ما هي الصيغة القانونية للشهادة التى يعتمدها المحاسب والنقابة نقلا من تحت التمرين

[aboshetta]

السلام عليكم
ارجو توضيح ما هي الصيغة القانونية للشهادة التى يعتمدها المحاسب والنقابة نقلا من تحت التمرين ارجو كتابة هذه الصيغة
كما ا رجو كتابة صيغة او شكل - بيان باهم الاعمال التى قام بمراجعتة اثناء تادية التمرين .
لانى عندما كنت بسجل محاسب تحت التمرين في سجل المحاسبين والمراجعين كان في كلمة في الشهادة او حرف بالتحديد رجعونى علية وهى مكان كلمة بصورة جدية كتبنا بصور جيدة وانا بسافر مشوار كبير حوالي 400 كيلو متر
وشكرا وبارك الله فيكم

[علاء سعده]

أدخل على اللينك ده و انت هتعرف كل حاجة ان شاء الله
http://www.togareen-egypt.com/tog/elkad-m-k.html (http://www.togareen-egypt.com/tog/elkad-m-k.html)
و على فكرة انا رجعوني من كام يوم علشان قائمة أهم الأعمال مش مكتوب فيها تحريراً في بالكمبيوتر و قلنلهم اكتبها يدوي قالوا مش ينفع و رجعوني تاني علشان المحاسب غير الأمضاء بتاعته لكن ختم المكتب زي ما هو قالولي أرجع و خلي المحاسب يمضي إمضاء زي شهادة تحت التمرين
و على العموم ربنا يقف لنا ولاد الحلال .

[علاء سعده]

و على فكره لازم يكون المحاسب اللي انت متسجل عنده مسدد جميع اشتراكات النقابة والا هتدفعها في النقابة العامه قبل ما يعتمدوا اي اوراق للمحاسب و يستحسن لو الاشتراك مدفوع تاخد ايصال السداد معاك و صور ايصال سداد المحاسب و ايصال سدادك انت كمان و خد معاك صورة من بطاقتك و صورة من الكارنيه بتاعك و اعمل حسابك على 60 جنيه دمغات نقابه و اشتري بحوالي 5 جنيه دمغات من البريد هما هيعوزوا 4 جنيه بس يعني اعل حسابك في زياده على شان مش تدوخ علشان خاطر دمغة بجنيه
و ربنا يوفقنا جميعاً

[علاء سعده]

شهادة
نشهد نحن / ....................................... المحاسب القانوني ( العنوان ) ........
بأن / ( أسم حضرتك ) ..................المقيم بـ ( عنوان حضرتك و ياريت يكون عنوان تفصيلي ).........
و الحاصل على بكالوريوس تجارة جامعة ........... دفعة .......... شعبة المحاسبة قد ألتحق بالمكتب
طـرفـنـا في ( تاريخ الالتحاق بالمكتب ) .... و قـيـد بـسـجل المحاسبين و المراجعين تحت التمرين بجلسة ( تاريخ التسجيل في سجل المحاسبين من واقع الشهادة التي ارسلها سجل المحاسبين و المراحعين ( تحت التمرين )
بـرقم ............ و قـد استمـر في الـتـمـرين حـتى ......... بـصورة جدية و متفرغ طـوال الـوقـت
و بــدون إنــقـطــاع ذلك وفـقــاً لمــا هــو ثــابــت في ســجــلات المــكـتـــب و مــســتـنـداتــه
عـلـمــاً بـأنــه مـؤمـن عـلـيــه لـدى هـيـئـة الـتـأمـيـنـات الإجـتمـاعـيـة فرع ( المدينة ) ـــ ( المحافظة )
بـرقـــم الـمـنـشـــأة / ( رقم تأمينات المحاسب القانوني ) ، ورقـــم قـومـــي / ( رقم حضرتك في التأمينات الإجتماعية )
،،، و قد أعطيت له هذه الشهادة لتقديمها لسجل المحاسبين و المراجعين ،،،
تحريراً في : ( التاريخ )
المحاسب القانوني
( ختم المكتب و توقيع المحاسب )
أرجو من الله أن تكون المعلومات مفيدة

[aboshetta]

شكرا يا جماعة بس اية شكل البيان المطلوب (بيان باهم الاعمال من تاريخ الالتحاق حتى الان ) يا ريت لو حد فيكم يرفق صورة من جميع الاوراق التى قدمت الى سجل لمحاسبين والمراجعين
وبارك الله فيكم

[Adam_smartvillage]

ياريت فعلا حد يفيدنا بشكل البيان انا بينى وبين القاهرة 1000كيلومتر ومش سهله اسافر كل المشوار ده على شان حرف ناقص او كلمة الرجاء وضع اى نموذج لبيان اهم الاعمال
شكرا

[krkrpop1988]

يا جماعة انا سبت المكتب المحاسب القانونى وانا محاسب تحت التمرين وروحت مكتب تانى وجيت اكمل ورقى فى السجل انقل للمحاسبين تانى قالة المفروض كنت تبلغ قبل ثلاثون يوم كدة المدة سقطيت وانا نقصلى سنتين علشان ابقا محاسب قانونى فى السجل قالة ارجع المكتب تانى اعمل نموذج 1 تامينات وبعد كدة اعمل استمارة 6 وتعالى بلغ قبل الثلاثون يوم هل كدة صح ولو خلصت 3 سنوات وروحت اجيب من التامينات شهادة انى مستمر فى التامينات 3 سنوات هل ايكتبة فى الشهادة انى قطعت شهر وممكن مش اخد الرقم القانونى ممكن حد يفهمنى اعمل اية

[nora asem]

السﻻم عليكم..انا بنقل من تحت التمرين الى محاسب قانونى عاوزه استفسر ...تحريرا فى ...اكتبها باى تاريخ ف شهادة المحاسب وفى بيان باهم اﻻعمال علما بان جلستى يوم 18/5/2014ياريت حد يفيدنى