تسجيل الدخول

مشاهدة النسخة كاملة : بدايه الطريق نحو محاسب متميز

wfaa
02-26-2009, 05:56 PM
انا خريجه جديده ومش عارفه ابدا منين
وعارفه ان السؤال ده كتير اوي من الي بيسالوة
عشان كده محتاجين حد من الاساتزة الافاضله انهم يتكرموا ويقدمولنا شرح مفصل للبدايه السليمه وايه هيه الخطوات الاولي والايجابيه لان احنا مشتتين نبدا منين بالضبط يعني عايزين نعرف نبدا بايه من انواع الكورسات ايه هيا الشهادات الي نبدا بيها المراجع او الكتب الي لازم ندرسها ونكون ملمين بيها والحاجات الي تكون ايجابيه وهتاثر علي مستقبلنا بالايجاب
وتحديدا عن نفسي انامحتاجه حد يعرفني البدايه الصح لاني عايزة افتح مكتب محاسبه وعامل الوقت مهم جدا بالنسبالي
ويبقي جزاكم الله كل خير
ويجعلها الله في ميزان حسناتكم
ايمان حسن
02-26-2009, 06:23 PM
ممكن ان تدخل علي الجزء الخاص بالشهادات والتاهيل المهني وسوف تجد باذن الله ما تريدي ان تاخذيه
وربنا معاكي ان شاء الله
wfaa
02-28-2009, 02:45 PM
مشكوره كتير يا اخت ايمان
واتمني الله يوفقني والتوفيق للجميع
kazameza73
03-01-2009, 12:08 AM
بصي يا وفاء لو عايزه تفتحي مكتب محاسبه يبقي لازم تدربي في مكتب محاسب قانوني ملهاش حل غير كدا لانه الوحيد اللي لازم يسجلك الاول وبعد 3 سنين ان شاء الله تبقي محاسبه قانونيه وتقدري تفتحي مكتب بس المشوار طويل وعايز صبر وربنا يوفقك وتبقي محاسبه ناجحه ان شاء الله
wfaa
03-02-2009, 05:30 PM
اولا مشكور اوي علي اهتمامك وردك
ثانيا طيب والشهادات او الكورسات او الحاجات الي لازم اكون ملمه بيها الي هتاهلني يعني
وترتيبها
وانت رايك ان البدايه هيا الشغل في مكتب المحاسبه؟
ابدا بالشغل يعني لاني عايزه اعمل لنفسي خطه ناجحه واسير عليها
وجزاك الله كل خير
kazameza73
03-02-2009, 06:57 PM
بصي يا وفاء لازم في الاول طبعا تكوني فاهمه محاسبه كويس وطبعا لو كنتي نسيتي زي معظم الخريجين يبقي لازم تراجعي كتاب اصول المحاسبه الماليه عشان يكون عندك فكره عامه عن المحاسبه وفي الغالب معظم اصحاب المكاتب بيسألو في الاساسيات دي انا شخصيا مريت بالتجربه دي ورحت اكتر من مكتب في البدايه ولقيت ان معظمهم بيسألو في اساسيات المحاسبه يعني هيقولك ايه هو رأس لمال العامل وفرقي بين الاصل الثابت والمتداول ايه هيا الدوره المستنديه وكل ده هتلاقيه في الكتاب اللي قلتلك عليه وبالنسبه للكورسات فمتحاوليش تاخدي في الكمبيوتر غير وورد واكسيل غير كده مش هيفيدك اما اللغه فحاولي تتطوري فيها ودي بتيجي خطوه خطوه ومتستعجليش عليها والاهم من الكورسات هو مكتب المحاسبه لان في الاول والاخر انتي عايزه تبقي محاسبه وفي المكتب هتتدرربي علي كل حاجه في المحاسبهاانا عن نفسي مخدتش اي كورسات وركزت علي مكتب المحاسبه والحمد لله اشتغلت دلوقتي في شركه ودلوقتي بدأت اطور نفسي في الانجلش انا طولت عليكي وارجو انك تعرفي الطريق الصحيح بسرعه وربنا يوفقك
zorp
03-03-2009, 07:39 PM
ربنا يوفقك
لان الحماس اليى عندك مش عند اى حد من الخريجين الشباب والبنات
وممكن افيدك واستفيد منك فى المحاسبة
المحاسب ابراهيم ممدوح