قيود

[human resources assistant]

ما هي قيود الخاصة بتوريد ضريبه مبيعات الي مصلحة الضرائب وكذلك ضريبه الخصم من المنبع 1/2 %

[محمد نجيب احمد محمد السبا]

ما هي قيود الخاصة بتوريد ضريبه مبيعات الي مصلحة الضرائب وكذلك ضريبه الخصم من المنبع 1/2 %


السلام عليكم

ضريبة المبيعات يقوم البائع باحتسابها على فاتورة البيع وكما هو معلوم ان ضريبة المبيعات تستحق بمجرد اصدار الفاتورة وعند قيام البائع بتوريد قيمة الضريبة :

×× منح/ حسابات دائنة ( ح/ مصلحة الضرائب على المبيعات )

×× الح / البنك
=============================

اما ضريبة الخصم من المنبع وهى ضريبة الارباح التجارية والصناعية فيقوم المشترى بخصم قيمة الضريبة عند السداد النقدى وتوريدها الى مصلحة الضرائب بمعرفته والقيد :

من مذكورين

×× ح/ البنك ( المبلغ الصافى المقبوض )
×× ح/حسابات دائنة ( ضريبة أ0 ت 0 ص)

×× الى ح/ المبيعات

========================

[human resources assistant]

اخي الكريم جزاك الله خيرا واكرمك
بنسبة لقيد ضريبة المبيعات انا فهمته كويس لكن القيد الخاص بضريبه الخصم من المنبع انا مش فاهمها
قيد التوريد للمصلحة هيكون نفس القيد بتاع ضريبه المبيعات؟؟

[محمد نجيب احمد محمد السبا]

ضريبة الخصم من المنبع كما تعلم حضرتك هى ضريبة الارباح التجارية والصناعية ومن خصائص هذه الضريبة انه عند قيام المشترى بسداد فاتورة البيع للبائع يخصم المشترى قيمة ال1/2% الخاصة بالضريبة ويدفع الفرق للبائع فالنفترض ان قيمة الفاتورة 10000 ج اذن قيمة 1/2% هى 50 ج هنا سيقوم المشترى بسداد 9950 ج فقط الى البائع ويحتجز مبلغ ال50 ج حيث يقوم المشترى بتوريده الى مصلحة الضرائب 0

اذن الفرق هنا ان المشترى هو الذى يخصم ضريبة ا0ت0ص من المستحق للبائع ثم يقوم المشترى بتوريدها الى المصلحة بمعرفته ،

بعكس ضريبة المبيعات يقوم البائع بنفسه بفرضها (باضافتها ) على فاتورة البيع المصدرة الى المشترى ويقوم البائع بتوريدها الى مصلحة الضرائب 0

اذن القيد طبقا للمثال السابق :

من مذكورين :
9950 ح/ البنك
50 ح/ حسابات دائنة ( مصلحة الضرائب)

10000 ح/ المبيعات
=========================

هذا القيد يعتبر قيد اثبات للمبيعات وفى نفس الوقت قيد سداد او توريد المستحق لمصلحة الضرائب عن هذه العملية 0

ويعتبر هذا القيد قيد توريد لمصلحة الضرائب لان المشترى خصمه منى كبائع وورده بمعرفته الى مصلحة الضرائب 0 لان حضرتك لو رجعت للقيد حتجد احنا قلنا فى الجانب المدين تحت كلمة من مذكورين منح/ مصلحة الضرائب تحت بند الحسابات الدائنة اى بمعنى اخر ان المصلحة تم سداد المبلغ المستحق لها ولكن عن طريق المشترى 0

ارجو ان اكون اوصلت لك ماتريده وتحت امرك فى اى استفسار 0

[محاسب محمد سمير]

السلام عليكم أولا
سيدي الفاضل فيما يخص موضوع ضريبة المبيعات
فسوف اقدم لك قيد الاثبات و قيد الآقفال ( السداد )
عند اثبات المبيعات بالفاتورة يكون قيد الآثبات كالتالي
لو مبيعات أجله
من مذكورين
ح/ العملاء
ح/ضرائب مدينة ( ض.ا.ت.ص)
الي مذكورين
ح / الإيرادات
ح/ ضريبة المبيعات
لو مبيعات نقدية أو بنك
من مذكورين
ح/ الخزينة أو البنك
ح/ضرائب مدينة ( ض.ا.ت.ص)
الي مذكورين
ح / الإيرادات
ح/ ضريبة المبيعات
عند سداد ضريبة المبيعات
من ح/ ضريبة المبيعات
الي ح/ الخزينة أو البنك
أما فيما يتعلق بموضوع ضرائب الآرباح التجارية والصناعية
قيد الإثبات يكون الآتي
من ح / مصروفات العمليات أو النشاط أو أي كان مسمي المصروف
الي مذكورين
ح/ الخزينة أو البنك
ح/ ضرائب دائنة
ده في حالة السداد للمورد نقدي فيتم خصم ضرائب الدائنة وسداده بالصافي
أما لو كان أجل\
من ح / مصروفات العمليات أو النشاط أو أي كان مسمي المصروف
الي مذكورين
ح/ الموردين ( بالصافي )
ح/ ضرائب دائنة
وعند التوريد كل 3 شهور نموذج 41 خصم وتحصيل يكون قيد السداد هو كالتالي
من ح/ ضرائب دائنة
الي ح/ الخزينة لو نقدي أو ح / البنك لو شيك
هذا ما أعلم والله أعلم

[maro shams]

السلام عليكم
لوسمحت عندى سوال وارجو الافادة سريعا
بالنسبه لضريبة المبيعات اذا كانت الضريبه المدفوعه اكثر من المحصلة فهل يوجد قيد
وعند خصم الفرق من الشهور التاليه ما هو القيد؟
وشكرا

[ramy555]

شكرا على المجهود الرائع

[sherif_k22]

بسم الله الرحمن الرحيم
السؤال ألى أنت بتسأله مهم جدا بالذات لضريبه المبيعات ولازم تمشى فيها مظبوط علشان ميطلعش عينك فى الفحص بتعها
فيه شويه إجرأت حتخدها حتريحك فى حسبها وفى الفحص بتعها
1 - أفتح لحساب ضريبه المبيعات عمود فى اليوميه العامه
2 - أفتحلها أستاذ مساعد
3 - الفواتير الأصليه صورها وحط الأصل فى أكلاسير و الصوره سوى بيها فى القيد
4 - أكتب على كل صوره رقم تسويتها فى اليوميه
5 - متنساش تطلع تقرير ضرائب المبيعات كل شهر بناء على الأستاذ المساعد ولازم يكون جانب المشتريات فى التقرير يساوى الجانب المدين من حساب ضريبه المبيعات و جانب المبيعات يساوى الجانب الدائن
أما بالنسبه للقيود فهى سهله
أنت أشتريت حاجات بمبلغ 100000 جنيه ضريبتها 10000 جنيه فيكون القيد
100000 من حـ / المخزن
10000 من حـ /ضريبه المبيعات
110000 إلى حساب الموردين
أنت بعت حاجات ب 150000 جنيه و ضربيتها 15000 جنيه يبقى القيد
165000 من حـ / العملاء
150000 إلى حـ / الأيرادات
15000 إلى حـ / ضريبه المبيعات
بعد تجميع القيود ولو كانت مشترياتك أكتر من مبيعاتك يبقى مش حتدفع حاجه
لو مبيعاتك أكتر من مشترياتك الفرق حتدفعه ويكون القيد
الجانب المدين 10000 و الدائن 15000 و الفرق 5000 لازم تدفعهم
5000 من حـ /ضريبه المبيعات
5000 إلى حـ / البنك
خلى بالك أنت ليك سماح شهرين علشان تبعت الأقرار يعنى إقرار شهر أكتوبر أخرك تقدمه فى ديسمبر
هذا والله أعلم و بالتوفيق

[ahmed_429]

الله اكبر الله اكبر