محاسب هيترفد الحقوه

[محمد المغراوى]

السلام عليكم ورحمه الله وبركاته اخوكم فى الله محتاج مساعده فابلله عليكم لا تبخلو على بالرد انا اعمل محاسب فى شركه فى الامارات وهى تعتبر شركه مقاولات لكنها تختص بمجال تركيب وبيع ادوات الفير والمواسير المهم انا اول مره اشتغل محاسب
وحاسيس انى مش عارف اعمل حاجه لان الشركه وغدا عقود من الباطن وشغاله من سنين ومعملتش نظام محاسبى من قبل ومطلوب منى ابتدى اشتغل بحاول افهم نوعيه النشاطاطات والحمد لله احسن الان بس مشكلتى ازاى ابداء محاسبين وابتدى من فين وطبعا الاوراق والمستندات الموجوده مش متظبطه ومطلوب منى اشتغل على برنامج محاسبى اسمه سو فار انا بحاول اعمل ارصده للعمله والمردين بس مش عارف اظبطها اى حد عنده معلومه يقولهالى بالله عليكم فى اسرع وقت علشان شكلى هرجع بلدى اخوكم فى الله محمد اه لا تنسو (كان الله فى عون العبد ما دام العبد فى عون اخاه) والسلام عليكم ورحمه الله

[love_alex]

بص ياسيدى الموضو ع بسيط جدا مش محتاج انك ترفد ولا اى حاجة
بس ممكن تقولى فكرة عن البرنامج اللى بتشغل بيه اوكوان شاء الله ربنا يا سهل

[محمد المغراوى]

السلام عليكم اولا شكرا على الرد ثانيا المشكله مش فى البرنامج هو اسمه على العموم سو فار المشكله انى عاوز اول الطريق اللى ابتديى منه فاهمنى يعنى ابدء منين على شان اكون متابع الحركه واتابع برده القديم لان المدير بيطلب منى انى اجيب حساب عميل معين عشان اجيبه لازم افتح حساب الفواتير من اول مشتغل مع الشركه المهم علشان مطولش انا عاوز اعرف ابتدى منين علشان اشتغل صح وعلى العموم البرنامج هبتدى عليه اول الشهر ان شاء الله وشكرا على المتابعه وجزاكم الله كل غير

[mightymoudy]

بتختار Accounts Receivable Account
بتجيب بينانات العميل من رقمه او الاسم العميل نسفه بيبقى متخزن في السوفت وير الاسم ورقم العميل
بتطبع كشف حساب ليه
موضوع سهل باذن الله ربنا يوفقك خليك ديما واثق في نفسك
خش على موقع ده فيه شرح برنامج

http://www.prm.nau.edu/PRM275/class-4.12/maintain_gl_accounts.htm

[Ahmed Farouk Abdel majed]

السلام عليكم ورحمة الله وبركاتة
اخى لاتقلق لكن عليك اولا ان تضبط الحسابات على الورق انت تقول ان الشركة لم تتخذ من قبل نظام محاسبى تسير علية ابدا بإعداد ميزان مراجعة للفترة السابقة مع تحليلاتة وابدأ فى ادخال ارصدة فتح على البرنامج ليستقيم عملك الموضوع هاياخد وقت وجهد لكن دا افضل حل من وجهة نظرى

[far east]

السلام عليكم ورحمه الله
شوف يا سيدى المفروض انك تعمل مجموعه من الخطوات الاساسيه:
1- انشاء شجره حسابات . (ودى عباره عن اكواد لكل الحسابات الرئيسيه والحسابات الفرعيه منها)
2-ادخال ارصده اول الفتره .(يعنى حساب البنك فى كام , رصيد العميل فلان, رصيد المورد فلان....)
3- ادحال االقيود اليوميه على البرنامج .
4- فى نهايه كل شهر طباعه ميزان مراجعه ومتابعه الارصده الل فيه +بعض المهام الاخرى زى تسويه البنوك والذى منه...
وربنا يوفقك ان شاء الله

محاسب مصرى يعمل بالخارج

[هشام حلمي شلبي]

الاخ محمد المغراوي
السلام عليكم
انت فعلا في مشكلة لانك مؤتم علي اموال وحسابات ناس وواضح من سنك انك لسه بدون اي خبرة ومن هنا ابدأ نصيحتي وهي
1 - لابد ان تشرك معك اهل الخبرة ودا ممكن يكون عن طريق رئيس الحسابات بشركتك وان اشك في وجودة أو تطلب مكتب مراجعة ليراجع العمل المحاسبي وطبعا المراجعين هيرشدوك علي اسلوب العمل المناسب لكم و طبعا تقدر تتصل بالمراجع تسأله في اي مسئلة تتعزر عليك
2- اما بخصوص برنامج الحسابات فانا لا اعرف شيئ عن برنامجكم ولكن معظم برامج الحسابات لا تتطلب محاسب خبير للقيام بالعمل المحاسبي وانت ممكن تطلب دورة تدريبية علي البرنامج والدورة او التدريب علي البرنامج هيعلمك كل شيئ في البرنامج وتقدر تشتغل علية بقليل من الخبرة
واذا احتجت اي شيئ مني اتصل بي
[email protected]
0187994321

[البشكاتب]

بص ياسيدي العملية سهلة ماتصعبهاش على نفسك وماتخفش خالص اهم حاجة تظبط الأول حسابات كل عميل عندك وبعدين تحصر الموردين وكل مورد تعملة صفحة فى دفتر الموردين وكذلك العملاء بعد ماتحصرهم صح اعملهم ارصدة افتتاحيةاو تعمل حاجة اسمها قائمة مركز مالي والقائمة دي بتعتمد على البيانات اللى انت حصرتها زى الموردين والعملاء والأصول الثابتة من مبانى وواراضي ومعدات ودى بتكلفة كل حاجة منها او على حسب وجود فواتير لها مثل فواتير المعدات سندات ملكية للمبانى والأراضى والأسعار دى بترجع فيها لصاحب الشركة لتقيمها عشان تحط تقيمها دة فى الأصول الثابتة فى قائمة المركز المالي بعد كدة تحصر أوراق الدفع وتحطها بالإجمالى فى قائمة المركز المالى وهكذا للمصاريف المستحقة والتأمينات بعدين فى الأخر لما تحط الأرصدة اللى فاتت تعمل اية بقة لازم توازن بين الجانب المدين والجانب الدائن فى قائمة المركز المالى وهو إنك لو لقيت الجانب المدين أكبر من الدائن تطرح الجانب المدين من الجانب الدائن والفرق تحطة فى بند اسمة رأس المال فى الجانب الدائن و فى قائمة المركز المالى وتبقى كدة خلصت الخطوة الكبيرة الأولى بس لازم يكون فية مرفقات تدعم اللى انت حطيتة فى المركز المالى من أرصدة وبعد ماتخلص قائمة المركز المالى وتظبط معاك اعمل بقى الأرصدة اللى فاتت ارصدة افتتاحية لشغلك وتبتدى المشوار على رأي عبد الحليم وعيش ياريس

ولا فيه حد من الأخوة شايف انى كلامي فيه حاجة ناقصة ياريت يوضحلى ومنكم نستفيد
إيها ب فتحى / الشارقة
0502861855

[محمد المغراوى]

السلام عليكم ورحمه الله وبركاته
اولا جزاكم الله كل خير والله انا مشكور ليكم كلكم وحبيت اطمنكم انى الحمد لله الحال بقى احسن ومستنى اشوف برنامج اشتغل عليه وربنا يسهل انا حبيت بس اشكركم على الاهتمام والرد وجزاكم الله عنى كل خير
السلام علكم ورحمه الله

[waled mohamed]

بص يا حاج محمد انا كن هاقول اللىقالة الاخ بشكاتب بس بينى وبينك هو قال كلام كويس جدا بس فى نقطة بسيطة عايز اضيفها
حاول تحسس نفسك ان الفلوس والشغل دة بتاعك انتا وملكك انتا
صدقنى لو حسيت الاحساس دة هاتلاقى نفسك بتحافظ على كل قرش ويمكن كمان ياعم تلاقى مدينين كانو مستخبيين و فواتيرهم ضايعة هنا ولا هنا وساعتها بقة يا باشا لما تحصل اى مبلغ منهم ابقى افتكر اخوك بخمسة جنية حتى اوك ويارب يا سيدي دايما نسمع خبر كويس ..

[mr-mostafa]

محمد ، دة رقمي 00971502619934
قولي انت في اي امارة وانا بجيلك ، وتحت امرك يا ريس وانا بظبط معاك الموضوع

[v.i.p84]

مساء الخير يا جماعه انا محاسب لاول مره ورايح اشتغل فى المارات ومش عاف الشغل هناك هيبقى نظامه ايه يعنى عاوز اعرف الرواتب للمحاسبين هناك كام والمصاريف كام ونظاه شغل المحاسبه ايه فيدونى افادكم الله

[محمد المغراوى]

السلام عليكم
اولا انا بشكر كل العاملين على هذا الموقع بجد انتم احسنتم التعامل مع ونفعتمونى اوى
احب اطمنكم انا الحمد لله الحال بيتظبط معايا وبدءت اشتغل صح وشاكر لمجهدكم معايا وبالاخص ا هشام حلمى وعلى فكره


ليا نصيحا مهمه ممكن تنفع اى حد
مش عيب انك تكون مش فاهم انما العيب انك تفضل مش فاهم او تتضحك على نفسك وتقول انك فاهم

المهم النصيحه محدش يستعجل وحاول تعرف واتعلم الموضوع سهل والله بس عاوز ايمان وعزيمه واصرار انا اتعرفت على ناس شغلين فى الحسابا وهما مش خريجين تجاره يعنى الموضوع مش صعب واللمهم انا تتوكل على الله وحسب وتعمل بالاسباب


ومن لا يحب صعود الجبال
يعيش ابدا الدهر بين الحفر

[محمد المغراوى]

مساء الخير يا جماعه انا محاسب لاول مره ورايح اشتغل فى المارات ومش عاف الشغل هناك هيبقى نظامه ايه يعنى عاوز اعرف الرواتب للمحاسبين هناك كام والمصاريف كام ونظاه شغل المحاسبه ايه فيدونى افادكم الله



مش مهم الفلوس وتعالى وكفايه انك هتتعلم ومش هتخسر ان شاء الله

[tifa011]

ياباشا كلو فى الاول بيبقى تايه بس المهم انك تعدى المرحلة دى بسرعة

[tifa011]

معرفة خطوات اللاومة لخطاب الضمان وماهى القيود الواجب عملها ؟

[ابو ادهم]

كلام زى الفل ومشكورين يا شباب