سؤال فى ضريبه الاضافه

[ramy aw]

سؤال بخصوص ضريبه الإضافه الجديده هل بيتم اضافه المبالغ المحمله عليا كضريبه اضافه فى نموذج 41 خصم وتحصيل ويتم خصمها من المبالغ التى قمت بخصمها (ضريبه الخصم ) وتوريد الفارق لمصلحه الضرائب ام يتم ادراج المبالغ المخصومه فقط وتوريدها ولو تم ذلك فهل يتم اضافه مبلغ الاضافه على اجمالى الفاتوره فى حساب المورد لدى

[ahmed_gh]

يجب التفرقة بين حالتين
الحالة الأولى : عند الشراء (مشتريات)
- في هذه الحالة انت المشتري بتخصم من المورد ضريبة خصم 0.5% على فاتورة الشراء وانت ملزم بتوريدها لمصلحة الضرائب بنموذج 41 خصم وإضافة وتحصيل في المواعيد المعروفة .
- وفي نفس الوقت المورد بيضيف عليك ضريبة إضافة 1% مثلا ً (المورد بيوردها لصالحك بالضرائب) رصيد مدين ليك ويتم خصمها بإقرار ضريبة الدخل أخر السنة من الضريبة المستحقة .
الحالة الثانية : عند البيع (مبيعات)
- في هذه الحالة انت البائع بتضيف ضريبة إضافة 1% على فاتورة البيع وانت ملزم بتوريدها لمصلحة الضرائب بنموذج 41 خصم وإضافة وتحصيل في المواعيد المعروفة .
- وفي نفس الوقت العميل بيخصم منك ضريبة خصم 0.5% "مخصومة من المنبع" (العميل بيوردها لصالحك بالضرائب) رصيد مدين ليك ويتم خصمها بإقرار ضريبة الدخل أخر السنة من الضريبة المستحقة .

[ramy aw]

كده تمام ياعنى الرصيد لحساب الضريبه الاضافيه لما بقدم الاقرار فى اخر السنه بضع فيه رصيد الحساب
طيب فى حاله المشتريات هسجل قيمه الفاتوره بتاعه المورد بالمبلغ قبل ضريبه الاضافه ياعنى هسجل قيمه المخزون باجمالى الفاتوره ولا هخصم منها ضريبه الاضافه
ومتشكر جدا على اهتمامك

[ahmed_gh]

في حالة المشتريات
يتم تسجيل قيمة الفاتورة كمخزون أو مشتريات حسب طريقة نظام الجرد المستمر أو الدوري المتبع تسجل بالإجمالي بدون أي خصم ضريبة أو إضافة ضريبة .

[ramy aw]

الف الف شكر ع المساعده