عاوز اعرف انهى القدين صحيح

[doctoorbing]

السلام عليكم ورحمة الله وبركاته
لو سمحتم يا جماعة
انا عاوز اعرف انهى قيد فى الاتنين دول صح
اوا خما ااتنين صح
انا قصدى انهى اللى بيستعملوه مكاتب المحاسبة
وانهى لو مكتب محاسبة راجع عليا مش هيطلع عليا اعتراضات
من ح / مصروفات ادارية وعمومية - واحط تحتها المصروف
الى ح / النقدية

ولا اكتب من ح / المصروف ( ايجار مثلا )
الى ح / النقدية
ياريت رد ضرورى لان الموضوع دا قالقنى
خايف من القيد دا
اعمله بتحليلى زى الاول ولا لا
اعمله زى التانى

[البشكاتب]

لاء بص خلية بتحليلك الأول احسن بس تيجى فى اخر القيد يعنى بعد ماتعمل القيد تطعمة بشرح يوضح ان المصروف دة اتصرف ازاى وبس ياعم ودة ولا دة صح إيزى يامان ن ن ن ن ن

[البشكاتب]

لاء بص خلية بتحليلك الأول احسن بس تيجى فى اخر القيد يعنى بعد ماتعمل القيد تطعمة بشرح يوضح ان المصروف دة اتصرف ازاى وبس ياعم ودة ولا دة صح دونت وررررري إيزى يامان ن ن ن ن ن

[eldabody]

السلام عليكم ... الاخ العزيز

بحكم خبرتى البسيطه فى العمل بمكتب محاسبه لمده ثلاث سنوات احب اوضح لك بعض النقاط :

اولا مكاتب المحاسبه مش بستعمل قيود لان الغرض منهاهو المراجعه على القيود والموازين والارصده.

ثانيا الشكل التحليلى التانى افضل من وجهه نظرى لانه هيوفر عليك انك تقعد تحلل المصروفات العموميه والاداريه فى نهايه السنه بمعنى انك لو مسجل حساب الايجار برقم حساب فرعى من حساب المصروفات العموميه والاداريه مش هتحتاج غير انك تكتب رقم الحساب الفرعى
وبند المصروفات العموميه اللى هو حساب اساسى يشمل بالطبع اجمالى كل الحسابات الفرعيه اللى تحته زى الايجار والكهرباء ومرتات الاداره وخلافه...
ثالثا مراجعين مكتب المحاسبه مش هيعترضوا على اى من القيدين لانهم الاتنين صح لكن لو التوجيه المحاسبى فيه خطأ فى الحاله دى بس هما اللى هيوجهك مثلا مصروف مرتبات تشغيل وانت سجلته على مرتبات العموميه والاداريه
رابعا متخافش من مراجعى مكتب المحاسبه لانهم بشر وهدفهم هو توجهيك للصواب والتاكد من ان القوائم الماليه تعبر بصوره فعليه عن المركز المالى للمنشأه .
و طالما انت تؤدى عملك بضمير ومفيش حاجه تخاف منها فاى اخطاء هما يوضحوهالك حاول انك تستفيد منها ومن خبراتهم وتتعلم من اخطاءك واقرا فى معايير المحاسبه المصريه لان دا قانون المحاسبه اللى يفصل بينك وبينهم فى اى خلاف معاهم بخصوص المحاسبه ( طبعا دا بعد ما تكون اخدت شويه خبره من العمل والدراسه المهنيه )

رئيس حسابات شركه بالمملكه العربيه السعوديه
خالد محمود عمر

[أمير العرب]

فى رايى القيد الاول اصح لانك بالقيد الثانى هتفتح حسابات كتيرة فى الامريكية
لكن القيد الاول ممكن تلم جميع المصاريف العمومية والادارية تحت بند واحد وممكن بعد كده تعمل تحليل للمصاريف الادارية وده مطلوب لانك لازم تفرق بين المؤيد وغير المؤيد

[zorp]

اشرح القيد

[خليفة جاويش]

السلام عليكم ورحمة الله وبركاته
الظابط الرئيسى للقيد هو بنود الحسابات فى اليومية الإمريكية
لو أنت فى اليومية الأمريكية جامع كل بنود المصروفات فى بند واحد اسمه المصروفات الإدارية والعمومية
يبقى القيد الأولا هو الصحيح وبعدين يجب عمل تحليلى للمصروفات العمومية - وهذا هو المتبع من قبل أكثر المحاسبين -
أما لو أنت كاتب بنود المصروفات مفرقة مثل بد الإيجار أو بند الكهرباء أو بند المرتبات أو......
يصبح القيد من حـ/ نوع المصروف (إيجار , كهرباء ,تليفون .مرتبات
إلى حـ/ النقدية أو البنك
والله الموفق

[mody mody]

انا مع رأى الاستاذ خليفة هو الراى الصواب
واالله الموفق

[medkhaled1979]

السلام عليكم ورحمة الله وبركاته
الظابط الرئيسى للقيد هو بنود الحسابات فى اليومية الإمريكية
لو أنت فى اليومية الأمريكية جامع كل بنود المصروفات فى بند واحد اسمه المصروفات الإدارية والعمومية
يبقى القيد الأولا هو الصحيح وبعدين يجب عمل تحليلى للمصروفات العمومية - وهذا هو المتبع من قبل أكثر المحاسبين -
أما لو أنت كاتب بنود المصروفات مفرقة مثل بد الإيجار أو بند الكهرباء أو بند المرتبات أو......
يصبح القيد من حـ/ نوع المصروف (إيجار , كهرباء ,تليفون .مرتبات
إلى حـ/ النقدية أو البنك
والله الموفق
انا مع الاستاذ خليفة جاويش في رأيه في الحالتين ولكن رأئ الشخصي ان تجميع كل المصرفات العمومية والادارية تحت حساب رئيسي واحد وعمل تفريعات تحليلية منه هو الافضل

[أمير العرب]

شكرا للاستاذ خليفة

[HGH]

سلامى انا رأى من رأى الاستاذ خليفة لانى عامل تحليل للمصروفات الادارية والعمومية فى اليومية الامريكية

وفى حاجة تانية المراجع له انك بتسجل وبتتعامل مع العملية صح وهو له المجاميع الى انت حتطلعها فى الاخر

وشكرا

[mody mody]

مشكوووووور والله يعطيك الف عافيه
c.a

[abou_abou555]

كلامك مضبوط الصح
من ح/ مصروفات عمومية
- ايجار
الي ح/ الصندوق

[newswancafe]

بص ياعم الدكتور

اولا لازم تفرق بين المصروفات العموميه و مصروفات التشغيل
وفى حالتنا هذه نوع المصروف عمومى وتحتيه تكتب نوع المصروف العمومى كا؟لأتى:

حـ/ المصروفات العموميه
ايجار.........

حـ/ الصندوق (فى حاله السداد النقدى)
حـ/ البنك (فى حاله السداد بشيك ) ويظهر فى كشف البنك.

ثم تشرح القيد فى اربع كلمات بالضبط
(سداد مصروف الأيجار فقدا او بشيك )


وربنا يوفقك فى شغلك.

[gamalin]

اخواني
كما تفضل الاخ
القيدين سليمين من الجهه المحاسبية
والفارق هو مستوى التحليل ويحكم ذلك امور تختلف من منشأة لاخرى
فالشركات التي تستخدم برامج القيد بها يكون على المستوى التحليلي يعني من حـ/ مصروف الايجار
وحتى الشركات التي بها تحليل مصروفات في يوميات منفصلة ايضا تحتاج الى التسجيل على الستوى التحليلي اولا و بعدها التسجيل في اليويمة العامة بالمستوى الاعلى وهو المصروفات العمومية
لذا فالتسجيل على المستوى التحليلي يتيح قدرا من التقارير افضل واسرع حيث يمكنك عمل استاذ على حـ/ مصروف الايجار وتعرف ايه المسدد وايه المتبقي وخلافه وهو ده الهدف من الحسابات التحليلية
و ايضا مكتب المحاسبة ليس رقيبا لتقييم عملك ولكنه جهه محايده لتعطي مصداقيه وتوكيد على البيانات والتقارير المالية المقدمة واعطاءها درجة عالية من الثقة لكل المتعاملين بها والمطلعين عليها لذا فهو مكمل لاداء المحاسب وليس بديلا له ولا رقيبا عليه وحاول جاهدا تتعلم من مراجعاتهم