طلبة التجاره بالجامعات

[ma7moud 3bd elra7man]

بسم الله الرحمن الرحيم
انا طالب بكلية التجاره جامعة بنها كنت عاوز اتكلم على الانشطه التى يمكن القيام بها اثناء دراسة المحاسبه فى الجامعه,
ما الذى يمكن القيام به اثناء الدراسه ليجعلنى قادر على الرؤيه السليمه لمجال المحاسبه؟
ياريت من اراء الساده الاعضاء ونصائحكم وتجاربكم ان امكن,.................... واشكركم.

[kazameza73]

بص يا محمود الاول لازم تعرف كمبيوتر كويس لو متعرفش ابدأ بكورس فيه وبعدين حاول تقوي نفسك في الانجلش دا اهم حاجه وبعد كده عليك وعلي دورات المحاسبه بالكمبيوتر وبعد التخرج ان شاء الله حاول تدور علي مكتب محاسبه تتدرب فيه وربنا يوفقك

[هبه قربت اخلص]

السلام عليكم
علي فكره قبل الكمبيوتر والانجلش والكلام ده اللي كلنا بنسمعه
لازم الاول تكون فاهم محاسبه صح احنا الدكتور نصحنا علشان نعرف محاسبه صح نقرا كتب اساسيات المحاسبه الماليه مثلا
هبه رابعه تجاره

[kazameza73]

بصي يا هبه انتي كلامك صح بس ازاي يعني يفهم محاسبه امال هو بيعمل ايه في الكليه انا بتكلم علي الكورسات دي اكيد مع فهمه للمحاسبه اما لو كان مش فاهم محاسبه فالمشوار كده هيبقي طويل ومحتاج لمجهود كبير ونصيحه مني يا هبه متسمعيش كلام الي يقولك ان الكليه ملهاش لازمه وان الشغل حاجه تانيه بالعكس اساسا لما بتعملي انترفيو في اي مكان بيسألك في الي كنتي بتدرسيه وربنا يوفقك وتبقي محاسبه ناجحه ان شاء الله بعد الكليه

[ahmed refaat]

ياجماعه يفهم بمجاسبه اوك يتعلم كمبيوتر ماشى لاكن خدوا بالكو التطبيق العملى يختلف خالص عن الدراسه وده فى كل مجال على حده بس الكمبيوتر والمحاسبة كمبادء ضرورى
احمد رفعت
استشارى ضرائب
مكتب د.عبد العزيز حجازى

[فوكس]

بالاضافة الى فترة تدريب بمكتب محاسبة حيفيدك جدا

[امال الملطاوي]

علي فكره لازم تتدرب في مكتب محاسبه ولاكن يا ريت تتدرب في مكتب بيدرب عملي من خلال دفاتر فعليه

[مروة طه]

السلام عليكم ورحمة الله وبركاته
من خلال تجربتى الشخصية حضور المحاضرات والفهم السليم لقواعد المحاسبة والتى يتم أخذها خلال الدراسة هى اهم شئ يأتى بعد ذلك تنمية المهارات من خلال تتعلم الحاسب واللغة ولكن الأساس هو فهم قواعد المحاسبة حتى يتسنى للدارس فهم ما يقال له فى اى مقابلة شخصية
وكلما زاد الفهم للقواعد المحاسبية والتوسع فيها كلما كان من السهل تخطى عقبات كثيرة
وتعقيبا لكلام سيادتكم التطبيق العملى فى الحياة العملية هو جزء متخصص من دراسة موسعة ولكن لا يستطيع احد ان يقول ان التطبيق العملى شئ والدراسة شئ اخر
محاسب مروة طه

[madianm]

طيب عاوز مكتب جيد اتدرب فية اثناء اجازة الصيف

[EGY-DREAM]

السلام عليكم

كنت عايزة استفسر عن قسم نظم ومعلومات بكلية تجارة , ايه مميزاته وعيوبه ومجالات العمل به ؟؟؟

لاني حابه ادخله ان شاء الله ,, بس محتاجه حد يساعدني

[بـــــوجى]

حبيبى مع احترامى لاراء كل الاخوة على راسنا
من وجهة نظرى المتواضعة ونظرا لخبرتى المتواضعة داخل وخارج مصر
احي اقول لحضرتك سر ومفتاح النجاح فى المهنة هاد هوا
الانجلش ثم الانجلش ثم الانجلش باقسامة الاربعة
محادثة كتابة قراءة استماع
لازم تكون بيرفكت علشان تقدر تلاقى فرصة حلوة فى شركة كويسة
انما ما تضيع من عمرك فى مكاتب المحاسبة اللى مو هاتستفيد منها شى
بس تضييع لوقتك ومش هاتتعلم الا ازى تضرب الميزانيات وتلفق اقرارات ضريبية
انا شوفت وبشوف كل يوم وبلمس حقيقة اهل الشام (فلسطينى / اردنى / سورى / والهم لبنانى) مرتباتهم ادنا مرتين وتلاتة مع انهم اضعف مننا بالمهنة بس اقوى مننا بالانجلش دى حقيقة بلمسها كل يوم اسمع منى
والله دا اللى عندى وانت على راحتك
وبالتوفيق

[mesalamy]

ووفك الله الى كل خير