااااااااااااااكت لحد ما اتخنقت اوى بجد وبعد كدة المكتب فضى علينا بقست انا والمديربس قاعد بساااالنى حبة اسلئة هادية مخلص اية كدة يعنى وقاعد يفهمنى روح التعاون بين فريق العمل وكدة وبعدكدة قاعدنا نتكلم فى الدين وهو ياااااااااااجماعة عندو هساااااااااااااااس عربيااااااات بيحب العربيااااااااااااااااات اوى اخر حااااااجة ويمكن طول كلمنا عن العربياااااات والموديلات بس انا كنت حسااس ان فى قبوووووووول من ناحيتو لية والمهم فاااات حواااالى اسبوع وما كلمنيش ممكن يكوووووووووون اية السبب ااااااااااارجو الاهتمام وحد يرد على رساااااالتى

[محمد داوود]

بجد كلام جامد جداًَ

[المحاسبه توته الصغيوره]

مشكوووووووووووور

[ahmed saif]

بجد معلومات مهمة جداً جزاك الله خيراً .
انا ف مرة عملت انترفيوة فى شركة وسئلنى سؤال غريب جداً وهو اننى اقنعة ان اسرائيل دولة ولها الحق فى فلسطين .

[مصطفى22]

انا لسه متخرج
وبعد اللى قريته والله انا مقلق اروح اى مقابله

[comanda5050]

مشكوررررررر (مشكوررررررر(تم حذف الإيميل لأن عرضه مخالف لشروط المنتدى))

[ahmed sabbahy]

الله يكرم اصلك

[محمد الريفى]

احينانا نكون لجنه لعمل انترفيو لموظف فى نفس الدقيقه يسالك اكثر من شخص وذلك قبل ماتجاوب للشخص السابق
خلى بالك وده بيكون لمعلافة درجة التشتيت
ومعرفة درجة التحمل والضغط

[MooDShokRy]

السلام عليكم ورحمة الله وبركاته .
كل عام وأنتم بخير بمناسبة عيد الأضحى المبارك عاده الله علينا باليُمنٍ والبركات ووفقاًَ للوقوف بعرفات .

(http://www.aliahmedali.com/forum/showthread.php?t=1550##)هذه معلومات غاية فى الروعة والأهمية وأشكرك عليها جدا.

[Mr.MeBoOo]

موضوع مميز تسلم يا غالي

[أحمد جمال 1986]

رائع أخي الكريم

[major2011]

استاذ بجد مشكورررررررررررررررررررررررر

[نافع حسن الجندى]

بارك الله فيك

[hima14]

جزااااك الله خيرا

[ابو عمار1984]

استاذنا الغالى ممكن استعين ببعض هذه الخطوات اضيفها للكتاب المحاسبى
مع اسئلة الانترفيوا للمحاسبين
حيث اننى اعمل مدرب محاسبة وسعت جدا بالكلام الخاص بيك
لو وفقت حضرتك ممكن تبعتللى الف شكرا ليك

[ghostah]

انت استاذ كبير
و احب ابدي اعجابي و تقديري بافكارك

[lavender]

مساء الخير
احب اضافة ملاحظه
وهي ممكن يخلونك تنتظر وقت اطول من اللازم قبل المقابله والقصد ان يزيدوا من عملية التوتر

[ramy1eg]

tayeb we feen ba3d el interview
looooooooooooooooooool

[حسام هداية]

http://a7lashare.com//uploads/images/A7lashare-73e1af3563.gif

[house of wax]

جزاك الله خيرا ، انا عندي انترفيو بكره والحمد لله انا استفد كثيرا من كلامك الان

[ahmedsh89]

جزاك الله كل خير موضوع رااااااااااااااائع والله

[goldenhh1977]

عايز اضيف حاجة لان بعض هذه الاسئلة اتسألتها فى اكثر من انترفيو منها وعادة دا بيكون اول سؤال كلمنى عن نفسك فلازم تكون محضر كلام مختصر ومفيد وتجيب بشكل يوحى بثقتك فى نفسل ولكن لا تصل الى حد الغرور دا شيئ مهم جدا
ثانيا توقع سؤال مثل قولى حاجة انت عملتها فى شغلك احدثت تغيير مهم وتكون انت فخور بيها ؟؟
ثالثا بتعمل ايه لو قابلتك مشكلة فى شغلك؟؟؟
وربنا يوفق الجميع

[شغل فنادق]

الف الف الف شكر يا كبيرنا

[egmh2005]

جزاك الله خيرا موضوع رائع و الاسلوب اروع

[منه الله عمار]

شكرا جزيلا الموضوع بجد مهم و اوعدك انى هاحاول انفذ الارشادات دى بس المهم يكون عندى انترفيو و حلوه حكايه الذكاء دى ، وشكرا مره ثانيه

[hassanchat]

¯`'•.¸(¯`'•.¸, _________________ , .•'´¯) .•'´¯)
(¯`'•.¸(¯`'•.¸««««««««««««»»»»»»»»»»»¸.•'´¯).•'´¯)
--==>>>---> مشكوررررر ويسلمووووووووو <---<<<==--
(_¸.•'´(_¸.•'´««««««««««««»»»»»»»»»»»`'•¸_)'•.¸_)
(_¸.•'´(_¸.•'´¯¯¯¯¯¯¯¯¯¯¯¯¯¯¯¯¯¯¯¯ `'•.¸_)`'•.¸_)

[abdorashad]

mashkooor 3ala el ma3lomat

[Ahmed.Zaki2]

شكرا علي المعلومات المفيده جدا

[ahmed eltaher]

بجد موضوع هاااااااااااااااااايل الف مليون شكر

[acc eslam abdelfatah]

تسلم ايدك على الموضوع ..