تسجيل الدخول

مشاهدة النسخة كاملة : خريجه جديده

mervat
01-13-2009, 11:23 PM
السلام عليكم
انا عضوه جديده فى المنتدى وخريجه جديده
و اتمنى انى اكون محاسبه ناجحه بس مش عارفه ابدأ ازاى
هل المفروض ابدأ بكورسات لغه و كمبيوتر
ام التدريب فى مكاتب المحاسبه
وهل المكاتب اللى بتعلن عن كورسات المحاسبه بمقابل مادى فعلا مفيده
وهل ممكن الاقى وظيفه بدون خبره
و جزاكم الله خيرا
رجب شحاتة
02-19-2009, 03:23 PM
عليك التدريب والعمل بمكاتب المحاسبة وبلاش موضوع الكورسات علشان بقنت اكل عيش لبعض الزملاء
mervat
02-19-2009, 11:25 PM
جزاك الله خيرا
شكرا أ/ رجب
zorp
03-05-2009, 06:21 PM
ممكن اسعدك ونشترك مع بعض فى مواضيع المحاسبة
المحاسب ابراهيم ممدوح
sasa
03-08-2009, 06:29 PM
انا مع اخذ دورات في اللغة وكورسات في المحاسبة فهي مفيدة جدا ودورات في الكمبيوتر كل ذلك يجب اخذه في الاعتبار قبل القدوم الي سوق العمل فهذه الاشياء تعوض بعض الشيء عن عنصر الخبرة التي يتم اكتسابها عن طريق الواقع العملي
محمد رميح
03-13-2009, 05:48 AM
عليكى بالتدريب فى مكتب محاسبة لفترة على الاقل سنة حتى تتمكنى من معرفة القدر المناسب الذى يمكنك من العمل فى اى شركة ولكن مع التدريب انصحك بالقراءة ثم القراءة فىكافة المجالات المتعلقة بالمحاسبة والضرائب والأجراءات ، كما انصحك اختى العزيزة ان تحددى انت عايز ايه تشتغلى محاسبة فى اى مكان وخلاص ام تتمرسى فى مهنة المحاسبة والمراجعة ولكل مجال متطالباته .

وشكرا محمد رميح
فوكس
03-13-2009, 04:21 PM
جزاكم الله كل خير.......
رحاب1985
03-31-2009, 07:55 PM
مرفت
اخبارك ايه؟
بدايه انتي عارفه انتي عايزه تبقي ايه؟
هل حددتي مجالك ومكانك مبدايا
يعني قدام اي خريج كليه تجاره كتير من المجالات وكلها مغريه بس كلها ليها متطلبات
قدامك بنوك وشركات ومكاتب محاسبه والبورصه
وكلها فالاساس محتاجه
لغه وكمبيوتر .......................ده اساسي عشانك وعشان

بمعني انه لازم يكون عندك لغه وتعرفي تتعاملي مع الكمبيوتر وورد واكسيل واكسيس وده ممكن تتعلميه مش لازم في اماكن غاليه وكبيره المهم انك تتعلمي ايا كان المكان وتكوني شاطره في دي
ثانيا واثناء كورسات الكمبيوتر والانجليزي تعرفي مجالك
وتقدمي السي فيفي كل حته فالدنيا
متقوليش ده اه وه لا
لانه وبصراحه شديده البنوك والشركاتمش ستنيانا عشان نشتغل فيها
احنا اللي عايزين نشتغل
لازم تسالي نفسك سؤال مهم
ايه الميزه اللي فيكي عن زمايلك؟
ايه اللي حيخليكي افضل من كل المتقدمين او من الافضل؟
واكيد حتلاقي الاجابه
دعمي نفسك باللغه والحاسب والمحاسبه صدقيني وعن تجربه حتحققي خطوات ابته وقويه
بس المهم تستمري مش اول درجه فالسلم هي اللي بنتمناه بس المهم اننا نسعي للقمه
اتقي الله وتوكلي عليه
هشام حلمي شلبي
03-31-2009, 10:40 PM
السلام عليكم
انا عضوه جديده فى المنتدى وخريجه جديده
و اتمنى انى اكون محاسبه ناجحه بس مش عارفه ابدأ ازاى
هل المفروض ابدأ بكورسات لغه و كمبيوتر
ام التدريب فى مكاتب المحاسبه
وهل المكاتب اللى بتعلن عن كورسات المحاسبه بمقابل مادى فعلا مفيده
وهل ممكن الاقى وظيفه بدون خبره
و جزاكم الله خيرا


علشان تبني نفسك صح محتاجة 3 حاجات لا غني عنهم
1- المعلومات المهنية ( ودي تحصليها من انك تاخذي بالك من دروسك قوي وتحصلي مادة علمية قد ما تقدري وتلخصي المواد اللي بتاخذيها في الكلية وتحتفظي بيها والرجوع اليها كل فترة )
2- الانجليزي ( ولازم تبدأي فيه من دلوقتي ومش لازم تاخذي في الجامعة الامريكية او البريتشكانسل لا خذي في اي معهد بسيط او ادرسي انتي في البيت المهم انك لازم كل يوم تكوني عاملة اضافة لكي في اللغة )
3- الكمبيوتر خاصة دورات الافيس ودا سهل تحصليه في فترة وجيزة حتي لو بعد الجامعة
youssef sallam
04-23-2009, 01:35 AM
جزاكم الله خيرا على ردودكم المفيده
انا كمان استفدت منها
hossam.nasr
05-02-2009, 01:40 PM
بسم الله الرحمن الرحيم
لازم الانسان عشان يثبت نفسه فى عصر السرعة وتنافس المهارات والمستويات ومحدودية فرص العمل
ان يسلح نفسه باحدث اساليب العصر مثل الكمبيوتر والتدريب العملى فى المجال الرغوب فيه حتى نصل بعقولنا الى اقصى درجات عطائها.........

شكرااااا
حسام نصر طالب بالفرقة الرابعة كلية التجارة