عاجل: بجد محتاره

[evansa]

السلام عليكم ورحمة الله وبركاته:
انا فى تجاره انجليزى السنه دى اخر سنه انشاء الله وبجد محتاجه مساعدتكم بجد
مش عارفه اتخصص اداره او محاسبه بصراحه انا بجيب تقديرات احسن فى مواد الاداره
لكن المحاسبه بزاكرها كويس وبحبها لكن مش بعرف احل فى الامتحانات كويس يعنى بنجح فيها بالعافيه
المشكله بقى انى عايزه اشتغل فى بنك وطبعا دا محتاج تقدير اولا وانا حتى الان التراكمى بتاعى مقبول .....
وسمعت عن Cma وانها بتساعد ناس انهم يشتغلوا بيها فهل تشترط ان اللى بياخدها لازم يكون متخرج من قسم محاسبه ولا ينفع لو متخرج من قسم اداره وياخدها
بجد محتاجه نصيحتكم ايهما الافضل بالنسبه ليا : انى ادخل محاسبه ومعاها Cma
او انى ادخل اداره ولونفع معاها Cma
وبالنسبه لو دخلت اداره هيبقى الشغل بتاع القسم ده فى البنوك ايه؟؟؟؟
ارجو لاهتمام والرد من دوى الخبره
لان الدراسه الاسبوع القادم انشاء الله....

[على أحمد على]

اختيارك للعمل فى البنوك .. يكون أفضل لك أن تخصصى فى شعبة المحاسبة فهى أعم وأشمل .. يعنى من تخصص فى شعبة المحاسبة يستطيع العمل فى مجالات المحاسبة وكذلك مجالات الإدارة ، بينما من يتخصص فى شعبة الإدارة .. فإن فرصة مزاولته لمجالات وأعمال المحاسبة .. تكون نادرة .. وسيجد صعوبة فى الحصول على وظيفة محاسبية..

أما الشهادات التأهلية الأخرى ..يمكنك التفكير فيها بجدية بعد إجتيازك الشهادة الجامعية.. والله الموفق....

[evansa]

شكرا ا/على على ردك واهتمامك

[علاء_الدين]

سلام عليكم - انا راي انك لازم تدخلي قسم محاسبة لأن مجالاتها متعددة فى العمل اما الإدارة ففرص عملها قليلة - وبالنسبة للعمل فى البنوك حاولي فية ولكن لا تضعى كل طموحك فية لأن ممكن يحصل اى شيء و متشتغليش فى البنوك - اما موضوع الشهادات المهنية فهى سوف تجعلك تعملى فى اماكن احسن من البنوك بكثير وعن تجربة - واخير ا ربنا يوفقك ويوفقنا جميعا [email protected]

[evansa]

شكرا ا/ علاء على رايك واهتمامك

[trekaaa]

أنا من رأيى تتخصصى محاسبه..أفضل .
لأن مجالات المحاسبه فى الشغل بعد كده أكتر وأشمل
حتى وإن كنا بنلاقى مواد الادارة اسهل ونفهمها احسن من المحاسبه
بس المحاسبه هتييجى واحده واحده بالممارسه.
أنا أيضا خريج تجارة انجليزى 2006 محاسبه
وان شاء الله هأبدأ...CMA فى منتصف أكتوبر .هأبدأ بالبارت الأول ان شاء الله
ادعووووولى ربنا يوفقنى واقدر أخد الشهاده .
ولأى استفسار انا فى الخدمه...ويارب اكون قدرت اوصل حاجه

[email protected]

[وليد الجد]

لازم تتخصصي في المحاسبة لانها ستفتح امامك فرص عديده للشغل

[Mamdouh254]

طبعا بعد الكلام اللى أتقال مش هاقول جديد فعلا علم المحاسبة ده شيق جدا وانا بموت فيه تتخيلى انى كنت ايام الدراسة بكره حاجه اسمها محاسبة لكن لما اتخرجت وعملت دبلوم دراسات عليا حبيت المحاسبة جدا وان شاء الله داخل على خطوة السى ام ايه .

وعلى فكرة ليا اصحاب كتير دخلوا اقسام غير المحاسبة وندموا توكلى على الله وادخلى محاسلة لانه فعلا اعم واشمل وشغلة كتييييييير ان شاء الله ولو ربنا كرمك وختى السى ام ايه ان شاء الله هاتفرق كتيييييير طبعا
وعلى فكرة بعد ماعديت الدبولمة انا دولقتى فى تمهيدى ماجستير ادعولى ربنا يوفقنى واقدر اوفق بين الماجستير والسى ام ايه اللهم امين...................

[احمد عبدالغني]

السلام عليكم الاخت الفاضله/ تحيه طيبه.
كليه التجاره بجميع اقسامها ممتعه ولكن الواقع العملي حقيقه لا ينكرها احد ان قسم المحاسبه هو الرائد في مجال / سوق العمل في مصر وخلاف ذلك يعتبر نفاق للواقع العملي علي الرغم من ان قسم الاداره يعتبر من الاقسام ذات الاهميه الا ان دورها لم يبرز في سوق العمل المصري الا في بعض المنشات ذات الطابع الخاص وللامانه المهنيه ان كنتي تفكرين في اختار قسم للتخصص فهو المحاسبه بلاشك ولكن يتطلب علم المحاسبه حب لهذا التخصص الرائع والرائج في سوق العمل المصري
والله الموفق...........
الزميل / احمد عبدالغني